Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

g7 summit

G7 Summit: మరోసారి మెలోనీ-మోదీ సెల్ఫీ.. వీడియో వైరల్

Published on by

Giorgia Meloni Shares ‘Melodi’ Selfie Video With Modi: ఇటీవల భారత ప్రధాని నరేంద్ర మోదీ, ఇటలీ ప్రధాని జార్జియా మెలోనీల సెల్ఫీ ఫొటోలు సోషల్‌ మీడియాలో చక్కర్లు కొట్టిన సంగతి తెలిసిందే. ఈ ఇద్దరు ప్రధానులు మళ్లీ కలిసే సమయాన్ని జీ7 సదస్సు (G7 Summit) కలిపింది. ఇటలీలో జరుగుతున్న ఈ సదస్సుకు వచ్చిన మోదీకి.. జార్జియా మెలోని (Giorgia Meloni) స్వాగతం పలికారు. సమావేశాలు పూర్తయిన అనంతరం మోదీతో (PM Modi) కలిసి మెలోని సెల్ఫీ వీడియో తీసుకున్నారు. అలాగే తన ఎక్స్‌ ఖాతాలో ఈ వీడియోను షేర్ చేశారు. హాయ్ ఫ్రెండ్స్, ఫ్రమ్‌ మెలోడీ అని క్యాష్షన్ ఇచ్చారు. ప్రస్తుతం ఈ వీడియో నెట్టింటా వైరల్ అవుతోంది.

Also Read: దక్షిణాఫ్రికాలో సంకీర్ణ ప్రభుత్వం.. రెండోసారి అధ్యక్షుడిగా రమాఫోసా

గతేడాది డిసెంబర్‌లో దుబాయ్ వేదికగా జరిగిన కాప్ 28 సదస్సు సందర్భంగా ఈ ఇద్దరు ప్రధానుల సెల్ఫీ ఫొటోలు వైరలయ్యాయి. మోదీతో తీసుకున్న సెల్ఫీని మెలోని తన ఎక్స్‌ షేర్ చేశారు. దానికి మెలోడి అనే హ్యాష్‌ట్యాగ్‌ ఇచ్చారు. మెలోడి అంటే మెలోని, మోదీ పేర్లు కలిసేలా ఉన్న పదం. అప్పటి నుంచి హ్యాష్‌టగ్‌ మెలోడీ పదం ట్రెండ్ అయ్యింది.

ఇదిలాఉండగా.. జీ7 సదస్సులో భాగంగా శుక్రవారం ప్రధాని మోదీ ద్వైపాక్షిక సమావేశాల్లో పాల్గొన్నారు. అమెరికా, బ్రిటన్, ఫ్రాన్స్, జపాన్, కెనడా, జర్మనీ, ఇటలీతో పాటు పలుదేశాల అధినేతలతో విడివిడిగా కలిశారు. వరుసగా మూడోసారి భారత ప్రధానిగా బాధ్యతలు చెపట్టిన మోదీకి పలువురు నేతలు శుభాకాంక్షలు తెలిపారు.


Also Read: మోదీ-బైడెన్‌ ఆత్మీయ పలకరింపు!

PM Modi at G-7: ప్రధాని మోదీ జీ-7 దేశాల అధినేతల్లో ప్రత్యేకమైన నాయకుడు.. ఎందుకంటే.. 

Published on by

PM Modi at G-7: ప్రధాని నరేంద్ర మోదీ ఇటలీ పర్యటన నుంచి భారత్‌కు తిరిగొచ్చారు. మూడు రోజుల జీ-7 సదస్సులో పాల్గొన్న అనంతరం ప్రధాని మోదీ శనివారం ఢిల్లీ చేరుకున్నారు. ప్రపంచంలోని పలువురు పెద్ద నేతలను ప్రధాని మోదీ కలిశారు. జి-7 శిఖరాగ్ర సదస్సు ఎంతో ఉపయోగపడిందని అన్నారు. పలువురు ప్రపంచ నేతలను కలుసుకుని పలు అంశాలపై చర్చించారు. అభివృద్ధి చెందిన భారతదేశాన్ని నిర్మించడమే మన సంకల్పమని ప్రధాని మోదీ అన్నారు. ఘన స్వాగతం పలికిన ఇటలీ ప్రజలకు ప్రధాని మోదీ ధన్యవాదాలు తెలిపారు. ఇటలీలోని అపులియాలోని జి-7 వేదికపై ప్రధాని మోదీ ముద్ర చాలా స్పష్టంగా కనిపించింది.

G-7లో ప్రధాని మోదీ పేరు మారుమోగడానికి  7 కారణాలు

  1. మూడోసారి మళ్లీ అధికారంలోకి వచ్చారు
  2. కరోనా విషాదం తర్వాత కూడా మళ్లీ అధికారంలోకి వచ్చారు
  3. ప్రపంచంలో శక్తివంతమైన, శక్తివంతమైన నాయకుడి చిత్రం
  4. గ్లోబల్ ప్లాట్‌ఫారమ్‌లలో పాయింట్‌ను శక్తివంతంగా ముందుకు ఉంచండి
  5. దేశాన్ని ఐదో అతిపెద్ద ఆర్థిక వ్యవస్థగా మార్చింది
  6. ఢిల్లీలో G20 సదస్సు విజయవంతంగా నిర్వహించబడింది
  7. చైనా, పాకిస్థాన్‌లకు ధీటుగా సమాధానం ఇచ్చింది

ప్రధాని మోదీ మూడోసారి అధికారంలోకి..
PM Modi at G-7: ప్రపంచంలోని పెద్ద దేశాల ఆర్థిక వ్యవస్థ కుంటుపడిన కరోనా కాలంలో, పేద వ్యవస్థ కారణంగా, ప్రపంచంలోని శక్తివంతమైన నాయకులు తిరిగి అధికారంలోకి రాలేకపోయారు. ప్రధాని మోదీ విధానాల వల్ల మళ్లీ మూడోసారి అధికారంలోకి వచ్చారు. అటువంటి పరిస్థితిలో, కరోనా తర్వాత అధికారం కోల్పోయిన  ప్రపంచ నాయకులు ఎవరో తెలుసుకుందాం.

ప్రపంచ నాయకులు అధికారానికి దూరంగా ఉన్నారు

అమెరికా:  డోనాల్డ్ ట్రంప్.. 2020 ఎన్నికల్లో ఓడిపోయారు. 

జర్మనీ: ఏంజెలా మెర్కెల్.. 16 ఏళ్ళు అధికారంలో ఉన్న తరువాత ఓటమి 

జపాన్: యోషిదే సుగా.. 2021లో రాజీనామా చేశారు 

బ్రిటన్: రిషి సునక్.. ఎన్నికలకు ముందు సర్వేలో వెనుకబడ్డారు 

ఇండోనేషియా: జోకో విడోడో.. తిరిగి అధికారంలోకి రాలేదు

బ్రెజిల్: బొల్సోనారో..  2022లో ఓటమి 

ఇటలీ: మారియో డ్రాగి.. మెజారిటీ లేకపోవడంతో రాజీనామా చేశారు 

దక్షిణ కొరియా: హాన్ డక్-సు.. ఈ ఏడాది ఓటమి తరువాత రాజీనామా 

ప్రధాని మోదీకి 5 సార్లు ఆహ్వానం..
PM Modi at G-7: అత్యంత ముఖ్యమైన – ప్రత్యేకంగా చెప్పుకోవలసిన  విషయం ఏమిటంటే, భారతదేశం G7 లో సభ్యుడు కాదు. ఆ తర్వాత కూడా ప్రధాని మోదీకి 5 సార్లు ఆహ్వానం అందింది. మాజీ ప్రధాని మన్మోహన్ సింగ్ కూడా 5 సార్లు పాల్గొన్నారు.

జీ-7లో మోదీ.. 

  • ఫ్రాన్స్ 2019
  • బ్రిటన్ 2021
  • జర్మనీ 2022
  • జపాన్ 2023
  • ఇటలీ 2024

Also Read: మోదీ-బైడెన్‌ ఆత్మీయ పలకరింపు!

Modi : మోదీ-బైడెన్‌ ఆత్మీయ పలకరింపు!

Published on by

Modi – Biden : జీ 7 సదస్సు (G7 Summit) కు విశిష్ట అతిథిగా హాజరైన భారత ప్రధాని నరేంద్ర మోదీ (PM Narendra Modi) శుక్రవారం అంతా బిజీబిజీగా గడిపారు. ఆయన అక్కడ పలు దేశాధినేతలతో కలవడంతో పాటు పలు ముఖ్యమైన సెషన్లలో కూడా పాల్గొన్నారు. మోదీ ప్రత్యేకంగా అమెరికా అధ్యక్షుడు జో బైడెన్‌ (Joe Biden) ని మోదీని కలిశారు.

వారిద్దరూ ఒకరినొకరు ఆత్మీయంగా పలకరించుకున్నారు. ఇరువురూ కాసేపు ముచ్చటించారు. వీరి సమావేశంపై ప్రధాని మోదీ ‘ఎక్స్’ (X) వేదికగా స్పందించారు. ‘‘ అమెరికా అధ్యక్షుడు జో బైడెన్‌ని కలవడం ఎల్లప్పుడూ సంతోషకరంగానే ఉంటుంది. మెరుగైన ప్రపంచాన్ని ఆవిష్కరించేందుకు భారత్-అమెరికా ఉమ్మడిగా పాటు పడుతూనే ఉంటాయి’’ అని మోదీ వ్యాఖ్యానించారు. ఇరువురి కలయికకు సంబంధించిన ఫొటోలను మోదీ తన సోషల్‌ మీడియా ఖాతాలో పంచుకున్నారు.

అమెరికా అధ్యక్షుడితో భేటీకి ముందు ఫ్రాన్స్ అధ్యక్షుడు మాక్రాన్‌తో మోదీ భేటీ అయ్యారు. ఇరు దేశాల మధ్య వ్యూహాత్మక భాగస్వామ్యానికి సంబంధించిన కీలక అంశాలపై వారు చర్చించారు. ఇంధనం, రక్షణ, పరిశోధన, సాంస్కృతికంతో పాటు వివిధ రంగాలలో సహకార ప్రయత్నాల గురించి మాట్లాడుకున్నారు. ఇరుదేశాల మధ్య ద్వైపాక్షిక సంబంధాల విషయంలో పురోగతి ఉందని అధ్యక్షుడు మాక్రాన్ ఆనందం వ్యక్తం చేశారు.

భారత్-ఫ్రాన్స్‌ మధ్య వ్యూహాత్మక భాగస్వామ్యాన్ని రూపొందించడంలో అవరోధంగా ఉన్న ప్రధాన సమస్యలపై మోదీ మాక్రాన్‌ చర్చించారు. చర్చించారు. ముఖ్యంగా రక్షణ సహకారాన్ని పెంపొందించుకునే విషయంలో నిబద్ధతను పాటించాలని వారు అభిప్రాయపడ్డారు. ఇరుదేశాల మధ్య సాంస్కృతిక సంబంధాల అంశం కూడా ఈ చర్చల్లో ప్రస్తావనకు వచ్చినట్లు తెలుస్తుంది. జీ7 సదస్సులో భాగంగా యూకే ప్రధాని రిషి సునక్, ఉక్రెయిన్ అధ్యక్షుడు జెలెన్స్కీని కూడా మోదీ కలిశారు. జూన్ 13-15 మధ్య ఇటలీలో జీ7 శిఖరాగ్ర సదస్సు జరిగింది.

Also read: స్కాట్‌లాండ్‌ పై జర్మనీ ఘన విజయం.. మిగిలిన టీమ్స్ కు హెచ్చరిక. 

G7 Summit: రష్యాకు షాక్.. జీ7 సదస్సులో కీలక నిర్ణయం..

Published on by

రష్యా, ఉక్రెయిన్ మధ్య యుద్ధం ఇంకా కొనసాగుతూనే ఉంది. ఈ నేపథ్యంలో ఉక్రెయిన్‌కు మరింత అండగా నిలిచేందుకు జీ7 దేశాలు ముందుకొచ్చాయి. ఉక్రెయిన్‌కు రూ.4.17 లక్షల కోట్లు (5 వేల కోట్ల డాలర్లు) రుణ ప్యాకేజీని ఇవ్వాలని నిర్ణయించాయి. వివిధ దేశాల్లో నిలిపివేసిన రష్యా ఆస్తుల నుంచి వచ్చే ఆదాయం, వడ్డీ నుంచి ఆ నిధులను అందించాలని ఏడు దేశాలు (అమెరికా, కెనడా, జపాన్, యూకే, జర్మనీ, ఫ్రాన్స్, ఇటలీ) తీర్మానించాయి. గురువారం జీ7 శిఖరాగ్ర సదస్సు ప్రారంభం కాగా.. చివరికి ఆయా దేశాలు ఈ నిర్ణయం తీసుకున్నాయి.

Also read: కువైట్‌లో భారతీయ కార్మికులు చేసే ఉద్యోగాల గురించి వెల్లడించిన కేంద్ర రాయబార కార్యాలయం!

రష్యా ఆస్తుల నుంచి నిధుల సేకరణ

ప్రస్తుతం ప్రపంచవ్యాప్తంగా పలుదేశాల్లో రష్యాపై ఆంక్షలు కొనసాగుతున్నాయి. దాదాపు రూ.21.72 లక్షల కోట్ల విలువైన రష్యా ఆస్తులు స్తంభింపజేసి ఉన్నాయి. వాటిలో ఎక్కువగా ఐరోపా దేశాల్లోనే ఉన్నాయి. సాంకేతికంగా, చట్టపరంగా ఎలాంటి సమస్యలు రాకుండా ఈ ఆస్తుల నుంచి నిధులు ఎలా సేకరించాలనేదానిపై జీ7 దేశాలు సమాలోచనలు జరపనున్నాయి. ఉక్రెయిన్‌పై యుద్ధానికి దిగిన రష్యా పరిహారం చెల్లించేవరకు.. ప్రస్తుతం నిలిపివేసిన ఆ దేశ ఆస్తులపై ఆంక్షలు తొలగించకూడదని అమెరికా, ఐరోపా దేశాలు నిర్ణయించాయి.

ఇక తాజా రుణ ప్యాకేజీలో భాగంగా తొలి విడుత నిధులు ఈ ఏడాదే ఉక్రెయిన్‌కు అందనున్నాయి. ఇదిలాఉండగా.. ఉక్రెయిన్‌కు సైనికేతర సాయం కింద తాము సొంతంగా 31 కోట్ల డాలర్లు అందజేయనున్నట్లు బ్రిటన్ పీఎం రిషి సునాక్‌ తాజాగా ప్రకటన చేశారు. ఇదిలాఉండగా.. జీ7 శిఖరాగ్ర సదస్సు ఇటలీలోని అపులియా ప్రాంతంలో ఉన్న ఓ లగ్జరీ బోర్గో ఇగ్నాజియా రిసార్టులో గురువారం అట్టహాసంగా ప్రారంభమైంది. ఇటలీ ప్రధాని జార్జియా మెలోనీ ఆహ్వానం మేరకు.. భారత ప్రధాని నరేంద్ర మోదీ, ఉక్రెయిన్‌ అధ్యక్షుడు వొలొదిమిర్‌ జెలెన్‌స్కీ తదితరులు కూడా అతిథులుగా ఈ సదస్సుకు వచ్చారు.

Also Read: నా రూటే సపరేటు.. జీ 7 లో అమెరికా అధ్యక్షుని వింత ప్రవర్తన!

ఇదిలాఉండగా.. జీ7 సదస్సులో పోప్‌ ఫ్రాన్సిన్‌ కూడా మాట్లాడనున్నారు. గాజా, ఉక్రెయిన్‌లలో శాంతి కోసం ఆయన పిలుపునివ్వనున్నారు. అయితే జీ7 సదస్సుకలో పాల్గొనేందుకు ప్రధాని మోదీ గురువారం ఇటలీకి వెళ్లిన సంగతి తెలిసిందే. ఆ సమావేశంలో.. అర్టిఫిషియల్ ఇంటిలిజెన్స్ (AI), మధ్యధరా, ఇంధనం, ఆఫ్రికా దేశాల్లో పరిస్థితులపై తాను చర్చించనున్నట్లు ఇటలీకి బయలుదేరేముందు ఓ ప్రకటనలో పేర్కొన్నారు. అలాగే గ్లోబల్‌ సౌత్‌కు కీలకమైన అంశాలపై సమాలోచనలు జరపనున్నట్లు చెప్పారు. మూడోసారి ప్రధానిగా బాధ్యతలు స్వీకరించాక.. మోదీ చేపడుతున్న తొలి విదేశీ పర్యటన పర్యటన ఇదే.

Pm Modi:జీ7 కోసం ఇటలీకి బయలుదేరిన ప్రధాని మోదీ

Published on by

G7 Summit: ఇటలీ ప్రధాని జార్జియా మెలోనీ ఆహ్వానం మేరకు జీ7 దేశాల ఇయర్లీ సమావేశంలో పాల్గొనేందుకు ప్రధాని మీద ఈరోజు ఇటలీ బయలుదేరారు. ఈ శిఖారగ్ర సమావేశంలో పాల్గొంటున్నందుకు ఆయన ఆనందం వ్యక్తం చేశారు. ఇటీవల భారత్‌లో జరిగిన జీ 20 సమీవేశాలను ఇప్పుడు జీ7 సమ్మిట్ ఫలితాలతో సమస్వయం చేసేందుకు ప్రయత్నిస్తానని ప్రధాని మోదీ చెప్పారు. గ్లోబల్ సౌత్‌కు కీలకమైన అంశాలపై చర్చించడానికి ఇది ఒక అవకాశమని ఆయన అన్నారు. మూడోసారి ప్రధానిగా బాధ్యతలు తీసుకున్న మోదీకి ఇదే మొదటి విదేశీ ప్రయాణం. జీ7 చర్చల్లో భాగంగా కృత్రిమ మేధ, ఇంధనం, ఆఫ్రికా, మధ్యధరా, గ్లోబల్‌ సౌత్‌ అంశాలపై ప్రధానంగా దృష్టి సారించనున్నట్లు ఆయన తెలిపారు.

ఇటలీలోని బోర్గో ఎగ్నాజియా ప్రాంతంలోని జీ7 దేశాల సదస్సు ప్రారంభమైంది. జూన్ 13 నుంచి 15 వరకు ఇవి జరగనున్నాయి. అమెరికా, ఫ్రాన్స్‌ అధ్యక్షులు జో బైడెన్‌, ఇమాన్యుయేల్‌ మెక్రాన్‌, జపాన్‌, కెనడా, బ్రిటన్‌ ప్రధానులు ఫుమియో కిషిదా, జస్టిన్‌ ట్రూడో, రిషి సునాక్‌, జర్మనీ ఛాన్స్‌లర్‌ ఓలాఫ్‌ షోల్జ్‌ తదితర నేతలు ఇప్పటికే అక్కడికి చేరుకున్నారు. జార్జియా మెలోనీ వారికి స్వాగతం పలికారు. జూన్ 14న జరిగే సమావేశంలో ప్రధాని మోదీ పాల్గొననున్నారు. దీంతో పాటూ అన్ని దేశాల అధ్యక్షులు, ప్రధానలుతో చర్చలు జరిపేందుకు కూడా తాను ఎదురు చూస్తున్నాని మోదీ తెల్పారు. ఇక జీ7 సమావేశాల తర్వాత భారతదేశం, ఇటలీల మధ్య దౌత్య మరియు సాంస్కృతిక మార్పిడిని పెంపొందించే సాంస్కృతిక కార్యక్రమాలలో ఇంకా ఇటాలియన్ ప్రధాన మంత్రి జార్జియా మెలోని అందించే విందులో కూడా ప్రధాని పాల్గొననున్నారు.

Also Read:Andhra Pradesh: అప్పటి నుంచి పెన్షన్లను ఇస్తాము..ఏపీ ప్రజలకు గుడ్ న్యూస్ చెప్పిన ప్రభుత్వం