Skin Tips: యవ్వనంగా కనిపించేందుకు ఇంటి చిట్కాలను ఫాలో అవుదాం.. అవేంటో తెలుసుకోండి!!

వయస్సు పెరిగే కొద్దీ ముఖంపై ముడతలు(Skin Tightening) మరియు చర్మం వదులవడం వంటి సమస్యలు రావడం సహజం. కొందరిలో 30 ఏళ్ల నుంచే చర్మం సాగే సమస్య ప్రారంభమవుతుంది. అయితే చర్మ సంరక్షణ(best-skin-tips) పట్ల ప్రత్యేక శ్రద్ధ వహించేవారి చర్మం ఎప్పుడూ బిగుతుగా, యవ్వనంగా కనిపిస్తుంది. సాధారణంగా చర్మ సమస్యలు రాకుండా ఉండాలంటే రోజువారీ స్కిన్ కేర్ రొటీన్‌ను పాటించడం చాలా ముఖ్యమని చెబుతూ ఉంటారు. అయితే మీరు కూడా సాగిన చర్మంతో ఇబ్బంది పడుతున్నట్లయితే.. 30 ఏళ్లు దాటిన తర్వాత కూడా చర్మాన్ని బిగుతుగా మార్చుకోవడానికి ఇక్కడ కొన్ని సులువైన ఇంటి చిట్కాలు ఉన్నాయి. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

చర్మాన్ని బిగుతుగా మార్చుకోవడానికి..

కొబ్బరి నూనె మసాజ్: చిన్న వయసులోనే చర్మం వదులవడం ప్రారంభిస్తే.. కొబ్బరి నూనె చక్కటి పరిష్కారం. రాత్రి పడుకునే ముందు కొబ్బరి నూనెతో చర్మాన్ని సున్నితంగా మసాజ్ చేయడం వల్ల మంచి ఫలితం ఉంటుంది.

కలబంద జెల్:చర్మాన్ని బిగుతుగా మార్చడంలో కలబంద జెల్ అత్యంత ప్రయోజనకరంగా ఉంటుంది. దీన్ని ప్రతిరోజూ ముఖానికి అప్లై చేయడం వల్ల చర్మానికి మంచి టోన్ లభిస్తుంది.

ఇది కూడా చదవండి: ముఖం మిలమిలా మెరవాలా..? అయితే ఇవి ట్రై చేయండి

తేనె- నిమ్మరసం:తేనె మరియు నిమ్మరసం మిశ్రమాన్ని చర్మానికి అప్లై చేయడం వల్ల చర్మం కాంతివంతంగా, బిగుతుగా మారుతుంది. ఈ మిశ్రమాన్ని వారానికి నాలుగు సార్లు ఉపయోగించవచ్చు.

గంధం ఫేస్ ప్యాక్: చర్మాన్ని టైట్‌గా ఉంచడానికి గంధం మరియు రోజ్ వాటర్ కలిపిన ఫేస్ ప్యాక్‌ను ముఖానికి అప్లై చేయండి. ఇది చర్మ ఆరోగ్యానికి అద్భుతంగా పనిచేస్తుంది.

గుడ్డులోని తెల్లసొన మాస్క్:చర్మాన్ని బిగుతుగా మార్చుకోవడానికి గుడ్డులోని తెల్లసొన  మాస్క్‌ను ఉపయోగించవచ్చు. ఈ మాస్క్‌ను వారానికి ఒకటి లేదా రెండు సార్లు వేయడం వల్ల చర్మంలో చెప్పుకోదగిన మార్పు కనిపిస్తుంది. ఈ సహజ పద్ధతులను క్రమం తప్పకుండా పాటించడం ద్వారా వృద్ధాప్య లక్షణాలను తగ్గించి మెరిసే చర్మాన్ని పొందవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి:జుట్టులో చెమట కంపు ఇలా వదిలించుకోండి