Home Plants: ఈ మొక్కలు ఇంట్లో ఉంటే ఆస్తమా పరార్.. ఆ మొక్కల లిస్ట్ ఇదే!

ఆస్తమా(asthma) అనేది ఊపిరితిత్తుల యొక్క శ్వాసనాళాలకు సంబంధించిన దీర్ఘకాలిక వ్యాధి. ఇది శ్వాసనాళాలు వాపుకు గురై, సున్నితంగా మారడం వల్ల సంభవిస్తుంది. దీని కారణంగా శ్వాసనాళాలు కుంచించుకుపోయి, శ్వాస తీసుకోవడం కష్టమవుతుంది. ఆస్తమా ఉన్నవారికి తరచుగా దగ్గు, గురక, ఛాతీ పట్టేసినట్లు అనిపించడం, ఊపిరి ఆడకపోవడం వంటి లక్షణాలు కనిపిస్తాయి. వాతావరణంలో కలిగే మార్పులు, అలెర్జీ కారకాలు, వ్యాయామం, ఒత్తిడి వంటి అనేక అంశాలు ఆస్తమా లక్షణాలను ప్రేరేపించగలవు. ఈ వ్యాధిని పూర్తిగా నయం చేయలేనప్పటికీ.. సరైన చికిత్స, జాగ్రత్తలతో లక్షణాలను నియంత్రించుకోవచ్చు. దీని కోసం డాక్టర్ సలహా తీసుకోవడం చాలా ముఖ్యం. అయితే ఆస్తమా అనేది ప్రపంచవ్యాప్తంగా వేగంగా పెరుగుతున్న వ్యాధులలో ఒకటి. ప్రతి ఏడాది.. లక్షలాది మంది ప్రజలు శ్వాస తీసుకోవడంలో ఇబ్బందులు, కలుషితమైన గాలి, అలెర్జీల వంటి సమస్యలతో బాధపడుతున్నారు. ఈ వ్యాధి నుంచి పూర్తిగా బయటపడటం కష్టం.. కానీ నిపుణుల అభిప్రాయం ప్రకారం.. ఇంట్లో కొన్ని మొక్కలను పెంచడం ద్వారా ఆస్తమా రోగులకు చాలా ఉపశమనం లభిస్తుంది. ఈ మొక్కలు గాలిని శుద్ధి చేయడమే కాకుండా.. తేమను కూడా నిర్వహించి, శ్వాసను సులభతరం చేస్తాయి. ఆ చెట్ల గురించి కొన్ని విషయాలు ఈ ఆర్టికల్‌లో తెలుసుకుందాం.

ఇంట్లో ఈ మొక్కలతో ఆస్తమాకు ఉపశమనం:

• స్పైడర్ ప్లాంట్(Spider Plant) గాలి నుంచి విషపూరిత మూలకాలను తొలగించగల సామర్థ్యాన్ని కలిగి ఉంటుంది. పరిశోధన ప్రకారం.. ఇది వాతావరణం నుంచి 95% వరకు ఫార్మాల్డిహైడ్ వంటి విషాలను తొలగించడంలో సహాయపడుతుంది. అరేకా పామ్ అనేది ఒక సహజమైన హ్యూమిడిఫైయర్. ఇది గాలిలో తేమను నిర్వహించి.. ఆక్సిజన్ స్థాయిని పెంచుతుంది. స్నేక్ ప్లాంట్‌ను ఆక్సిజన్ ఫ్యాక్టరీ అని కూడా అంటారు. ఇది రాత్రిపూట ఆక్సిజన్‌ను విడుదల చేస్తుంది, బెంజీన్ వంటి విషపూరిత మూలకాలను తొలగిస్తుంది.

ఇది కూడా చదవండి: బురదలో నడుస్తున్నారా..?.. అయితే.. మీరు ఆ డేంజర్ ఉన్నట్లే!

• బ్యాంబూ పామ్ కూడా ఒక సహజమైన ఎయిర్ ప్యూరిఫైయర్, హ్యూమిడిఫైయర్. ఇది ఇంటి వాతావరణాన్ని తాజాదనంతో నింపుతుంది. పీస్ లిలీ తక్కువ కాంతిలో కూడా పెరుగుతుంది, గాలి నుంచి విషపూరిత కణాలను తొలగిస్తుంది. అయితే దీని ఆకులు విషపూరితమైనవి కాబట్టి.. పిల్లలు, పెంపుడు జంతువుల నుంచి దూరంగా ఉంచాలని నిపుణులు చెబుతున్నారు.
• వైద్యులు అస్తమా రోగులకు ఇంట్లో ఇండోర్ మొక్కలు ఉపయోగకరంగా ఉంటాయని నమ్ముతారు. ఆకుపచ్చని మొక్కలు గాలిలోని విషపూరిత కణాలు, ధూళిని గ్రహించి, శ్వాస తీసుకోవడంలో ఉపశమనం కలిగిస్తాయి. అయితే వాటిని క్రమం తప్పకుండా శుభ్రం చేయడం, మట్టిని ఎక్కువగా తడిగా ఉంచకుండా జాగ్రత్తలు తీసుకోవడం అవసరమని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: మీ పిల్లల గొంతులో ఏమైనా ఇరుక్కుంటే.. ఈ 3 టిప్స్ పాటిస్తే సేఫ్!