Chicken: ఉడకని చికెన్ తినడం వల్ల పక్షవాతం వస్తుందా?.. వైద్యుల అభిప్రాయం తెలుసుకోండి

ప్రపంచవ్యాప్తంగా చికెన్(Chicken) అత్యంత ప్రాచుర్యం పొందిన మాంసాహారాలలో ఒకటి. ఇది ఆరోగ్యానికి ఎంతో మంచిది. ఎందుకంటే ఇందులో ప్రోటీన్లు పుష్కలంగా ఉంటాయి, కొవ్వు శాతం తక్కువగా ఉంటుంది. చికెన్‌ను అనేక రకాలుగా వండుకోవచ్చు. గ్రిల్ చేయడం, వేయించడం, బేక్ చేయడం లేదా కర్రీ చేసుకోవడం వంటివి. దీని సులభంగా లభ్యత, తక్కువ ధర, రుచికరమైన స్వభావం కారణంగా ఇది అన్ని రకాల వంటకాలకు, ప్రాంతాలకు సరిపోతుంది. ఆరోగ్యకరమైన, రుచికరమైన భోజనం కోసం చికెన్ ఒక మంచి ఎంపిక. అయితే చికెన్‌ను అసంపూర్తిగా వండి తినడం వలన తీవ్రమైన ఆరోగ్య సమస్యలు(Health Problems) వస్తాయని డాక్టర్లు తెలుపుతున్నారు. ఈ సిండ్రోమ్ అసంపూర్తిగా వండిన చికెన్ తినడం వల్ల  గిలియన్-బారే సిండ్రోమ్ అనే వ్యాధి   వచ్చే ప్రమాదం ఉందని నిపుణులు హెచ్చరిస్తున్నారు. సాధారణంగా గిలియన్-బారే సిండ్రోమ్ ఫ్లూ, కోవిడ్-19(Covid-19) లేదా ఫుడ్ పాయిజనింగ్(food-poisoning) వంటి సమస్యల తర్వాత వచ్చే అవకాశం ఉందంటున్నారు. దాని గురించి కొన్ని విషయాలు ఈ ఆర్టికల్‌లో తెలుసుకుందాం.

గిలియన్-బారే సిండ్రోమ్ లక్షణాలు:

• ఈ సిండ్రోమ్ గురించి అవగాహన కల్పించేందుకు నాలుగు ముఖ్యమైన లక్షణాలను తెలియజేశారు. ఇవి చాలా తీవ్రమైనవి కాబట్టి వెంటనే వైద్యుడిని సంప్రదించాలి.
• ఇది కాళ్ళ నుంచి ప్రారంభమై శరీర పైభాగానికి వ్యాపిస్తుంది. దీనివల్ల శరీరానికి పక్షవాతం వచ్చే అవకాశం ఉంది.
• గొంతులోని కండరాలు బలహీనపడటం వల్ల మింగడం మరియు మాట్లాడటం కష్టమవుతుంది.
• మూత్ర విసర్జన మరియు మల విసర్జనపై నియంత్రణ కోల్పోవడం.
• వీపు, తొడలు లేదా చేతులు, కాళ్ళలో తీవ్రమైన నొప్పి, మంట లేదా సూదులతో గుచ్చినట్లు అనిపిస్తుంది.

ఇది కూడా చదవండి: యవ్వనంలో ఆర్థరైటిస్ సమస్యా..? అయితే ఈ ఆయుర్వేద చికిత్స గురించి తెలుసుకోండి

డాక్టర్ల సూచనల ప్రకారం.. ఈ లక్షణాలలో ఏ ఒక్కటి కనిపించినా వెంటనే వైద్యుడిని సంప్రదించాలి. మీరు పూర్తిగా ఉడకని చికెన్ తిన్నప్పుడు అది మీ శరీరంలోకి బ్యాక్టీరియాను చేర్చవచ్చు. ఈ బ్యాక్టీరియా వల్ల మీ రోగనిరోధక వ్యవస్థ నరాలపై దాడి చేస్తుంది. ఫలితంగా గిలియన్-బారే సిండ్రోమ్ వస్తుందని వైద్యులు చెబుతున్నారు. ఈ వ్యాధి లక్షణాలు చాలా మందికి తెలియదు.. అందుకే ఈ సమాచారాన్ని ఇతరులకు చెప్పటంతోపాటు షేర్ చేయాలని నిపుణులు సూచించారు. సరైన అవగాహనతో తీవ్రమైన ఆరోగ్య సమస్యలను నివారించవచ్చని నిపుణులు చెబుతున్నారు.

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: నిద్ర తక్కువ పోయే వారికి షాకింగ్ న్యూస్.. ఆ కొత్త రోగం గ్యారెంటీ..?