Healthy Diet: ఆరోగ్యంగా, ఫిట్‌గా ఉండాలనుకుంటున్నారా..? ఆరోగ్యం కోసం అద్భుతమైన కూరగాయలను డైట్ చేర్చుకోండి

నేటి కాలంలో ఆరోగ్యంగా, దృఢంగా ఉండాలంటే సమతుల ఆహారం (Balanced Diet) తప్పనిసరి. కానీ మనం రోజూ తినే ఆహారంలో కూరగాయల ప్రాముఖ్యతను తరచుగా విస్మరిస్తాం. కూరగాయలు కేవలం పొట్టకే కాకుండా.. రక్తంలో చక్కెర స్థాయిలు, జీవక్రియ (metabolism), గుండె పనితీరు, రోగనిరోధక శక్తిని (immunity) మెరుగుపరచడంలో సహాయపడతాయి. ప్రతిరోజూ తీసుకోవాల్సిన ఎనిమిది అద్భుతమైన కూరగాయలు ఉన్నాయి. ఈ కూరగాయలు వివిధ వ్యాధులను నివారించడంలో సహాయపడతాయని నిపుణులు చెబుతున్నారు. ఆరోగ్యంగా, ఫిట్‌గా ఉండాలనుకునేవారు తీసుకోవాల్సిన కూరగాయల గురించి కొన్ని విషయాలు ఈ ఆర్టికల్‌లో తెలుసుకుందాం.

కూరగాయ ప్రయోజనాలు:

బ్రకోలీ:దీనిలోని సల్ఫోరాఫేన్ (Sulforaphane) కాలేయ శుద్ధికి (Liver Detoxification), ఆరోగ్యకరమైన గట్ మైక్రోబయోమ్‌కు మంచిది.

బీట్‌రూట్: రక్త ప్రవాహాన్ని మెరుగుపరిచే నైట్రేట్‌లు ఇందులో ఉన్నాయి. బెటైన్ కాలేయం, జీర్ణక్రియను ఆరోగ్యంగా ఉంచుతుంది.

చిలగడ దుంప (Sweet Potato):దీనిలోని ఫైబర్, యాంటీ ఆక్సిడెంట్లు జీర్ణక్రియకు సహాయపడే మంచి బ్యాక్టీరియాను పోషిస్తాయి.

పాలకూర:మెగ్నీషియం, ఫోలేట్, ప్రీబయోటిక్ ఫైబర్ పుష్కలంగా ఉన్నాయి. ఇవి ఆరోగ్యకరమైన గట్‌ను ప్రోత్సహిస్తాయి.

ఇది కూడా చదవండి: డైలీ ఈ 4 లక్షణాలను గమనించినట్లయితే.. క్యాన్సర్ రమ్మన్నా రాదు!

బ్రస్సెల్స్ మొలకలు: ఇందులో ఫైబర్ అధికం, అలాగే కోలన్ క్యాన్సర్ ప్రమాదాన్ని తగ్గించే సమ్మేళనాలు ఉన్నాయి.

క్యారెట్లు:చర్మం, కళ్ళకు మేలు చేసే కెరోటినాయిడ్స్ ఇందులో ఉంటాయి. ఫైబర్ ప్రీబయోటిక్‌గా పనిచేసి మంచి గట్ బ్యాక్టీరియాకు ఆహారాన్ని అందిస్తుంది.

కాకరకాయ:బ్లడ్ షుగర్ నియంత్రణకు అద్భుతమైనది. ఇది జీవక్రియ, ఆరోగ్యకరమైన గట్‌కు తోడ్పడే ప్రత్యేకమైన మొక్కల ఆధారిత పోషకాలను కలిగి ఉంటుంది.

కాలీఫ్లవర్:మెదడు, కాలేయానికి చాలా అవసరం. ఇందులో కోలిన్ ఉంటుంది. ఇది తక్కువ కేలరీల కూరగాయ.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.
 
ఇది కూడా చదవండి: ఆన్‌లైన్ గేమ్‌లతో చిన్నారులపై ప్రమాదకరమైన ఉచ్చు.. సైబర్ నేరాల కొత్త వ్యూహానికి చెక్‌ పెట్టే జాగ్రత్తలు ఇవే