Home Tips: వర్షాకాలంలో ఈ 9 పనులు చేస్తే దోమలు పరార్.. తప్పక తెలుసుకోండి!

వర్షాకాలం సీజన్‌లో దోమల విపత్తు కూడా పెరుగుతుంది. వర్షపు నీరు వల్ల దోమల పెంపకానికి మంచి వాతావరణం అందిస్తుంది. కూలర్లు, బకెట్లు, నీటి ట్యాంకులు, పూల కుండీలు, రోడ్డు పక్కన గుంతలు వంటి వాటిలో నీరు నిలిచిపోతే దోమలు అక్కడ గుడ్లు పెట్టి త్వరగా పెరిగిపోతాయి.

By Vijaya Nimma 19 Jun 2025 in లైఫ్ స్టైల్ Latest News In Telugu

New Update

Monsoon Safety Tips: వర్షాకాలం వచ్చేసరికి ప్రకృతి పచ్చదనంతో కళకళలాడుతుంది. చల్లటి గాలులు వీచి, వేసవి వేడి నుంచి ఉపశమనం లభిస్తుంది. అయితే ఈ సీజన్‌తోపాటు దోమల విపత్తు కూడా పెరుగుతుంది. వర్షపు నీటి వల్ల బహుళంగా నిలిచే నీరు దోమల పెంపకానికి మంచి వాతావరణం అందిస్తుంది. కూలర్లు, బకెట్లు, నీటి ట్యాంకులు, పూల కుండీలు, రోడ్డు పక్కన గుంతలు వంటి వాటిలో నీరు నిలిచిపోతే దోమలు అక్కడ గుడ్లు పెట్టి త్వరగా పెరిగిపోతాయి. ఇవి డెంగ్యూ, మలేరియా, చికుంగున్యా లాంటి ప్రమాదకర వ్యాధులను వ్యాప్తి చేస్తాయి. అందువల్ల వర్షాకాలం అందాలు ఆస్వాదిస్తూనే.. దోమల నివారణకు ముందు జాగ్రత్తలు తప్పనిసరిగా తీసుకోవాలి. ఇలాంటి ఇంటి చిట్కాల గురించి ఈ ఆర్టికల్‌లో కొన్ని విషయాలు తెలుసుకుందాం.

దోమలు తరి మేసే ఇంటి చిట్కాలు:

ప్రతి రెండు రోజులకోసారి పూల కుండీల్లో నీటిని మార్చాలి. పైకప్పులపై నిలిచిన నీరు, గడ్డి, ట్రేలు వంటివన్నీ ఖాళీ చేయాలి లేదా మూత పెట్టాలి. కూలర్లలో నీటిని తరచూ మార్చడం ద్వారా కూడా దోమల పెంపకాన్ని అడ్డుకోవచ్చు. ఇంటి లోపల దోమలు రావకుండా ఉండేందుకు తలుపులు, కిటికీలకు మెష్‌ వలలు అమర్చడం మంచిది. అవసరమైతే సాయంత్రం సమయంలో తలుపులు మూసివేయడం ద్వారా కూడా దోమల ప్రవేశాన్ని నివారించవచ్చు. ఇంటి లోపల దోమలు దూరంగా ఉండాలంటే.. శుభ్రత అత్యంత ముఖ్యం. బాత్రూమ్, స్టోర్‌రూమ్, వంటగది తాలూకు మూలలు, అల్మారాల వెనుక భాగాలు వంటివి శుభ్రంగా ఉంచాలి. నేల తుడవడానికి ఉపయోగించే నీటిలో కొద్దిగా వేప నూనె, డెటాల్ వేసుకుంటే దోమలతోపాటు బ్యాక్టీరియా కూడా దూరమవుతుంది.

ఇది కూడా చదవండి: మఖానాతో బెల్లం తినడం వల్ల కలిగే అద్భుతమైన ప్రయోజనాలు ఇవే!

శరీరాన్ని కప్పే వదులుగా ఉండే దుస్తులు ధరించడం ద్వారా కూడా దోమల నుంచి రక్షణ పొందవచ్చు. చిన్నపిల్లలు, వృద్ధులు ఈ విషయంలో ఎక్కువ జాగ్రత్త వహించాలి. దోమల వికర్షక క్రీమ్‌లు, స్ప్రేలు, స్టిక్కర్లు వాడితే మరింత భద్రత కలుగుతుంది. పిల్లల స్కూల్ బ్యాగ్స్‌పై కూడా దోమల వికర్షక ప్యాచ్‌లు అతికించవచ్చు. దోమలు కుట్టిన తర్వాత ఆరోగ్య సమస్యలు తలెత్తకూడాలంటే రోగనిరోధక శక్తిని పెంచుకోవాలి. ఆహారంలో తులసి ఆకులు, నిమ్మకాయ, ఆమ్లా, పసుపు పాలు వంటివి చేర్చాలి. రోజూ తగినంత నీటిని తాగడం ద్వారా శరీరాన్ని హైడ్రేటెడ్‌గా ఉంచవచ్చు. డెంగ్యూ, మలేరియా మొదలైన వ్యాధులకు సంబంధించిన జ్వరం, శరీర నొప్పులు, చర్మంపై దద్దుర్లు వంటి లక్షణాలు కనిపించగానే డాక్టర్‌ను సంప్రదించి సహాయం తీసుకోవాలి.

ఇది కూడా చదవండి: జీర్ణ సమస్యల నుంచి ఉపశమనం పొందడానికి ప్రతిరోజూ ఇవి తాగండి