Bus Accident: చౌటుప్పల్ వద్ద ఘోరం.. లారీని ఢీకొట్టిన ట్రావెల్ బస్సు.. ఇద్దరు స్పాట్‌ డెడ్ - 20 మంది!

విజయవాడ-హైదరాబాద్‌ హైవేపై ఘోర రోడ్డు ప్రమాదం చోటుచేసుకుంది. ఈ ప్రమాదంలో ఇద్దరు అక్కడికక్కడే ప్రాణాలు కోల్పోయారు. మరో 20 మందికి పైగా ప్రయాణికులకు తీవ్ర గాయాలు అయ్యాయి. వెంటనే సమాచారం అందుకున్న పోలీసులు సంఘటనా స్థలానికి చేరుకుని క్షతగాత్రులను హాస్పిటల్‌కు తరలించారు. పూర్తి వివరాల్లోకి వెళితే.. 

లారీని ఢీకొట్టి

యాదాద్రి భువనగిరి జిల్లా చౌటుప్పల్‌ మండలం కైతాపురం వద్ద ఆగి ఒక లారీ ఆగి ఉంది. అయితే అదే రూట్‌లో వచ్చిన ట్రావెల్స్‌ బస్సు ఆ లారీని బలంగా ఢీకొట్టింది. ఈ ప్రమాదంలో బస్సు డ్రైవర్‌ సహా ఓ మహిళా ప్రయాణికురాలు స్పాట్‌లో ప్రాణాలు కోల్పోయింది. 

అలాగే ఈ ప్రమాదంలో మరో 20 మంది ప్రయాణికులకు తీవ్ర గాయాలయ్యాయి. ట్రావెల్స్‌ బస్సు విజయవాడ నుంచి హైదరాబాద్‌ వెళ్తుండగా ఈ ఘోరమైన రోడ్డు ప్రమాదం చోటుచేసుకుంది. వెంటనే పోలీసులు సంఘటనా స్థలానికి చేరుకుని క్షతగాత్రులను చౌటుప్పల్‌ ప్రభుత్వాసుపత్రికి తరలించారు. వారికి అక్కడ చికిత్స అందిస్తున్నారు. 

Also Read: కెప్టెన్ మారాడు కథ మారింది..

లారీ అక్కడ ఎందుకుంది?

విజయవాడ నుంచి హైదరాబాద్‌ వెళ్తున్న లారీ బ్రేక్‌డౌన్‌ అయింది. దీంతో డ్రైవర్ ఆ లారీని రోడ్డు పక్కన ఉంచాడు. అదే సమయంలో అదే రూట్‌లో హైదరాబాద్‌ వెళ్తున్న ట్రావెల్స్‌ బస్సు.. ఆగి ఉన్న లారీని వెనుక నుంచి గట్టిగా డాష్ ఇచ్చింది. ఈ ఘటనతో నేషనల్ హైవేపై ట్రాఫిక్‌కు అంతరాయం ఏర్పడింది. ఈ ప్రమాదంపై కేసు నమోదు చేసిన పోలీసులు దర్యాప్తు చేపట్టారు. 

Also Read: బెంగళూరు కోసమే నేనున్నా...విరాట్