ఘోర రోడ్డు ప్రమాదం.. నలుగురు దుర్మరణం

సంగారెడ్డి జిల్లాలో ఘోర రోడ్డు ప్రమాద ఘటన చోటుచేసుకుంది. జహీరాబాద్-బీదర్ రోడ్డుపై న్యాల్‌కల్ మండంలోని గణేష్‌పూర్ దగ్గర ద్విచక్ర వాహనం యాక్సిడెంట్‌కి గురైంది. వివరాల్లోకి వెళ్తే.. గణేష్‌పూర్‌కి చెందిన గునెల్లి సిద్రామ్ కుటుంబ సభ్యులతో కలిసి పొలానికి వెళ్లారు. పొలం నుంచి తిరిగి వస్తుండగా.. బీదర్ వైపు వెళ్తున్న కర్ణాటక బస్సు ఢీకొట్టింది. ఈ ప్రమాద ఘటనలో సిద్రామ్‌తో పాటు అతని అల్లుడు, కుమార్తె, మనవడు మరణించారు. 

ఇది కూడా చూడండి: నేడే హర్యానా, జమ్మూకశ్మీర్‌ అసెంబ్లీ ఎన్నికల ఫలితాలు..

చికిత్స తీసుకుంటూ..

సిద్రామ్ అక్కడిక్కడే మరణించగా.. మిగతా వారు ఆసుపత్రిలో చికిత్స తీసుకుంటూ మరణించారు. వీరి మృతితో గ్రామమంతా విషాదంలో మునిగిపోయింది. విషయం తెలుసుకున్న పోలీసులు వెంటనే ఘటనాస్థలానికి చేరుకున్నారు. ఈ ప్రమాదం తర్వాత ట్రాఫిక్‌ ఎక్కువగా నిలిచిపోవడంతో వాహనాల రాకపోకలు ఆగిపోయాయి. వెంటనే పోలీసులు క్లియర్ చేశారు. ఈ ఘటనపై పూర్తి వివరాలు తెలియాల్సి ఉంది. 

ఇది కూడా చూడండి: Resultsజమ్ముకశ్మీర్‌ , హర్యానా ఎన్నికల ఫలితాలు..ప్రజల తీర్పుపై ఉత్కంఠ