Health Tips: గుడ్డు తింటే మందే లేని రోగం.. షాకింగ్ రిపోర్ట్!

గుడ్ల(Eggs) లో పోషకాలు పుష్కలంగా ఉంటాయి. అందుకే వీటిని సూపర్‌ఫుడ్ అంటారు. గుడ్లను కేవలం రెండు నిమిషాల్లో వండవచ్చు. అలాగే అనేక రకాల వంటల్లో వీటిని ఉపయోగించవచ్చు. ప్రపంచవ్యాప్తంగా గుడ్లకు చాలా ప్రాచుర్యం ఉంది. ఇవి చాలా చవకగా, పోషకమైనవిగా, సులభంగా లభిస్తాయి. గత కొన్నేళ్లుగా.. గుడ్లు తినడం వల్ల టైప్ 2 డయాబెటిస్ వచ్చే ప్రమాదం పెరుగుతుందా అనే ప్రశ్నలు తలెత్తుతున్నాయి. తాజాగా ఓ కొత్త అధ్యయనం ప్రకారం.. ప్రతిరోజూ గుడ్లు తినే వ్యక్తులకు టైప్ 2 డయాబెటిస్ వచ్చే ప్రమాదం ఎక్కువ అని కనుగొనబడింది. నిజంగా.. గుడ్లు తింటే షుగర్ వ్యాధి వస్తుందా..? శాస్త్రవేత్తలు ఏం చెబుతున్నారో.. కొన్ని విషయాలు ఈ ఆర్టికల్‌లో తెలుసుకుందాం.

డయాబెటిస్ వచ్చే ప్రమాదం..

ఓ అధ్యయనం ప్రకారం.. ప్రతిరోజూ గుడ్లు తినే వారికి టైప్ 2 డయాబెటిస్ వచ్చే ప్రమాదం 7% నుంచి 15% వరకు ఎక్కువగా ఉన్నట్లు తేలింది. ఈ అధ్యయనంలో ప్రపంచవ్యాప్తంగా 4 లక్షల మంది ప్రజల డేటాను విశ్లేషించారు. అయితే గుడ్లు తినడం వల్ల డయాబెటిస్ వచ్చే ప్రమాదం అన్ని ప్రాంతాలలో ఒకేలా ఉండదని ఈ పరిశోధన వెల్లడించింది. గుడ్లతోపాటు ప్రాసెస్ చేసిన మాంసం, రిఫైన్డ్ కార్బోహైడ్రేట్లు ఎక్కువగా తినే దేశాల్లో ఈ ప్రమాదం ఎక్కువగా ఉంది. పాశ్చాత్య దేశాల్లో గుడ్లతో ఈ పదార్థాలు ఎక్కువగా తింటారు. అందుకే ఈ దేశాల్లో ప్రతిరోజూ గుడ్లు తినడం వల్ల డయాబెటిస్ వచ్చే ప్రమాదం పెరుగుతుంది. గుడ్లు మాత్రమే టైప్ 2 డయాబెటిస్‌(type-2-diabetes) కు కారణం కాదని శాస్త్రవేత్తలు అంటున్నారు. గుడ్లతోపాటు బేకన్, సాసేజ్, వైట్ బ్రెడ్, వెన్న వంటి వాటిని తినడం వల్ల అసలు సమస్య మొదలవుతుంది. ఈ పదార్థాలన్నింటిలోనూ సంతృప్త కొవ్వు, రిఫైన్డ్ షుగర్ ఉంటాయి. ఇవి రక్తంలో చక్కెర స్థాయిలను పెంచుతాయి. 

ఇది కూడా చదవండి: నిద్రలో బాగా చెమటలు పడుతున్నాయా..? అయితే మీ ఆరోగ్యానికి ప్రమాద ఘంటికలు మోగినట్లే

దీనికి విరుద్ధంగా, ఆసియా దేశాలలో, గుడ్లను తరచుగా కూరగాయలు, అన్నం లేదా పప్పులతో కలిపి తింటారు. ఇది గుడ్ల వల్ల కలిగే హానిని తగ్గిస్తుంది. అందువల్ల గుడ్ల వల్ల డయాబెటిస్ వచ్చే ప్రమాదం పాశ్చాత్యుల కంటే ఆసియన్లకు చాలా తక్కువ. గుడ్లు ప్రయోజనకరంగా ఉన్నాయా లేదా హానికరా అనేది వాటిని దేనితో కలిపి తింటున్నారనే దానిపై ఆధారపడి ఉంటుంది. పెద్ద గుడ్డులో సుమారు 186 మిల్లీగ్రాముల కొలెస్ట్రాల్(Cholesterol) ఉంటుంది. ఇది కొంత మందిలో ఇన్సులిన్ సెన్సిటివిటీని ప్రభావితం చేస్తుంది. గుడ్లను నెయ్యి, వెన్న, నూనెలో వేయించినప్పుడు లేదా చీజ్‌తో కలిపి చేసినప్పుడు, వాటికి అదనపు కొవ్వు చేరుతుంది. ఇది రక్తంలో చక్కెరను పెంచుతుంది. గుడ్లతో ప్రాసెస్ చేసిన మాంసాన్ని తినే అలవాటు కూడా హానికరం. అందువల్ల గుడ్లు నేరుగా హానికరం కాదు.. కానీ వాటిని ఎలా తయారు చేస్తారు అనేది ముఖ్యం. గుడ్లు తినడం వల్ల ఎటువంటి సమస్య లేదని శాస్త్రవేత్తలు చెబుతున్నారు.

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: చిగుళ్ల నుంచి రక్తస్రావమా..? అయితే గుండెజబ్బు లేక మధుమేహం కావొచ్చు..!!