Pressure Cooker: ప్రెషర్ కుక్కర్ అలానే వాడేయకండి.. దానికీ ఎక్స్‌పైరీ ఉంటుంది..!!

ప్రెషర్ కుక్కర్లు(pressure-cooker) వంటగదిలో ఒక అద్భుతమైన సాధనం. వంట సమయాన్ని గణనీయంగా తగ్గిస్తాయి. ఇవి గాలి చొరబడని మూతతో పనిచేస్తాయి. లోపల ఆవిరిని నిలిపి ఉంచి, ఒత్తిడిని పెంచుతాయి. ఈ అధిక పీడనం వల్ల నీటి మరుగు ఉష్ణోగ్రత పెరుగుతుంది. తద్వారా ఆహారం త్వరగా, సమర్థవంతంగా ఉడుకుతుంది. ఇది కేవలం సమయాన్ని ఆదా చేయడమే కాకుండా.. పోషకాలను కూడా సంరక్షిస్తుంది. ప్రెషర్ కుక్కర్లు పప్పులు, మాంసం, కూరగాయలు వంటి వాటిని త్వరగా ఉడికించడానికి చాలా ఉపయోగపడతాయి. తద్వారా రుచికరమైన భోజనాన్ని తక్కువ సమయంలో తయారు చేసుకోవచ్చు. వాటి భద్రతా వాల్వ్, గ్యాస్కెట్ వంటివి సురక్షితమైన వాడకాన్ని నిర్ధారిస్తాయి. అయితే ప్రెషర్ కుక్కర్ల ఎక్కువ రోజులు వాడితే అనారోగ్య సమస్యలు వస్తాయట. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

మెదడు అభివృద్ధి మందగించి..

రోజువారీ వంటలో ఉపయోగించే ప్రెషర్ కుక్కర్లు నెమ్మదిగా శరీరానికి హానికరంగా మారవచ్చని నిపుణులు హెచ్చరిస్తున్నారు. పాత ప్రెషర్ కుక్కర్ల నుంచి లీడ్, అల్యూమినియం వంటి లోహాలు ఆహారంలో కలవడం వల్ల దీర్ఘకాలిక ఆరోగ్య సమస్యలు తలెత్తవచ్చని డాక్టర్లు చెబుతున్నారు. ఆర్థోపెడిక్ డాక్టర్ అభిప్రాయం ప్రకారం.. 10 సంవత్సరాలు పైబడిన ప్రెషర్ కుక్కర్లను వెంటనే మార్చడం అత్యవసరం. ముఖ్యంగా పిల్లలకు ఇది మరింత ప్రమాదకరం. లీడ్ నిరంతరంగా శరీరంలో చేరడం వల్ల వారి మెదడు అభివృద్ధి మందగించి.. ఐక్యూ (IQ) తగ్గిపోవచ్చని ఆయన అన్నారు. కుక్కర్ మార్చాల్సిన సమయం వచ్చిందని గుర్తించడానికి కొన్ని లక్షణాలు ఉన్నాయి. కుక్కర్ లోపల గీతలు, నల్లటి మచ్చలు కనిపించడం, మూత లేదా విజిల్ వదులవడం, ఆహారం వండిన తర్వాత లోహపు వాసన రావడం వంటివి దీనికి స్పష్టమైన సూచనలు.

ఇది కూడా చదవండి: ఈ 5 ఆరోగ్య సమస్యలు ఉన్నవారు దానిమ్మ అస్సలు తినొద్దు.. ఎందుకో తెలుసా..?

ఇంటర్నల్ మెడిసిన్(Internal Medicine) నిపుణుల అభిప్రాయం ప్రకారం.. పాత కుక్కర్ల లోపలి భాగాల నుంచి వెలువడే లోహాలు ఆహారంలో కలిసిపోతాయి. పెద్దవారిలో ఇది అలసట, చిరాకు, జ్ఞాపకశక్తి సమస్యలు, మూడ్ మార్పులు, రక్తపోటులో హెచ్చుతగ్గులు, కిడ్నీపై ప్రభావం చూపవచ్చు. పిల్లల్లో మెదడు ఎదుగుదల మందగించడం, ఐక్యూ తగ్గడం, నేర్చుకోవడంలో, ప్రవర్తనలో సమస్యలకు దారితీయవచ్చు. లీడ్ శరీరంలోంచి అంత సులభంగా బయటకు వెళ్లదని, సంవత్సరాల తరబడి రక్తం, ఎముకలలో పేరుకుపోతుందని డాక్టర్లు హెచ్చరిస్తున్నారు. కాబట్టి ప్రతి పాత కుక్కర్ ప్రమాదకరంగా ఉండకపోయినా.. ముందు జాగ్రత్తగా కుక్కర్‌పై గీతలు, మచ్చలు కనిపించినప్పుడు వెంటనే దాన్ని మార్చడం ఉత్తమం. ఆరోగ్యం విషయంలో రాజీపడకుండా.. సురక్షితమైన వంటపాత్రలు ఎంచుకోవడం చాలా ముఖ్యమని నిపుణులు సూచిస్తున్నారు.

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: ఛాతీలో పేరుకుపోయిన కఫంకు చెక్ పెట్టే వంటింటి చిట్కాలు ఇవే