Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

plane crash

Plane Crash: నేపాల్ లో టేకాఫ్ అవుతుండగా కుప్పకూలిన విమానం.. అందులో 19 మంది!

Published on by

Nepal : నేపాల్‌లోని త్రిభువన్ అంతర్జాతీయ విమానాశ్రయం (Tribhuvan International Airport) లో విమానం కుప్పకూలింది. ఖాట్మండులోని త్రిభువన్ అంతర్జాతీయ విమానాశ్రయం (టీఐఏ)లో సౌర ఎయిర్‌లైన్స్ విమానం కూలి (Plane Crash) మంటలు చెలరేగాయి. 19 మంది ప్రయాణికులతో పోఖారాకు బయల్దేరిన విమానం టేకాఫ్ సమయంలో రన్‌వేపై నుంచి జారిపడిందని విమానాశ్రయ వర్గాలు తెలిపాయి.

క్రాష్‌ అయిన సమయంలో విమానం నుంచి పెద్ద మంటలు చెలరేగడంతో పొగ బాగా కమ్ముకుంది. అగ్నిమాపక సిబ్బంది, భద్రతా సిబ్బంది సంఘటనా స్థలానికి చేరుకుని మంటలను ఆర్పి పరిస్థితిని అదుపు చేస్తున్నారు. ఈ ప్రమాదంలో విమానంలో ఉన్న సిబ్బందితో సహా 19 మంది ప్రయాణికులు మృతి చెందినట్లు సమాచారం. అగ్నిమాపక సిబ్బంది కెప్టెన్‌ పాఖ్యను రక్షించారు.

 

Also Read: సముద్రంలో పడవ బోల్తా.. ఆరుగురు మత్సకారులు!


Flight Accident: నడిరోడ్డు మీద కూలిన విమానం…ముగ్గురి మృతి!

Published on by

Plane Crash: పారిస్ లో ఓ చిన్న విమానం నడి రోడ్డుపై కూలిపోయింది. తక్కువ ఎత్తులో ఎగురుతుండగా ఓ విద్యుత్ తీగ తగలడంతో ఈ ప్రమాదం జరిగింది. ఈ ప్రమాదంలో ముగ్గురు అక్కడికక్కడే చనిపోయారు. గాయాలపాలైన మిగతా వారిని రెస్క్యూ సిబ్బంది ఎయిర్ ఆంబులెన్స్ లో ఆసుపత్రికి తరలించారు. ఈ ప్రమాదానికి సంబంధించిన వీడియో ప్రస్తుతం సోషల్ మీడియాలో వైరల్ అవుతుంది.

అక్కడి అధికారులు తెలిపిన వివరాల ప్రకారం.. పారిస్ లోని డిస్నీల్యాండ్ సమీపంలో ఏ4 మోటార్ వే పై చిన్న ప్యాసింజర్ విమానం ఒకటి కూలిపోయింది. తలకిందులుగా రోడ్డుపై పడడంతో అందులోని ముగ్గురు ప్రయాణికులు ప్రమాద స్థలంలోనే చనిపోయారు. సమాచారం అందుకున్న రెస్క్యూ టీమ్ పోలీసులతో కలిసి అక్కడికి చేరుకుంది. ఈ ప్రమాదంతో ఏ4 మోటార్ వే పై భారీగా ట్రాఫిక్ జామ్ నెలకొంది. పెద్ద సంఖ్యలో వాహనాలు నిలిచిపోయాయి.

Also read:  విహార యాత్రలో ఘోర విషాదం..గల్లంతైన ఓకే కుటుంబంలోని 5గురు సభ్యులు!

Plane Crash in Russia : రష్యాలో కూలిన కార్గో విమానం..వైరల్ వీడియో..!

Published on by

Plane Crash in Russia :  రష్యా(Russia) లో ఘోర విమాన ప్రమాదం(Plane Crash) జరిగింది. మంగళవారం సైనిక కార్గో విమానం(Cargo Flight) టేకాఫ్ అయిన కొద్దిసేపటికే కుప్పకూలింది. ప్రమాదం జరిగిన సమయంలో విమానంలో 15 మంది ఉన్నారు. ఈ సంఘటన గురించి సమాచారం ఇస్తూ, రష్యా తన ఇల్యుషిన్ IL-76 మిలిటరీ కార్గో విమానం ఒకటి మంగళవారం టేకాఫ్ అయిన వెంటనే కూలిపోయిందని తెలిపింది. ప్రమాదం జరిగిన సమయంలో విమానం ఇంజన్‌లో మంటలు చెలరేగడంతో ఈ ప్రమాదం జరిగింది. ప్రమాదం జరిగిన సమయంలో విమానంలో 15 మంది ఉన్నట్లు వెల్లడించింది. రష్యన్ సోషల్ మీడియా నెట్‌వర్క్‌(Social Media Network) లలో ధృవీకరించని వీడియోలో మండుతున్న ఇంజిన్‌తో విమానం కూలిపోతున్నట్లు కనిపిస్తోంది. హెలికాప్టర్ చక్కర్లు కొడుతుండగా ఆకాశంలో పెద్ద ఎత్తున పొగలు కక్కుతూ కనిపించాయి.ఇల్యుషిన్ -76 విమానం మాస్కోకు తూర్పున 200 కిలోమీటర్ల (125 మైళ్లు) దూరంలో ఉన్న ఇవానోవో ప్రాంతంలో కూలిపోయిందని, దాని ఇంజిన్‌లో ఒకదానికి మంటలు అంటుకున్నాయని మాస్కో తెలిపింది.

అయితే విమానంలో ఉన్న వారు సజీవంగా ఉన్నారా లేక చనిపోయారా అనే విషయంపై స్పష్టత లేదు. విమానం కూలిపోతున్న వీడియో సోషల్ మీడియాలో వైరల్ అవుతోంది. కొన్ని వారాల క్రితమే ఉక్రేనియన్ యుద్ధ ఖైదీలను తీసుకెళ్తున్న విమానం కూలిపోయి, భారీగా ప్రాణ నష్టం జరిగింది.

ఇది కూడా చదవండి : ఇళ్లపై కూలిన తేజాస్ ఫైటర్ జెట్.. వీడియో వైరల్!

Plane Crash: గాల్లో ఢీకొన్న రెండు విమానాలు.. చివరికీ

Published on by

Plane Crash: రోడ్డుపై వెళ్లే వాహనాలు, పట్టాలపై వెళ్లే రైళ్లు ఒకదానికొకటి ఢీకొనే ఘటనలు ఎక్కడో ఓ చోట నిత్యం జరుగుతూనే ఉంటాయి. అయితే ఈ గాల్లో ప్రయాణించే విమానాలు కూడా ఒకదానికొకటి ఢికొన్న ఘటనలు కూడా జరిగిన సందర్భాలు ఉన్నాయి. అయితే తాజాగా.. రెండు విమానాలు గాల్లో ఢీకొన్న ఘటన కెన్యాలో జరిగింది. అయితే ఈ ప్రమాదంలో ఓ శిక్షణ విమానం కుప్పకూలింది. ఈ దుర్ఘటనలో ఇద్దరు మృతి చెందారు.

Also Read: రాష్ట్రమంతటా బాంబులు పెడతాం… సీఎం, మంత్రులకు బెదిరింపులు

ఇక పోలీసులు తెలిపిన వివరాల ప్రకారం.. సఫారీలింక్ ఏవియేషన్‌కు చెందిన ఫ్లైట్‌.. ఐదుగురు సిబ్బందితో సహా.. 44 మందితో మంగళవారం ఉదయం నైరోబీలోని విల్సన్ విమానశ్రయంలో టేకాఫ్‌ అయ్యింది. అయితే అప్పటికే అక్కడ ఓ చిన్నపాటి శిక్షణ విమానం గాల్లో చక్కర్లు కొడుతోంది. ఈ క్రమంలోనే నైరోబీ నేషనల్ పార్కు గగనతలంలో ఉన్న శిక్షణ విమానాన్ని మరో విమానం ఢీకొట్టింది. దీంతో ఆ చిన్న విమానం కుప్పకూలింది.

ఆ చిన్న విమానంలో ప్రయాణిస్తున్న ఇద్దరు పైలట్లు మృతి చెందారు. విల్సన్‌ ఎయిర్‌పోర్టులో ఫ్లైట్ టేకాఫ్ అయిన కొద్దిసేపటికే శిక్షణ ఫ్లైట్‌ను ఢీకొనడంతో భారీ శబ్ధం వినిపించింది. శిక్షణ ఫ్లైట్‌ కుప్పకూలగా మరో ఫ్లేట్‌ను సిబ్బంది ఫ్లైట్‌ను వెనక్కి మళ్లించి సురక్షితంగా ల్యాండ్ చేశారు. అయితే ఇందులో ఎవరికీ ప్రాణ నష్టం జరగలేదని సపారీలింక్‌ ఏవియేషన్‌ వెల్లడించింది. మరోవైపు ఈ ఘటనపై విచారణ చేస్తున్నామని అక్కడి అధికారులు తెలిపారు.

Also Read: ‘బడే భాయ్’ అని పిలిచి మోడీని చిక్కుల్లో పెట్టిన సీఎం రేవంత్!

 

Plane: ఘోరం.. ఇంటిపైనే కూలిన విమానం.. పూర్తిగా కాలిపోయిన ఇల్లు

Published on by

అమెరికాలోని ఫ్లోరిడాలో విషాదం చోటుచేసుకుంది. ఏకంగా ఓ ఇంటిపైనే చిన్న విమానం కూలిపోవడం కలకలం రేపింది. ఆ ఇల్లు పూర్తిగా దగ్దమైపోగా.. మరో మూడు ఇళ్లు ధ్వంసమయ్యాయి. ఈ దుర్ఘటనలో పైలట్‌తో పాటు విమాన ప్రయాణికులు, ఆ ఇంట్లో ఉన్న వారితో కలిసి మృతులు సంఖ్య ఎక్కువగానే ఉన్నట్లు తెలుస్తోంది. అయితే అధికారులు ఇంకా మృతుల సంఖ్యను అధికారికంగా ప్రకటించలేదు. సమాచారం మేరకు ఘటనాస్థలంలోకి చేరుకున్న అగ్నమాపక సిబ్బంది మంటలను అదుపులోకి తీసుకున్నారు.

Also Read: బలగాల ఉపసంహరణపై భారత్ – మాల్దీవుల మధ్య భేటీ..

ఈ ప్రమాదానికి సంబంధించి క్లియర్ వాటర్ ఫైర్ అండ్ రెస్క్యూ విభాగం తమ ఎక్స్‌ (ట్విట్టర్)లో వీడియో షర్ చేసింది. ఈ వీడియోలో విమానం కూలిన ప్రదేశంలో మంటలు వ్యాపించడం అలాగే విమానానికి సంబంధించిన అవశేషాలు కనిపిస్తున్నాయి. ప్రస్తుతం మేము ప్రమాద స్థలం వద్దే ఉన్నామని.. ఇళ్లు దగ్దమయ్యాయని.. వివిధ ప్రాంతాల నుంచి అగ్నిమాపక సిబ్బంది రంగంలోకి దిగారని అధికారులు చెప్పారు.

అయితే ఫెడరల్ ఏవియేషన్ అడ్మినిస్ట్రేషన్‌ తెలిపిన వివరాల ప్రకారం చూసుకుంటే.. బీచ్‌క్రాఫ్ట్ బొనాంజా వి35 అనే విమానం కూలే ముందు పైలెట్ ఇంజిన్‌లో జరిగిని వైఫల్యాన్ని గుర్తించి సమీపంలో ఉన్న విమానశ్రయానికి సమాచారం అందించాడు. కానీ మొబైల్ హోం పార్క్‌ సమీపంలో రన్‌వేకి 5 కిలోమీటర్ల దూరంలో ఫ్లైట్‌ రాడర్ నుంచి విడిపోయినట్లు అగ్నిమాపక చీఫ్ ఎహ్లర్స్‌ పేర్కొన్నారు. అయితే ఈ ప్రమాదానికి సంబంధించి నేషనల్ ట్రాన్స్‌పోర్టేషన్ సెఫ్టీ బోర్ట్‌ దర్యాప్తు చేస్తోంది.

Also Read: అగ్ర రాజ్యంలో మరో భారతీయ విద్యార్థి మృతి..వారంలో మూడో కేసు!

Wagner Group Chief Died : వాగ్నర్ గ్రూప్ చీఫ్ మృతి? రష్యా‎లో ప్లేన్ క్రాష్.. అసలేం జరిగింది.?

Published on by

Wagner Group Chief prigozhin Died : రష్యాకు చెందిన ప్రైవేట్ ఆర్మీ వాగ్నర్ గ్రూప్ చీఫ్ యెవ్జెనీ ప్రిగోజిన్ (prigozhin) విమాన ప్రమాదంలో (Plane crash) మరణించారనే వార్త సంచలనంగా మారింది. అంతర్జాతీయ మీడియా తెలిపిన వివరాల ప్రకారం ప్రిగోజిన్ మాస్కో సమీపంలో జరిగిన విమాన ప్రమాదంలో మరణించినట్లు తెలుస్తోంది. ఇటీవల రష్యాలో అధ్యక్షుడు పుతిన్‌కు వ్యతిరేకంగా జరిగిన తిరుగుబాటు తర్వాత ప్రిగోజిన్ దేశం నుండి బహిష్కరించబడ్డారు. జూన్‌లో పుతిన్‌పై తిరుగుబాటు విఫలమైనప్పటి నుండి వాగ్నర్ గ్రూప్ చీఫ్ యెవ్జెనీ ప్రిగోజిన్ హత్యాయత్నాలు జరుగుతున్నట్లు తెలుస్తోంది. BBC నివేదిక ప్రకారం, మాస్కో సమీపంలో ఒక విమానం కూలిపోయింది. ఈ ప్రమాదంలో విమానంలోని 10 మంది ప్రయాణికులు మరణించారు. వాగ్నర్ గ్రూప్ అధినేత యెవ్జెనీ ప్రిగోజిన్ (prigozhin) కూడా వారిలో ఒకరు. గ్రే జోన్, వాగ్నర్ గ్రూప్‌కు అనుబంధంగా ఉన్న టెలిగ్రామ్ ఛానెల్, మాస్కోకు ఉత్తరాన ఉన్న ట్వెర్ ప్రాంతంలో వాయు రక్షణ ద్వారా జెట్‌ను కూల్చివేసినట్లు నివేదించింది.

కూలిపోయిన విమానంలో యెవ్జెనీ ప్రిగోజిన్ (Yevgeny Prigogine)ఉన్నట్లు రష్యా పౌర విమానయాన అథారిటీ ధృవీకరించింది. టాస్ వార్తా సంస్థ ప్రకారం, విమానం భూమిని ఢీకొనడంతో మంటలు చెలరేగాయి. అదే సమయంలో, స్థానిక ప్రజలకు కూడా పేలుళ్ల శబ్దం వినిపించిందని చెప్పినట్లు సమాచారం.

అయితే ప్రిగోజిన్ విమానం కూలిపోయిందా లేదా అందులో ఏదైనా కుట్ర దాగి ఉందా అనే అనుమానాలు రేకెత్తుతున్నాయి. ప్రిగోజిన్ మేలో పుతిన్‌ (Putin)పై తిరుగుబాటు చేశాడు. ఆ తర్వాత విరమించుకుని రష్యా నుండి బెలారస్కులో ఉంటున్నారు. ఆ తర్వాత పుతిన్ తో సయోధ్య కుదిరిందన్న వార్తలు కూడా వచ్చాయి. కానీ పుతిన్‌పై తిరుగుబాటు చేసిన తరువాత, ప్రిగోజిన్ 4 నెలలు కూడా జీవించలేకపోయాడు. ప్రిగోజిన్ మరణ వార్త యావత్ ప్రపంచాన్ని కలచివేసింది.

పుతిన్‌కు వ్యతిరేకంగా తిరుగుబాటు చేసిన తర్వాత, ప్రిగోజిన్ వాగ్నర్ గ్రూప్‌ను దక్షిణాఫ్రికా, బెలారస్, రష్యాలో అత్యంత శక్తివంతమైన శక్తిగా మార్చాలనుకున్నాడు. ప్రిగోజిన్ ప్రస్తుతం దక్షిణాఫ్రికా కోసం అత్యంత శక్తివంతమైన సైన్యాన్ని నిర్మించే లక్ష్యంలో ఉన్నాడు. ఇటీవల అతని వీడియో కూడా విడుదలైంది, దీనిలో వాగ్నర్ చీఫ్ దక్షిణాఫ్రికా, రష్యా కోసం పని చేయడం గురించి మాట్లాడాడు. ఇందులో ఆర్మీ యూనిఫాంలో చేతిలో రైఫిల్‌తో ఎడారి ప్రాంతంలో కనిపించాడు. వాగ్నర్ సైన్యం ప్రస్తుతం సెర్చ్ ఆపరేషన్‌లో నిమగ్నమై ఉందని ప్రిగోజిన్ చెప్పారు.