Shilajit: మనుషుల్లో టెస్టోస్టెరాన్ స్థాయిలు పెంచడంలో శిలాజిత్.. అద్భుతమైన ఆరోగ్య ప్రయోజనాలు

నేటి కాలంలో అనేక అనారోగ్య సమస్యలు మనుషులను వేధిస్తున్నాయి. కొందరూ ఎంత మంచి ఆహారం తిన్నా మధ్యాహ్నం వేళ శక్తి తగ్గడం, అలసటగా అనిపించడం వంటివి ఉంటాయి. ఇలాంటి సమయంలో సహజమైన, శక్తివంతమైన ఔషధాల కోసం చూస్తూ ఉంటారు. వాటిలో షిలాజిత్(Shilajit) ఒకటి. ఆయుర్వేదంలో దీనికి గొప్ప స్థానం ఉంది. ఇది హిమాలయాలు, రష్యా, ఆఫ్ఘనిస్తాన్ వంటి పర్వత ప్రాంతాల్లో దొరుకుతుంది. ఇది నలుపు-గోధుమ రంగులో ఉండే సహజసిద్ధమైన పదార్థం. ఇందులో 40కి పైగా ఖనిజాలు, ఫుల్విక్ యాసిడ్ ఉంటాయి. ఈ ఫుల్విక్ యాసిడ్ వివిధ ఆరోగ్య ప్రయోజనాలకు ఉపయోగపడుతుంది. అయితే షిలాజిత్ సప్లిమెంట్లను తీసుకునే ముందు వైద్య సలహా తీసుకోవడం ముఖ్యం. షిలాజిత్ గురించి మరికొన్ని విషయాలు ఈ ఆర్టికల్‌లో తెలుసుకుందాం.

షిలాజిత్ ఆరోగ్య ప్రయోజనాలు:

షిలాజిత్ పురుషులలో టెస్టోస్టెరాన్(Testosterone) స్థాయిలను పెంచడంలో సహాయపడుతుంది. పరిశోధనల ప్రకారం.. రోజుకు 500 మి.గ్రా షిలాజిత్ తీసుకోవడం వల్ల DHEAS, మొత్తం టెస్టోస్టెరాన్ స్థాయిలు గణనీయంగా పెరుగుతాయి. ఇది పురుషుల లైంగిక ఆరోగ్యం, శక్తిని పెంచుతుంది. షిలాజిత్లో ఫుల్విక్ యాసిడ్ కణాలను దెబ్బతీసే ఫ్రీ రాడికల్స్‌తో పోరాడుతుంది. ఇది శరీరం యొక్క యాంటీ ఆక్సిడెంట్ సామర్థ్యాన్ని పెంచి, వృద్ధాప్య సంకేతాలను తగ్గిస్తుంది. ఇది మొత్తం ఆరోగ్యాన్ని కాపాడుతుంది. షిలాజిత్ ఒక అడాప్టోజెన్. అంటే ఇది ఒత్తిడితో కూడిన పరిస్థితులకు శరీరాన్ని అనుగుణంగా మార్చుకోవడానికి సహాయపడుతుంది. ఇది ఒత్తిడిని తగ్గించి, మానసిక ప్రశాంతతను పెంచుతుంది. ఇందులో ఉండే ఫుల్విక్ యాసిడ్ యాంటీవైరస్ లక్షణాలు వైరల్ ఇన్ఫెక్షన్ల నుంచి రక్షణ కల్పిస్తుంది. అలాగే రోగనిరోధక శక్తిని, ఎముకల సాంద్రతను పెంచుతుంది. ఇది రుతువిరతి తర్వాత మహిళలకు చాలా ఉపయోగపడుతుంది. ఇది కణాల టర్నోవర్‌ను పెంచి ఎముకల నష్టాన్ని నివారిస్తుంది. 

ఇది కూడా చదవండి: ఈ భాగాలలో నొప్పి ఉందా..? ఇది ఆ సమస్యకు సంకేతం కావచ్చు!!

షిలాజిత్లో ఉండే ఫుల్విక్ యాసిడ్ మెదడులో వాపును తగ్గించి, అల్జీమర్స్ వ్యాధికి కారణమయ్యే టౌ ప్రోటీన్ల పెరుగుదలను నిరోధించవచ్చు. అయితే దీనిపై ఇంకా పరిశోధనలు జరగాల్సి ఉంది. షిలాజిత్ కండరాల బలం, ఓర్పును పెంచి, వ్యాయామం తర్వాత వచ్చే అలసటను తగ్గిస్తుంది. కొన్ని పరిశోధనల ప్రకారం.. షిలాజిత్లోని ఫుల్విక్ యాసిడ్ క్యాన్సర్ కణాల పెరుగుదలను నిరోధించగలదు. ఇది క్యాన్సర్ కణాలలో అపోప్టోసిస్‌ను ప్రేరేపిస్తుంది. షిలాజిత్ సహజమైనది అయినప్పటికీ దానిని ఉపయోగించే ముందు కొన్ని జాగ్రత్తలు తీసుకోవాలి. దీనికి FDA ఆమోదం లేదు. అందువల్ల ఒక నిర్దిష్ట మోతాదు నిర్ణయించబడలేదు. రోజుకు 300 నుంచి 500 మి.గ్రా మోతాదు సూచిస్తారు. ఏదేమైనా వైద్యుడి సలహా తీసుకోవడం ఉత్తమం. కొన్ని సందర్భాల్లో ఛాతీ నొప్పి, అతిసారం, వాంతులు, కడుపు నొప్పి, అలర్జీ వంటి దుష్ప్రభావాలు కలగవచ్చు. అధిక యూరిక్ యాసిడ్, గౌట్, అధిక ఐరన్ స్థాయిలు ఉన్నవారు షిలాజిత్ తీసుకోవడం మానుకోవాలి. అలాగే డయాబెటిస్, అధిక రక్తపోటు వంటి ఆరోగ్య సమస్యలు ఉన్నవారు డాక్టర్ సలహా తీసుకోవాలని నిపుణులు చెబుతున్నారు.

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: మానసిక ఆందోళనను తొలగించే మనుక్కా