Liver: కాలేయంతోపాటు మూత్రపిండాల సంరక్షణకు బీట్‌రూట్ రెసిపీస్

శరీరంలో కాలేయం చాలా ముఖ్యమైన అవయవం. ఇది శరీరం సరిగా పనిచేయడానికి సహాయపడుతుంది. మనం తినే ఆహారాన్ని, తాగే పానీయాలను జీర్ణం చేస్తుంది. అలానే శరీరంలో ఉన్న విష పదార్థాలను తొలగిస్తుంది. మన శరీరంలోని అవయవాలలో కాలేయం, కిడ్నీలు చాలా ముఖ్యమైనవి. ఈ రెండు శరీరంలో టాక్సిన్లను బయటకు పంపించి రక్తాన్ని శుద్ధి చేయడానికి, జీర్ణక్రియను మెరుగుపరచడానికి ముఖ్యమైన పాత్ర పోషిస్తాయి. అయితే నేటి జీవనశైలి కారణంగా ఈ అవయవాలు నెమ్మదిగా బలహీనపడుతున్నాయి. దీనికి పరిష్కారంగా బీట్‌రూట్‌ను కాలేయం, కిడ్నీలకు బలం అందించే అద్భుతమైన ఔషధంగా ఆరోగ్య నిపుణులు సూచిస్తున్నారు. బీట్‌రూట్ ఒక చౌకైన, సహజమైన, ప్రభావవంతమైన ఔషధం. దీన్ని సరైన పద్ధతిలో తీసుకుంటే అనేక తీవ్రమైన వ్యాధులను నివారించవచ్చు. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

కాలేయానికి బీట్‌రూట్ ప్రయోజనం:

బీట్‌రూట్‌లో ఉండే బీటైన్ కాలేయ కణాలను దెబ్బతినకుండా కాపాడుతుంది. ఇది ఫ్యాటీ లివర్ సమస్యను తగ్గిస్తుంది, పిత్త ఉత్పత్తిని పెంచుతుంది. తద్వారా జీర్ణక్రియ మెరుగుపడుతుంది. ఇందులో ఉండే యాంటీ ఆక్సిడెంట్లు కాలేయంలో పేరుకుపోయిన టాక్సిన్లను, కొవ్వును నెమ్మదిగా బయటకు పంపుతాయి. బీట్‌రూట్ రసం కిడ్నీలలో రాళ్ళు ఏర్పడకుండా నిరోధించడంలో సహాయపడుతుంది. ఇందులోని డిటాక్సిఫైయింగ్ గుణాలు కిడ్నీలలో పేరుకుపోయిన విష పదార్థాలను తొలగిస్తాయి. బీట్‌రూట్ రక్తపోటును అదుపులో ఉంచుతుంది. తద్వారా కిడ్నీలపై అదనపు ఒత్తిడి పడకుండా ఉంటుందని నిపుణులు చెబుతున్నారు.

ఇది కూడా చదవండి: ఆ లక్షణాలు కనిపిస్తే మీకు మూడినట్లే.. బ్రెయిన్ స్ట్రోక్ వచ్చే ముందు ఏం జరుగుతుందో తెలుసా..?

ఉదయం ఖాళీ కడుపుతో బీట్‌రూట్ రసం తాగడం చాలా ప్రయోజనకరం. సలాడ్‌లో పచ్చి బీట్‌రూట్‌ను క్యారెట్, దోసకాయతో కలిపి తినడం ఆరోగ్యానికి మంచిది. చలికాలంలో బీట్‌రూట్ సూప్ తాగడం కాలేయం, కిడ్నీలను శుభ్రం చేయడానికి ఒక మంచి మార్గం. మధుమేహం ఉన్నవారు వైద్యుల సలహా మేరకు మాత్రమే బీట్‌రూట్ తీసుకోవాలి. ఎందుకంటే ఇందులో సహజ చక్కెర ఎక్కువగా ఉంటుంది. తక్కువ రక్తపోటు ఉన్నవారు కూడా దీన్ని నియంత్రిత మోతాదులో తీసుకోవాలి. తీవ్రమైన కిడ్నీ వ్యాధులు ఉన్నవారు నిపుణుల సలహా తీసుకోవడం తప్పనిసరి. బీట్‌రూట్‌ను ఆహారంలో చేర్చుకోవడం వల్ల కాలేయం, కిడ్నీలతో పాటు మొత్తం శరీరం ఆరోగ్యంగా ఉంటుంది. కాలేయం, కిడ్నీలు ఎక్కువ కాలం ఆరోగ్యంగా ఉండాలంటే ఆహారంలో బీట్‌రూట్‌ను చేర్చుకోవాలని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: సిగరెట్ తాగడం, వ్యాయామంతోపాటు.. తిన్న వెంటనే చేయకూడని 5 ముఖ్యమైన పనులు ఇవే!