West Bengal: అశ్లీల చిత్రాల్లో నటించాలని ఒత్తిడి.. 6 నెలలు చిత్రహింసలకు గురైన యువతి

By B Aravind 09 Jun 2025 in నేషనల్ క్రైం

New Update

Bengal Woman Confined, Tortured By Man, His Mother For Refusing To Do Porn

పశ్చిమ బెంగాల్‌లో దారుణం వెలుగుచూసింది. అశ్లీల చిత్రాల్లో నటించేందుకు ఒప్పుకోకపోవడంతో ఓ యువతిని 6 నెలల పాటు చిత్రహింసలకు గురి చేశారు. బాధితురాలు నిందితుల నుంచి తప్పించుకోని పోలీసులను ఆశ్రయించింది. దీంతో ఈ విషయం వెలుగులోకి వచ్చింది. ప్రస్తుతం ఆమె ప్రాణాపాయ స్థితిలో ఉంది. ఇంతకీ అసలేం జరిగిందో తెలియాలంటే ఈ స్టోరీ చదవాల్సిందే. పోలీసులు చెప్పిన వివరాల ప్రకారం.. పశ్చిమ బెంగాల్‌కు చెందిన శ్వేతాఖాన్, ఆర్యన్‌ఖాన్ అనే తల్లీ కుమారులు ఈవెంట్‌ మేనేజ్‌మెంట్ ఏజెన్సీ ముసుగులో అశ్లీల వీడియోల రాకెట్‌ను నడుపుతున్నారు.

Also Read: లోకల్ ట్రైన్ నుంచి జారి పడి ఐదుగురు స్పాట్ డెడ్ - షాకింగ్ వీడియో

West Bengal Crime

ఇందుకు సంబంధించిన ఫిల్మ్‌ ప్రొడక్షన్ హౌస్‌ను కూడా నడుపుతున్నారు. ఈ క్రమంలోనే ఎక్కువ జీతం ఇస్తామని ఆశ చూపించి నిరుద్యోగ యువతులను ఉద్యోగం పేరుతో నమ్మించేవారు. ఆ తర్వాత అశ్లీల చిత్రాల్లో నటించాలని వాళ్లని బలవంతం చేసేవారు. 6 నెలల క్రితం 24 ఉత్తర పరగణా జిల్లాకు చెందిన ఓ యువతి జాబ్‌ కోసం ఫేస్‌బుక్‌లో ఆర్యన్‌ను సంప్రదించింది. హౌరాలో తమ ఇంటికి వస్తే ఉద్యోగం ఇప్పిస్తానని అతడు నమ్మించాడు. దీంతో ఉద్యోగం కోసం ఆమె అతడి ఇంటికి వెళ్లింది.

Also Read: బెంగుళూరు తొక్కిసలాట కారణంగా స్టేడియం తరలింపు!!

Also Read : కేరళ కోజికోడ్‌ తీరంలో భారీ ప్రమాదం.. నలుగురు సిబ్బంది గల్లంతు

ఆర్యన్ అతడి తల్లి శ్వేతతో కలిసి ఆ యువతిని బార్‌ డాన్సర్‌గా పనిలోకి దించేందుకు యత్నించారు. కానీ ఆమె ఒప్పుకోలేదు. దీంతో ఆ యువతిపై దాడి చేసి మొబైల్‌ లాక్కొని, ఓ ఫ్లాట్‌లో బంధించారు. ఆరు నెలల పాటుగా తనను ఇనుప రాడ్డుతో తీవ్రంగా కొట్టి, హింసించేవారు. అంతేకాదు కేవలం నాలుగు రోజులకొకసారి మత్రమే భోజనం పెట్టేవారు. ఈ విషయాలన్ని బాధితురాలు పోలీసులకు వివరించింది. అయితే ప్రస్తుతం ఆమెకు ఆస్పత్రిలో చికిత్స అందిస్తున్నారు. నిందితుల కోసం గాలిస్తున్నామని.. వాళ్లు సెక్స్ రాకెట్‌ కూడా నడుపుతున్నట్లు ప్రాథమిక దర్యాప్తులో గుర్తించినట్లు పేర్కొన్నారు.

Also Read: విమానం మెట్లు ఎక్కుతుండగా జారిపడ్డ ట్రంప్.. వీడియో వైరల్