Beetroot: బీటు'రూటు'.. వెయిట్ లాస్‌కి మంచి డైట్ గురూ!!

బీట్‌రూట్ ఒక అద్భుతమైన సూపర్‌ఫుడ్. ఇందులో ఫైబర్, ఐరన్, పొటాషియం, యాంటీ ఆక్సిడెంట్లు పుష్కలంగా ఉన్నాయి. ఇది మీ జీవక్రియను వేగవంతం చేసి.. శరీరంలోని విషపదార్థాలను బయటకు పంపిస్తుంది. అలాగే.. రక్తప్రసరణను కూడా మెరుగుపరుస్తుంది. స్థూలకాయం (fat) కేవలం అందాన్ని మాత్రమే కాకుండా.. అనేక అనారోగ్య సమస్యలకు కూడా కారణమవుతుంది. ఈ సమస్యను అధిగమించడానికి ఆహారంలో బీట్‌రూట్‌ను చేర్చుకోవడం చాలా మంచిది. బీట్‌రూట్ కొవ్వు తగ్గడానికి ఉత్తమమైనదిగా చెబుతున్నారు. ఈ బీట్‌రూట్‌ను ఆరు రకాలుగా ఉపయోగిస్తే అనేక ప్రయోజనాలు ఉన్నాయి. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

సలాడ్‌గా బీట్‌రూట్:

• బీట్‌రూట్‌ను సలాడ్‌లో పచ్చిగా తీసుకోవడం చాలా సులభం మరియు ఆరోగ్యకరమైన మార్గం. దీనికి కీరదోస, టమాటా, నిమ్మరసం కలిపి తినడం వల్ల ఫైబర్ ఎక్కువగా లభిస్తుంది. ఇది కడుపు నిండిన భావనను ఎక్కువసేపు ఉంచుతుంది.

బీట్‌రూట్ జ్యూస్:

• ఉదయం ఖాళీ కడుపుతో ఒక గ్లాసు బీట్‌రూట్ జ్యూస్ తాగడం వల్ల జీవక్రియ వేగవంతమై.. శరీరంలోని మలినాలు బయటకు పోతాయి. ఇందులో క్యారెట్, అల్లం కలిపి తాగితే రుచి, ప్రయోజనాలు రెండూ పెరుగుతాయి.

బీట్‌రూట్ రైతా:

• మధ్యాహ్నం భోజనంలో బీట్‌రూట్ రైతాను చేర్చుకోవాలి. ఉడికించిన బీట్‌రూట్‌ను తురిమి, దానికి పెరుగు, కొద్దిగా వేయించిన జీలకర్ర పొడి కలిపి తినాలి. ఇది కడుపుకు చలువ చేసి బరువు తగ్గడానికి సహాయపడుతుంది.

బీట్‌రూట్ స్మూతీ:

• వర్కౌట్ తర్వాత బీట్‌రూట్ స్మూతీ తానాలి. బీట్‌రూట్, అరటిపండు, పాలకూర, గ్రీక్ యోగర్ట్ కలిపి బ్లెండ్ చేయాలి. ఇది శక్తినిస్తుంది మరియు కొవ్వును తగ్గించడంలో సహాయపడుతుంది.
  
  ఇది కూడా చదవండి: నిద్రలో నోరు తెరిచి ఉంటే జాగ్రత్త.. ఈ అలవాటు ఆనారోగ్య సమస్యలకు సంకేతం
  

బీట్‌రూట్ సూప్:

• చలికాలంలో వేడివేడిగా బీట్‌రూట్ సూప్ తాగాలి. ఇందులో అల్లం, వెల్లుల్లి, మిరియాల పొడి వేయడం వల్ల జీవక్రియ యాక్టివేట్ అవుతుంది. అలాగే రోగనిరోధక శక్తి కూడా పెరుగుతుంది.

రోస్టెడ్ బీట్‌రూట్ స్నాక్:

• ఓవెన్‌లో కొద్దిగా ఆలివ్ ఆయిల్, హెర్బ్స్ వేసి రోస్టెడ్ బీట్‌రూట్ స్నాక్ తయారు చేసుకోవాలి. ఇది తక్కువ కేలరీలు ఉండే ఆరోగ్యకరమైన స్నాక్. సాయంత్రం వేళ ఆకలిని తీర్చడంతోపాటు కొవ్వును కూడా తగ్గిస్తుందని నిపుణులు చెబుతున్నారు. బీట్‌రూట్ దాని ప్రకాశవంతమైన ఎరుపు రంగుతో మనసును ఆకట్టుకునే ఒక దుంప కూరగాయ. ఇది తీపిగా, మట్టి వాసనతో కూడిన రుచిని కలిగి ఉంటుంది. బీట్‌రూట్ తరచుగా సలాడ్‌లు, సూప్‌లు, జ్యూస్‌లలో ఉపయోగిస్తారు. అంతేకాకుండా.. బీట్‌రూట్ ఆరోగ్యానికి చాలా మంచిది. దీనిలో విటమిన్లు, ఖనిజాలు, యాంటీఆక్సిడెంట్లు రక్తపోటును తగ్గించడంలో, గుండె ఆరోగ్యాన్ని మెరుగుపరచడంలో, శరీరంలో మంటను తగ్గించడంలో సహాయపడతాయి. బీట్‌రూట్ ఆకులు కూడా తినవచ్చు. ఇవి పాలకూర ఆకుల్లా ఉంటాయి.  

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: ముఖంలో ఈ లక్షణాలు కనిపిస్తే మీ కిడ్నీ ఖేల్ ఖతం!!