Kidney: నిద్రలేచిన వెంటనే ఈ లక్షణాలు కనిపిస్తున్నాయా..? అయితే కిడ్నీ దెబ్బతిన్నట్లే..!!

మనిషి శరీరంలో కిడ్నీ ముఖ్యమైన భాగం. ఇది రక్తాన్ని ఫిల్టర్ చేయడానికి, విషాన్ని తొలగించడానికి, శరీర ఖనిజ సమతుల్యతను కాపాడుకోవడానికి పనిచేస్తుంది. కానీ ప్రస్తుత కాలంలో చెడు జీవనశైలి, తప్పుడు ఆహారపు అలవాట్లు(Food Habits), అధిక మందుల వినియోగం కారణంగా.. కిడ్నీ(health-kidneys) దెబ్బతినే కేసులు వేగంగా పెరుగుతున్నాయి. పెద్ద సమస్య ఏమిటంటే దాని ప్రారంభ లక్షణాలను గుర్తించ లేకపోతున్నారు. అది గుర్తించే సమయానికి.. వ్యాధి ప్రమాదకరమైన స్థాయికి చేరుకుంది. అయితే ఉదయం నిద్ర లేవగానే కిడ్నీ దెబ్బతింటుందని తెలిపే 5 సంకేతాలు కనిపిస్తాయట. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

నిద్రలేచిన వెంటనే కనిపించే లక్షణాలు:

ముఖం ఉబ్బడం: ఉదయం నిద్ర లేవగానే ముఖం, కళ్ళ కింద  ఉబ్బి ఉంటే.. ఇది మూత్రపిండాలు దెబ్బతిన్నాయనడానికి ముందస్తు సంకేతం కావచ్చు. మూత్రపిండాలు సరిగ్గా పనిచేయనప్పుడు శరీరంలో అదనపు ద్రవం పేరుకుపోతుంది.

ఉదయం అలసట:తగినంత నిద్రపోయినప్పటికీ ఉదయం నిద్ర లేవగానే చాలా అలసటగా, బలహీనంగా అనిపిస్తే.. దానిని తేలికగా తీసుకోవద్దు. మూత్రపిండాలు దెబ్బతిన్నప్పుడు.. శరీరంలో టాక్సిన్స్ స్థాయి పెరుగుతుంది. ఇది అలసట, బలహీనతను పెంచుతుంది.

నురుగు మూత్రం: ఉదయం మొదటి మూత్రంలో నురుగు ఎక్కువగా ఉంటే.. అది ప్రోటీన్ లీకేజీకి సంకేతం కావచ్చు. సాధారణంగా మూత్రంలో నురుగు చాలా త్వరగా మాయమవుతుంది. కానీ నిరంతర నురుగు మూత్రపిండాల ఆరోగ్యానికి హెచ్చరిక.

పాదాలు-చీలమండల్లో వాపు: ఉదయం నిద్ర లేవగానే పాదాలు, చీలమండలలో వాపు రావడం కూడా మూత్రపిండాల వైఫల్యానికి ఒక లక్షణం. దీనికి కారణం మూత్రపిండాలు శరీరం నుంచి సోడియం, ద్రవాన్ని తొలగించ లేకపోవడం. దీనివల్ల దిగువ భాగంలో వాపు వస్తుంది.

తలనొప్పి-దృష్టి లోపం:మూత్రపిండాలు దెబ్బతినడం వల్ల శరీరంలో టాక్సిన్స్ పేరుకుపోతాయి. ఇది మెదడుకు రక్త సరఫరాను ప్రభావితం చేస్తుంది. దీని ఫలితంగా తలనొప్పి, చిరాకు, ఏకాగ్రత లోపంతో మేల్కొంటారు.

ఇది కూడా చదవండి: మనుషుల్లో టెస్టోస్టెరాన్ స్థాయిలు పెంచడంలో శిలాజిత్.. అద్భుతమైన ఆరోగ్య ప్రయోజనాలు

ఈ లక్షణాలు 1-2 వారాల పాటు నిరంతరం కనిపిస్తే.. వెంటనే వైద్యుడితో చెకప్ చేయించుకోవడం చాలా ముఖ్యం. రక్త పరీక్ష, మూత్ర పరీక్ష ద్వారా కిడ్నీ సమస్యలను ప్రారంభ దశలోనే గుర్తించవచ్చు. ఎక్కువ నీరు తాగడం, అధిక ఉప్పు, ప్యాక్ చేసిన ఆహారాన్ని నివారించాలి. రక్తపోటు, చక్కెర స్థాయిని అదుపులో ఉంచాలి, అధిక నొప్పి నివారణ మందులు, యాంటీ బయాటిక్స్ వాడవద్దు. క్రమం తప్పకుండా ఆరోగ్య పరీక్షలు చేయించుకుంటూ ఉండాలి. ఉదయం నిద్ర లేచినప్పుడు వాపు, చీలమండల్లో నీరు నిలిచిపోవడం, నురుగుతో కూడిన మూత్రం, నిరంతరం అలసట, పూర్తి రాత్రి నిద్ర తర్వాత కూడా బలహీనంగా అనిపించడం మూత్రపిండాల దెబ్బతినడానికి ప్రారంభ సంకేతాలు కావచ్చు. తరచుగా ఈ లక్షణాలను ఎక్కువసేపు విస్మరించడం మూత్రపిండాల వైఫల్యానికి దారితీస్తుందని నిపుణులు హెచ్చరించారు. అటువంటి లక్షణాలు కనిపిస్తే వెంటనే రక్తం, మూత్ర పరీక్షలు చేయించుకోవాలి, నెఫ్రాలజిస్ట్‌ను సంప్రదించాలి. కిడ్నీ దెబ్బతినడం నెమ్మదిగా అభివృద్ధి చెందుతున్న వ్యాధి. కాబట్టి దాని ప్రారంభ సంకేతాలను విస్మరించవద్దు. సకాలంలో పరీక్ష, సరైన చికిత్స ద్వారా ఈ పెద్ద సమస్యను నివారించవచ్చని నిపుణులు చెబుతున్నారు.

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: భారతదేశంలో మహిళల భద్రత ఆందోళనకరం