Ashu Reddy: అషు రెడ్డికి బ్రెయిన్ సర్జరీ.. కన్నీళ్లు తెప్పిస్తున్న వీడియో!

బిగ్ బాస్ ఫేమ్ అషు రెడ్డికి బ్రెయిన్ సర్జరీ జరిగింది. ఈ విషయాన్ని తెలియజేస్తూ అషు తన ఇన్ స్టాగ్రామ్ లో వీడియోను షేర్ చేసింది. బ్రెయిన్ ట్యూమర్ బారిన పడిన ఆమెకు ఇటీవలే శస్త్ర చికిత్స జరిగినట్లు తెలిపింది. ఈ వీడియో చూసిన వారంతా భావోద్వేగానికి గురవుతున్నారు.

By Archana 21 Apr 2025 in సినిమా Latest News In Telugu

New Update

జూనియర్ సమంతగా పేరు తెచ్చుకున్న బిగ్ బాస్ బ్యూటీ అషు రెడ్డి తరచూ సోషల్ మీడియాలో గ్లామరస్ ఫొటోలు షేర్ చేస్తూ ఫుల్ యాక్టీవ్ కనిపిస్తుంది. దీంతో పాటు టీవీ షోలు, ఈవెంట్లలో కూడా సందడి చేస్తుంది. అయితే గతేడాది నుంచి ఆశు ఆరోగ్య సమస్యలను ఎదుర్కుంటున్న విషయం తెలిసిందే. ఈ క్రమంలో తాజాగా అషు తన ఇన్ స్టాగ్రామ్ లో షేర్ చేసిన ఓ వీడియో అందరికీ కన్నీళ్లు తెప్పిస్తోంది. కొంతకాలంగా బ్రెయిన్ ట్యూమర్ బాధపడుతున్న ఆమెకు ఇటీవలే బ్రెయిన్ సర్జరీ జరిగినట్లు తెలిపింది. సర్జరీ సమయంలో తాను ఎదుర్కున్న సవాళ్ళను వీడియో రూపంలో షేర్ చేశారు. సర్జరీ కోసం ఆమె జుట్టును కూడా కట్ చేశారు. ఎప్పుడు చలాకీగా కనిపించే అషును.. ఇలాంటి పరిస్థితుల్లో చూడడం అభిమానులను భావోద్వేగానికి గురిచేసింది. ఈ వీడియో చూసినవారంతా అషుకు ధైర్యం చెబుతూ.. ఆమె త్వరగా కోలుకోవాలని కామెంట్లు పెడుతున్నారు.