యూపీ హథ్రస్లో ఘోర రోడ్డు ప్రమాదం జరిగింది. ఓ ప్రైవేట్ బస్సు వ్యాన్ను ఓవర్ టెక్ చేసే క్రమంలో వ్యాన్ను బలంగా ఢీ కొట్టింది. 15 మంది దుర్మరణం చెందగా 16 మంది గాయపడ్డారు. మోదీ, సీఎం యోగి తీవ్ర దిగ్భ్రాంతి వ్యక్తం చేశారు. మృతుల కుటుంబాలకు రూ.2 లక్షలు ఎక్స్గ్రేషియా ప్రకటించారు.
తూర్పుగోదావరి జిల్లాలో జరిగిన ఘోర రోడ్డు ప్రమాదంలో గైట్ కాలేజీకి చెందిన ప్రవీణ్, కార్తీక్ అనే విద్యార్థులు దుర్మరణం పాలయ్యారు. వెనుక నుండి వచ్చిన బొగ్గు లారీ బలంగా ఢీకొని వారిద్దరిపై ఎక్కి రోడ్ పై కొంత దూరం ఈడ్చుకెళ్లింది. దాంతో విద్యార్థుల శరీర భాగాలు చెల్లాచెదురుగా పడిపోయాయి.
మేడ్చల్ లో యూటర్న్ తీసుకుంటున్న బైక్ ను ఓ కారు అతివేగంతో వచ్చి ఢీకొట్టింది. ఈ ప్రమాదంలో బైక్ మీద ఉన్న తండ్రి పంకజ్ అక్కడికక్కడే మరణించగా...కుమార్తె పూజ తీవ్రంగా గాయపడింది. పోలీసులు కేసు నమోదు చేసుకుని దర్యాప్తు చేస్తున్నారు.
హైదరాబాద్లోని సూరారం పీఎస్ పరిధిలో రోడ్డు దాటుతున్న అబ్దుల్ సలాం అనే వ్యక్తిని అతివేగంగా వచ్చిన బైక్ ఢీకొట్టింది. దాదాపు 20 మీటర్ల వరకు ఎగిరిపడ్డ అబ్దుల్ సలాం అక్కడిక్కడే మృతి చెందాడు. బైక్ నడిపిన వ్యక్తికి తీవ్రంగా గాయాలయ్యాయి.
అనంతపురం జిల్లా బొందలదిన్నెలో ఘోర రోడ్డు ప్రమాదం జరిగింది. లారీ, కారు ఎదురెదురుగా ఢీ కొనడంతో కారులో ప్రయాణిస్తున్న ప్రతాప్ రెడ్డి, ప్రమీల, వెంకటలక్ష్మి అక్కడికక్కడే దుర్మరణం చెందారు. మృతులు గంధారగుట్టపల్లి గ్రామానికి చెందినవారిగా పోలీసులు గుర్తించారు.
మహారాష్ట్రలోని ముంబయి- నాసిక్ రహదారిపై వెళ్తున్న ఓ పాల ట్యాంకర్ అదుపుతప్పి 300 అడుగుల దిగువకు ఉన్న లోయలో పడిపోయింది. ఈ ప్రమాదంలో ఐదుగురు మృతి చెందారు. మరో నలుగురు తీవ్రంగా గాయపడ్డారు. ఘటనాస్థలానికి చేరుకున్న సహాయక బృందం మృతదేహాలను బయటికి తీసింది.
హైదరాబాద్ హబ్సిగూడలో ఘోర రోడ్డు ప్రమాదం జరిగింది. వేగంగా వెళ్తున్న టిప్పర్ ఢీకొట్టడంతో ఆర్టీసీ బస్సు కిందికి ఆటో చొచ్చుకెళ్లింది. ఈ ప్రమాదంలో ఆటోలో ప్రయాణిస్తున్న 10వ తరగతి విద్యార్థిని సాత్విక అక్కడికక్కడే మృతి చెందింది. ఆటో డ్రైవర్ పరిస్థితి విషమంగా ఉంది.
బాపట్ల జిల్లా అద్దంకి రాధాకృష్ణపురం సమీపంలో అర్థరాత్రి సమయంలో బస్సు బోల్తా పడింది. మలుపు రోడ్డు వద్ద రేడియం స్టిక్కర్ల డ్రమ్ములు కనిపించకపోవడంతో ఈ ప్రమాదం జరిగింది. ప్రమాదం జరిగిన సమయంలో బస్సులో 29 మంది ప్రయాణికులు ఉండగా..10 మందికి తీవ్ర గాయాలు అయ్యాయి.
/rtv/media/post_attachments/wp-content/uploads/2024/09/Nalgonda.jpg)
/rtv/media/post_attachments/wp-content/uploads/2024/05/accident-4.jpg)
/rtv/media/post_attachments/wp-content/uploads/2024/08/u-turn.jpg)
/rtv/media/post_attachments/wp-content/uploads/2024/08/FotoJet-38-5.jpg)
/rtv/media/post_attachments/wp-content/uploads/2024/08/FotoJet-111.jpg)
/rtv/media/post_attachments/wp-content/uploads/2024/08/FotoJet-48-2.jpg)
/rtv/media/post_attachments/wp-content/uploads/2024/08/hyderabad-accident.jpg)
/rtv/media/post_attachments/wp-content/uploads/2024/08/FotoJet-14-4.jpg)
