కోల్‌కతాతో జరుగుతున్న మ్యాచ్‌లో సన్‌ రైజర్స్ హైదరాబాద్‌ విధ్వంసం సృష్టించింది. 20 ఓవర్లలో మూడు వికెట్లు కోల్పోయి 278 పరుగుల భారీ స్కోర్‌ చేసింది.హెన్రిచ్ క్లెసెన్‌ సెంచరీతో చెలరేగిపోయాడు. 105 పరుగులు చేసి కోల్‌కతాకు చెమటలు పట్టించాడు.

పుతిన్‌ హెలికాప్టర్‌పై ఉక్రెయిన్‌ డ్రోన్‌ దాడికి యత్నించినట్లు తెలుస్తోంది. రాత్రిపూట కుర్స్క్‌ ప్రాంతాలోని ఆయన హెలికాప్టర్‌లో ప్రయాణిస్తుండగా ఈ దాడికి యత్నించింది. దీంతో వెంటనే అప్రమత్తమైన రష్యన్ ఆర్మీ ఉక్రెయిన్‌ డ్రోన్‌ను కూల్చివేసింది.

నైరుతి రుతుపవనాలు ఆదివారం దేశంలోకి విస్తరించాయి. కర్ణాటక, గోవా, మహారాష్ట్ర, నాగాలాండ్‌ తదితర ప్రాంతాలకు విస్తరించాయి. దీంతో రాబోయే 3 రోజులు తెలుగు రాష్ట్రాల్లో భారీ వర్షాలు కురుస్తాయని వాతావరణ శాఖ తెలిపింది.

బాయ్‌ఫ్రెండ్‌‌తో కలిసి రెస్టారెంట్‌కు వెళ్లిన యువతి చికెన్ ముక్క గొంతులో ఇరుక్కొని చనిపోయింది. మహారాష్ట్రలోని పాల్గఢ్‌ జిల్లాలో ఈ సంఘటన జరిగింది. మే 23 రాత్రి డిన్నర్‌కు వెళ్లిన ఆమె చికెన్ పీస్ గొంతులో ఇరుక్కొని ఊపిరాడక చనిపోయింది.

మిస్ వరల్డ్ పోటీల పేరుతో దేశ ప్రతిష్టను దిగజార్చేవిధంగా ప్రవర్తించారని మాజీమంత్రి సబితారెడ్డి ప్రభుత్వంపై ఆగ్రహం వ్యక్తం చేశారు. హైదరాబాద్‌లో జరుగుతున్న మిస్ వరల్డ్ పోటీల్లోపాల్గొన్న వారి పట్ల ఆసభ్యంగా ప్రవర్తించారన్న విమర్శలపై సబితారెడ్డి స్పందించారు.

కరోనా మరోసారి తన ప్రతాపం చూపిస్తోంది. దేశవ్యాప్తంగా వేగంగా వ్యాపిస్తోంది. ఇప్పటికే కేరళ, కర్ణాటకలో కరోనాతో పలువురు చనిపోగా తాజాగా మహారాష్ట్రలోని థానేలో ఒకరు చనిపోయారు. థానేలోని ఛత్రపతి శివాజీ మహారాజ్ ఆసుపత్రిలో కరోనాతో 21 ఏళ్ళ వ్యక్తి మృతి చెందాడు.

బీఆర్ఎస్ అధినేత కేసీఆర్ కు ఆయన కూతురు, ఎమ్మెల్సీ కవిత రాసిన లేఖ ఇష్యూ ఇప్పుడు పార్టీలో ప్రకంపనలు సృష్టిస్తోంది. ఈ నేపథ్యంలో బీఆర్ఎస్ అధినేత కేసీఆర్ తో ఆయన కుమారుడు, పార్టీ వర్కింగ్ ప్రెసిడెంట్ కేటీఆర్ బేటీ కావడం ప్రాధాన్యం సంతరించుకుంది.

ఢిల్లీలో భారీ అగ్నిప్రమాదం జరిగింది. ఎలక్ట్రిక్ ఆటో ఛార్జింగ్ కేంద్రంలో ఒక్కసారిగా మంటలు చెలరేగాయి. ఈ ప్రమాదంలో ఇద్దరు యువకులు సజీవ దహనమయ్యారు. మరో నలుగురు తీవ్రంగా గాయపడ్డారు.

ఉత్తరప్రదేశ్‌ ఘజియాబాద్‌‌లోని ఆదివారం తెల్లవారుజామున కురిసిన భారీ వర్షానికి ACP ఆఫీస్ పైకప్పు కూలిపోయింది. డ్యూటీలో ఉన్న సబ్ ఇన్‌స్పెక్టర్ వీరేంద్ర మిశ్రా ఆఫీస్‌లోనే చిక్కుకుపోయారు. 58 ఏళ్ల మిశ్రా బిల్డింగ్ శిథిలాలు మీద పడి ప్రాణాలు కోల్పోయారు.

ఎర్రవల్లిలోని ఫామ్ హౌజ్ కు వెళ్లిన కేటీఆర్ తండ్రి కేసీఆర్ తో సమావేశం అయ్యారు. కవిత విషయంపైనే వీరు ప్రధానంగా చర్చించినట్లు తెలుస్తోంది. దీంతో కవిత విషయంలో వీరు ఎలాంటి నిర్ణయం తీసుకుంటారనే అంశంపై ఉత్కంఠ నెలకొంది.

చత్తీస్ గఢ్ లో జరిగిన ఎన్ కౌంటర్ లో మరణించిన మావోయిస్టు నాయకుల మృతదేహాల తరలింపులో పోలీసులు అడ్డంకులు సృష్టిస్తున్నారని మావోయిస్టుల బంధువులు, పౌరహక్కలు నేతలు ఆరోపిస్తున్నారు. ఈ ఎన్ కౌంటర్ లో అగ్రనేతలు నంబాల కేశవరావు, నవీన్ లతో పాటు 26 మంది మరణించారు.  

అమెరికాలో ఫేక్‌ డాక్యుమెంట్స్, ఉద్యోగాలు సృష్టించి అక్రమంగా వీసాలు పొందుతున్న కేటుగాళ్ల గుట్టురట్టయింది. ఆ వీసాలను విదేశీయులకు అమ్మి సొమ్ము చేసుకుంటున్న ఇద్దరు పాకిస్థానీయులు అరెస్టయ్యారు.

అరేబియా సముద్రంలో కేరళ తీరానికి 38 నాటికల్ మైళ్ల దూరంలో లైబీరియా షిప్ మునిగిపోయింది. దీంతో కొచ్చి తీరంలో అధికారులు హై అలర్ట్ ప్రకటించారు. నౌకతో ప్రమాదకరమైన రసాయనాలు ఉన్నాయి. నౌకలో 24 మంది సిబ్బందిని ఇండియన్ కోస్ట్ గార్డ్‌ రక్షించారు.

గ్రేటర్ హైదరాబాద్ మున్సిపల్ కార్పొరేషన్ (జీహెచ్​ఎంసీ)ను రెండు ముక్కలు చేయడానికి ప్రభుత్వం ప్రణాళికలు సిద్ధం చేస్తోంది. దీనివల్ల అభివృద్ధి ఈజీ అవుతుందని భావిస్తోంది. అందులో భాగంగా హైదరాబాద్ ను ఔటర్ రింగ్ రోడ్డు(ఓఆర్​ఆర్) వరకు విస్తరించేందుకు సిద్ధమవుతోంది.

అక్రమంగా అమెరికా వీసాలు ఇప్పిస్తున్న ఇద్దరు పాకిస్తానీలను ఎఫ్‌బీఐ అధికారులు అరెస్టు చేశారు. వీరు అమెరికాలో ఉద్యోగాలు సృష్టించినట్లు ఫేక్ డాక్యుమెంట్స్ చూపించి అక్రమంగా వీసాలు పొందేవారు. వాటిని విదేశీయులకు పెద్ద మొత్తంలో అమ్ముకునే వారు.

యూపీలోని తాజ్‌మహల్‌కు మరోసారి బాంబు బెదిరింపులు వచ్చాయి. ఆర్‌డీఎక్స్‌తో తాజ్‌మహల్‌ను పేల్చేస్తామని అధికారులకు కేరళ నుంచి ఈ మెయిల్‌ ద్వారా హెచ్చరించారు. తనిఖీలు చేపట్టగా అనుమానాస్పద వస్తువులు కనిపించలేదు.

Agra, Uttar Pradesh: A threatening email from Kerala warned of an RDX blast at the Taj Mahal. Security agencies launched a three-hour search, found no suspicious items, and issued a high alert. A cyber cell case was filed under the direction of DCP City.

DCP City Sonam Kumar… pic.twitter.com/gKpFjIfgwz

— IANS (@ians_india) May 25, 2025

కేసీఆర్ కూతురుగా కవిత పెట్టే పార్టీకి ఎంత వాల్యూ ఉంటుందో చూడాలని బీఆర్ఎస్ ఎమ్మెల్యే గంగుల కమలాకర్ అన్నారు. ఎవరైనా లేఖ రాయొచ్చు కానీ.. బహిరంగం చేయడం కరెక్ట్ కాదన్నారు. తమ లీడర్ కేసీఆర్ అని.. ఆయన బాటలోనే నడుస్తామని స్పష్టం చేశారు.

దేశంలో కోవిడ్ కేసులు రోజురోజుకీ పెరుగుతున్నాయి. ఈ టైంలో ప్రతీ ఒక్కరూ జాగ్రత్తలు పాటించాలని వైద్యులు సూచిస్తున్నారు. బయటకు వెళ్లినప్పుడు మాస్క్ ధరించడం, సోషల్ డిస్టెన్స్ పాటించడం వంటివి చేయాలి. అలాగే ఇమ్యూనిటీ పవర్‌ పెరిగే పదార్థాలు తీసుకోవాలని అంటున్నారు.

కొద్దిసేపటి క్రితం పెట్టిన ప్రెస్ మీట్ లో హరీష్ కవిత ఇష్యూపై ఎలాంటి రియాక్షన్ లేకుండానే తన ప్రసంగాన్ని ముగించారు. ప్రాజెక్టులు, నీళ్లపై ప్రభుత్వాన్ని ఏకిపారేసిన హరీష్ .. కవిత ఇష్యూపై మాత్రం ఒక్కమాట కూడా మాట్లాడలేదు.

ఆపరేషన్ సిందూర్ తర్వాత తొలిసారి పీఎం నరేంద్ర మోదీ నేడు మన్ కీ బాత్‌లో మాట్లాడారు. పహల్గాం ఉగ్రదాడికి ప్రతీకారం తీర్చుకున్నామని అన్నారు. టెర్రరిజానికి వ్యతిరేకంగా దేశమంతా ఒక్కటైందన్నారు. ఆపరేషన్ సిందూర్‌తో ప్రపంచానికి భారత్ సత్తా ఏంటో తెలిసిందని తెలిపారు.

పార్టీలో ప్రాధాన్యం.. బీజేపీతో పొత్తు పెట్టుకోవద్దు.. ఇలా KCRకు కవిత 6 కండిషన్లు పెట్టినట్లు తెలుస్తోంది. ఈ కండిషన్లకు ఒప్పుకోకుంటే తనదారి తాను చూసుకుంటానని ఆమె స్పష్టం చేస్తున్నట్లు మీడియా కథనాలు వస్తున్నాయి. పూర్తి వివరాలను ఈ ఆర్టికల్ లో తెలుసుకోండి.