Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

cricketer

Sports: మద్యం మత్తులో నడిరోడ్డు మీద సచిన్ బెస్ట్ ఫ్రెండ్

Published on by

Vinod Kambli: తన బ్యాటింగ్‌తో మెరుపులు మెరిపించాడు. టీమ్ ఇండియాలో మెయిన్ ప్లేయర్‌‌గా ఉండేవాడు. తన చిన్నప్పటి బెస్ట్ ఫ్రెండ్ సచిన్‌తో కలిసి ఎన్నో సార్లు అద్భుతమైన స్కోర్లను చేశాడు. అతనే వినోద్ కాంబ్లీ
వినోద్ కాంబ్లీ టీమిండియా తరఫున 17 టెస్టు మ్యాచ్‌లు, 104 వన్డేల్లో ప్రాతినిధ్యం వహించాడు. టెస్ట్ క్రికెట్‌లో 54.20 సగటుతో 1084 పరుగులు చేయగా., ODI లలో కూడా 32 కంటే ఎక్కువ సగటుతో 2477 పరుగులు చేశాడు. ఇకపోతే ఫస్ట్ క్లాస్ క్రికెట్‌ లో కాంబ్లీ 9965 పరుగులు చేశాడు. అతని సగటు సగటు 60.

కానీ ఇప్పుడు అతనే డబ్బుల్లేక, మద్యం మత్తులో రోడ్ల మీద పడి తిరుగుతున్నాడు. మంచి ఆటగాడు, ఆడగలిగే సత్తా ఉన్నా కూడా నిరూపించుకోలేకపోయాడు. ఎంత తొందరగా వచ్చాడో అంత తొందరగా..టీమ్ ఇండియాకు దూరం అయిపోయాడు. ఒకపక్క తన ఫ్రెండ్ క్రికెట్‌లో శిఖరాలను అధిరోహిస్తున్నా తాను మాత్రం వెనక్కు రాలేకపోయాడు. పోనీ మిగతా ప్లేయర్లలాగే క్రికెట్‌లో వేరే ఏదైనా కెరియర్ ఎంచుకుని అందులో సెటిల్ అయ్యాడా అంటే అది కూడా జరగలేదు. దాని ఫలితమే ఇప్పుడు కనిపిస్తోంది. క్రికెట్‌కు దూరం అయిన తర్వాత డబ్బులు లేకుండా పోయాయి. సైన పనిలేక మద్యానికి బానిస అయ్యాడు వినోద్ కాంబ్లీ. దానికి తడు ఇప్పుడు వయసుతో పాటూ వచ్చిన అనారోగ్యాలు వేధిస్తున్నాయి. వినోద్ కాంబ్లీ నేడు సరిగ్గా నడవలేకపోతున్నాడు. ఇందుకు సంబంధించిన వీడియో నెట్టింట వైరల్ అవుతుంది. పక్కనున్న వ్యక్తులు సపోట్ చేస్తున్నా నడవలేకపోతున్నాడు.

అసలేమయిందో అన్నది ఎవ్వరికీ స్పష్టంగా తెలియడం లేదు. కానీ వినోద కాంబ్లీ ఆరోగ్యం చాలరోజుల నుంచి సరిగ్గా లేదని మాత్రం తెలుస్తోంది. చాలాసార్లు ఆసుపత్రిలో కూడా జాయిన్ అయ్యాడు. ఒకసారి గుండెపోటు కూడా వచ్చినట్టు తెలుస్తోంది. కొంతకాలం క్రితం ఆయన ఆర్థిక సంక్షోభంలో ఉన్నప్పుడు.. సచిన్ సహాయం చేశాడు. అంతేకాదు ఆయన్ను సచిన్ అతన్ని అకాడమీలో కోచ్‌ గా నియమించాడు కూడా. అంతే కాదు ముంబై టీ20 లీగ్‌లో జట్టుకు కోచ్‌ గా కూడా ఆయన ఉన్నారు. కానీ.. ఆయన ఆరోగ్యం మరింత క్షీణించడంతో అతను కోచ్‌గా ఉద్యోగం కోల్పోయాడు.

Also Read:Paris Olympics: గాయంతో క్వార్టర్స్‌లో రెజ్లర్ ఓటమి..

Cricket: గ్రేట్ క్రికెటర్ అన్షుమన్ గైక్వాడ్ మృతి

Published on by

Anshuman Gaikwad: టీమ్ ఇండియా మాజీ క్రికెటర్, హెడ్ కోచ్ అన్షుమన్ గైక్వాడ్ నిన్న రాత్రి మరణించారు. గత కొంత కాలంగా ఆయన బ్లడ్ కాన్సర్‌‌తో బాధపడుతున్నారు. ప్రస్తుతం ఆయన వయసు 71 ఏళ్ళు. గైక్వాడ్‌ 1974-87 మధ్య భారత జట్టు తరఫున 40 టెస్టులు, 15 వన్డేలు ఆడారు. కెరీర్ మొత్తంలో 2254 పరుగులు చేశారు. వాటిలో రెండు శతకాలు ఉన్నాయి. 1983లో జలంధర్‌లో జరిగిన మ్యాచ్‌లో పాకిస్థాన్‌పై 201 పరుగులు చేశాడు. దీంతో పాటూ ఆయన టీమ్‌ఇండియాకు రెండుసార్లు ప్రధాన కోచ్‌గా పనిచేశారు. 1997-99 మధ్య కాలంలో ఒకసారి కోచ్‌గా పనిచేశారు. తరువాత కూడా ఆయనను కోచ్‌గా కొనసాగించారు. అన్షుమన్‌ కోచ్‌గా ఉన్న సమయంలోనే 2000 ఐసీసీ ఛాంపియన్స్‌ ట్రోఫీలో భారత్ రన్నరప్‌గా నిలిచింది. 1990ల్లో జాతీయ టీమ్‌ సెలెక్టర్‌గా, ఇండియన్‌ క్రికెటర్స్‌ అసోసియేషన్‌కి అధ్యక్షుడిగానూ పనిచేశారు.

టీమ్ ఇండియాకు ఇన్ని సేవలు చేసిన అన్షుమన్ గైక్వాడ్ చాలా రోజులుగా ఆర్ధిక సమస్యలతో బాధపడుతున్నారు. తనకు వచ్చిన క్యాన్సర్ ట్రీట్ మెంట్‌కు కూడా అతని దగ్గర డబ్బులు లేవు. ఈయన ఆరోగ్యం గురించి, ఆర్థిక పిస్థితుల గురించి భారత మాజీ కెప్టెన్ కపిల్ దేవ్ బీసీసీఐకు విజ్ఞప్తి కూడా చేశారు. దీనికి స్పందించిన బీసీసీఐ వెంటనే ఆర్థిక సహాయం కూడా చేయడానికి ముందుకు వచ్చిందికూడా. అయితే ఇంతలోనే ఆయన కన్నుమూశారు. అన్షుమన్ మృతికి ప్రధాని మోదీ సంతాపాన్ని తెలియజేశారు. క్రికెట్‌కు గైక్వాడ్‌ అందించిన సేవలు ఎప్పటికీ గుర్తుండిపోతాయని, తను మరణించారన్న వార్త బాధ కలిగించిందని అన్నారు. ఆయన కుటుంబ సభ్యులకు మోదీ సానూభూతి వ్యక్తం చేశారు. బీసీసీఐ కార్యదర్శి జైషాతో, మాజీ కెప్టెన్‌ సౌరభ్‌ గంగూలీతో పాటు పలువురు క్రికెటర్లు ఆయన మృతి పట్ల సంతాపం తెలిపారు.

Also Read:Kerala: వయనాడ్‌లో మృత్యుఘోష.. 254కు చేరిన మృతుల సంఖ్య

T20 world Cup: టీ20 ప్రపంచకప్‌లో ఫిక్సింగ్? ఉగాండా ప్లేయర్‌తో మంతనాలు

Published on by

Match Fixing: టీ20 వరల్డ్‌కప్‌లో ఉగాండా లీగ్ దశలోనే తొలిగింది. ఆడిన నాలుగు మ్యాచ్‌లలో ఓడి పోయి టోర్ని నించి నిష్క్రమించింది. అయితే ఇప్పుడు ఈ టీమ్‌కు సంబంధించి ఓ వార్త వైరల్ అవుతోంది. ఇందులో ఓ ప్లేయర్‌ను ఫిక్సింగ్‌కు సంబంధించి కెన్యా మాజీ క్రికెటర్ సంప్రదించినట్లు వార్తలు వస్తున్నాయి. మూడు మ్యాచ్లలో ఎలాగైనా ఫిక్సింగ్ చేయించాలని ఓ కెన్యా మాజీ ఆటగాడు పలుమార్లు వేరువేరు ఫోన్ నెంబర్లతో ఉగాండా ఆటగాడిని సంప్రదించారని సమాచారం. ఈ విషయాన్ని తాజాగా ఐసీసీకి చెందిన ఓ అధికారి మీడియాకి తెలిపారు. అయితే ఇందులో ఎవరెవరు ఉన్నారన్నది మాత్రం పేర్లు ఇంకా బయటకు రాలేదు.

దీనంతటి వెనుకా కెన్యా మాజీ క్రికెటర్ ఉన్నట్లు తెలుస్తోంది. అయితే ఉగాండా ఆటగాడు ఫిక్సింగ్ గాలానికి పడలేదు. అతను నేరుగా వెళ్ళి అ విషయాన్ని ఐసీసీఐలో చెప్పడంతో ముందుగా తెలిసింది. ఈ నేపథ్యంలో ఐసీసీ వీలైనంత త్వరగా విచారణ చేపడతామని.. ఆరోపణలకు తగ్గ ఆధారాలు లభిస్తే నిందితులను కచ్చితంగా శిక్షిస్తామని వారు తెలిపారు. ప్రస్తుతం జరుగుతున్న ప్రపంచ కప్ లో ఉగండా గ్రూప్ సీలో ఉండగా.. మొత్తం నాలుగు మ్యాచ్లు ఆడగా అందులో కేవలం ఒక్క మ్యాచ్లో మాత్రమే విజయం సాధించి టోర్నీ నుండి నిష్క్రమించింది.

Also Read:Andhra Pradesh: ఏపీ మంత్రులకు ఛాంబర్ల కేటాయింపు

Sharukh Khan : ఆ స్టార్ హీరో తన బయోపిక్‌లో నటించాలి.. క్రికెటర్ జోస్ బట్లర్‌ ఇంట్రెస్టింగ్ కామెంట్స్

Published on by

Cricketer : చిత్ర పరిశ్రమ(Cine Industry) లో అత్యంత ఇష్టమైన నటుల్లో షారుక్ ఖాన్(Sharukh Khan) ఒకరు. ఆయన్ను భారతదేశం(India) లోనే కాదు ప్రపంచ వ్యాప్తంగా ఎంతో మంది అభిమానిస్తారు. షారుఖ్ ఖాన్ నటించిన పలు చిత్రాలు ప్రపంచ వ్యాప్తంగా రికార్డులు సృష్టించాయి. దేశ విదేశాల్లో ఎంతో మంది అభిమానులు సంపాదించుకున్నారు షారుఖ్. సాధారణ ప్రజలే కాదు, చాలా మంది అంతర్జాతీయ స్టార్లు కూడా షారుక్ ఖాన్‌ కు ఫ్యాన్స్ అని చెప్పడంలో ఆశ్చర్యమేమీ లేదు.

క్రికెటర్ జోస్ బట్లర్ రాజస్థాన్ రాయల్స్‌

అయితే ఇటీవల ఓ ఇంటర్వ్యూ లో పాల్గొన్న ఇంగ్లీష్ క్రికెటర్ జోస్ బట్లర్(Jos Buttler) షారుక్ ఖాన్ తన బయోపిక్‌లో నటించాలని కోరుకుంటున్నట్లు తన కోరికను వ్యక్తం చేశారు. జోస్ బట్లర్ IPL 2024లో రాజస్థాన్ రాయల్స్ జట్టులో భాగమని అందరికీ తెలుసు.

Jos Buttler - Sharukh Khan

జోస్ బయోపిక్ లో షారుఖ్

జోస్ తన బయోపిక్‌(Biopic) లో షారుఖ్ ని చూడాలనుకుంటున్నాడు. ఫ్రాంచైజీ కోసం నిర్వహించిన ఒక ఇంటర్వ్యూలో.. క్రికెటర్ ట్రెంట్ బౌల్ట్ అతని బయోపిక్‌లో నటించబోయే బాలీవుడ్ నటుడి పేరు చెప్పమని జోస్ ను అడిగాడు. జోస్ ఏమాత్రం ఆలస్యం చేయకుండా బాలీవుడ్ కింగ్ ఖాన్ షారుఖ్ పేరును చెప్పారు. ఈ సమాధానంపై ట్రెంట్ బోల్డ్ కూడా “అవును, మేము షారుక్‌ను ప్రేమిస్తున్నాము” అని చెప్పాడు.

జోస్ బట్లర్‌ను షారుఖ్ హగ్ 

కొన్ని రోజుల క్రితం షారుఖ్ జోస్ బట్లర్‌ను కౌగిలించుకున్న వీడియో నెట్టింట వైరలైన సంగతి తెలిసిందే. ఏప్రిల్ 16న షారుక్ ఖాన్ జట్టు కోల్‌కతా నైట్ రైడర్స్ , రాజస్థాన్ రాయల్స్ మధ్య IPL మ్యాచ్ జరిగింది. ఈ మ్యాచ్‌లో షారుఖ్ ఖాన్ జట్టు పరాజయం పాలైంది. దీని తరువాత, షారుక్ తన జట్టును ప్రోత్సహించడానికి మైదానానికి చేరుకున్నాడు. అదే సమయంలో, అతను జోస్ బట్లర్‌ను కౌగిలించుకున్నాడు. ఆటలో అతని మంచి ప్రదర్శనకు అభినందనలు తెలిపాడు.

Also Read: Actress Amani: అవి చూపించమని అడిగారు.. కాస్టింగ్ కౌచ్ పై నటి ఆమని షాకింగ్ కామెంట్స్..!

Video Viral: డ్రైవర్‌ అవతారం ఎత్తిన హిట్‌మ్యాన్‌.. ఎందుకో తెలుసా..?

Published on by

Video Viral: భారతీయుల అభిమాన క్రికెటర్‌ హిట్‌మ్యాన్ రోహిత్ శర్మ డ్రైవర్‌ అవతారం ఎత్తాడు. ముంబై ఇండియన్స్ టీమ్‌ వెళ్తున్న బస్సును నడిపాడు. ఈ వీడియో వైరల్‌గా మారడంతో అభిమానుల ఆనందానికి అవధులు లేకుండాపోయాయి. ఐపీఎల్‌లో వరుస ఓటములతో సతమతమవుతున్న ముంబై ఇండియన్స్‌ ఫ్యాన్స్‌కు ఓ వీడియో సంతోషాన్ని కలిగిస్తోంది. అభిమానులను అలరించాలని నిర్ణయించుకున్న రోహిత్‌ శర్మ బస్సు డ్రైవర్‌గా మారాడు.

ఆటగాళ్లు అంతా బయల్దేరుతుండగా ఒక్కసారిగా రోహిత్‌శర్మ వెళ్లి బస్సు డ్రైవర్‌ సీటులో కూర్చొని అందరినీ నవ్వించాడు. ఆటగాళ్లంతా ఆశ్చర్యంగా చూడగా అక్కడున్న ఫ్యాన్స్‌ కేరింతలు కొడుతూ ఎంకరేజ్‌ చేశారు. రోహిత్‌ శర్మ ఐపీఎల్‌లో అత్యధిక పరుగులు సాధించిన ఆటగాడిగా రికార్డ్‌ సాధించాడు. 203 మ్యాచ్‌లలో 5197 పరుగులు కూడా చేశాడు. ప్రస్తుతం జరుగుతున్న ఇండియన్ ప్రీమియర్ లీగ్ సీజన్‌లో ముంబై ఇండియన్స్ తరఫున రోహిత్ ఐదు మ్యాచ్‌ల్లో 156 పరుగులు చేశాడు. అతను మార్చి 24న అహ్మదాబాద్‌లోని నరేంద్ర మోడీ స్టేడియంలో గుజరాత్ టైటాన్స్‌తో జరిగిన మ్యాచ్‌లో 29 బంతుల్లో 43 పరుగులు చేయడం ద్వారా సీజన్‌ను ప్రారంభించాడు.

ఆ తర్వాత హైదరాబాద్‌లో SRHపై కేవలం 12 బంతుల్లో మొత్తం 26 పరుగులు చేశాడు. తర్వాతి రెండు మ్యాచ్‌లలో ఢిల్లీ క్యాపిటల్స్, RCBపై వరుసగా 49 రన్స్‌, 38 పరుగులు చేయడం ద్వారా పుంజుకున్నాడు. అయినా ముంబై ఇండియన్స్‌ లీగ్‌లో కాస్త వెనుకబడింది. అభిమానులంతా నిరాశగా ఉన్న సమయంలో సరదాగా రోహిత్‌ ఇలా బస్సు నడిపి అందరిలో ఉత్సాహం రేకెత్తించాడు. సోషల్‌ మీడియాలో ఈ వీడియో వైరల్‌గా మారింది. మీమ్‌లు, జిఫ్‌లతో కామెంట్లు చేస్తున్నారు. టీమ్‌ని నడిపించే నిజమైన వ్యక్తి హిట్‌మ్యాన్‌ అంటూ మాట్లాడుకుంటున్నారు. బస్సు వేగం 200 కాదని తెలిసి రోహిత్‌ ఆ బస్సును నడపలేదంటూ మరో అభిమాని రాశాడు.

ఇది కూడా చదవండి: ఇంట్లో నెగిటివ్‌ ఎనర్జీ ఉందో లేదో ఈ టెక్నిక్‌తో తెలుసుకోండి

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు.

Video Viral: బ్రిటన్‌ ప్రధాని బ్యాటింగ్‌కు ఫిదా అయిన క్రికెటర్లు

Published on by

Video Viral: భారత సంతతికి చెందిన బ్రిటన్‌ ప్రధాని రిషి సునాక్‌ క్రికెట్‌పై మరోసారి అభిమానం చాటుకున్నాడు. ఇంగ్లండ్ జాతీయ జట్టుతో కలిసి నెట్ సెషన్లలో పాల్గొన్నారు. తన బ్యాటింగ్‌ నైపుణ్యాలతో జట్టు సభ్యుల్ని ఆశ్చర్యపరిచారు. అంతేకాకుండా ఇంగ్లండ్ స్టార్ బౌలర్ జిమ్మీ ఆండర్సన్ వేసిన మొదటి బంతిని ఎదురొన్న సునాక్‌.. రెండో బాల్‌కి ఔటయ్యారు. జిమ్మీ బౌలింగ్ ఎదుర్కోవాల్సి వస్తుందని తెలిసే ప్రాక్టీస్‌ కూడా చేసి వచ్చానని సునాక్‌ అన్నారు. ఆ తర్వాత యువ క్రీడాకారులతో ముచ్చటించారు. జిమ్మీ ఆండర్సన్ ఇటీవల టెస్టుల్లో 700 వికెట్లు తీసి రికార్డు సృష్టించాడు.

 

ప్రాక్టీస్ సందర్భంగా సునాక్‌..జిమ్మీ ఆండర్సన్‌తో మాట్లాడారు. జిమ్మీ బౌలింగ్‌లో ఆడాల్సి వస్తుందని తెలిసే వారం రోజుల ముందు కాసేపు ప్రాక్టీస్ చేసి వెళ్లాననని చెప్పారు. ఇంకోసారి తనకు ఇంత స్పీడ్‌గా బౌలింగ్ చేయవద్దని సరదాగా అన్నారు. అంతేకాకుండా అక్కడున్న యువ క్రీడాకారులతో ఆయన మాట్లాడారు. సునాక్‌ ఆటోగ్రాఫ్‌ కోసం అభిమానులు ఎగబడ్డారు. చిన్నారుల బౌలింగ్‌లో కూడా సునాక్‌ నెట్ ప్రాక్టీస్ చేశారు. చిన్నారి వేసిన బంతికి క్లీన్‌ బౌల్డ్‌ అయ్యారు. తనను ఔట్‌ చేసిన బాలుడిపై సునాక్‌ ప్రశంసలు కురిపించారు.

బ్యాటింగ్‌ ఎలా ఉందని ప్రశ్నిస్తే…

వీడియో వైరల్‌గా మారడంతో పలువురు బ్యాటింగ్‌పై ప్రశంసలు కురిపిస్తున్నారు. ఓ యూజర్‌ ఇంగ్లండ్ క్రికెట్‌ టీంను ట్విట్టర్‌లో ఆయన బ్యాటింగ్‌ ఎలా ఉందని ప్రశ్నిస్తే దానికి బదులుగా జట్టు కూడా మరికొన్ని నెట్‌ ప్రాక్టీస్‌లు అవసరం పడతాయని సరదాగా రిప్లై ఇచ్చింది. అయితే ఇంగ్లండ్‌లోని 9 లక్షల యువ ప్లేయర్స్‌ కోసం 35 మిలియన్ పౌండ్లు వెచ్చిస్తున్నామని సునాక్ ప్రభుత్వం ప్రకటించింది. దీనిలో కొంత స్టేడియాల్లో ఆల్-వెదర్ డోమ్స్ ఏర్పాటు కోసం వినియోగించనున్నారు.

ఇది కూడా చదవండి: శుక్రవారం ఈ తప్పులు చేస్తే మీ ఇంట్లో లక్ష్మీదేవి ఉండదు

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు.