Face Tanning: టాన్ వదులుతుంది.. ముఖం మెరుస్తుంది.. ఎలానో తెలుసుకోండి

తీవ్రమైన సూర్యరశ్మి మరియు వాతావరణ కాలుష్యం కారణంగా చర్మంపై టాన్ (Tanning) సమస్య విపరీతంగా పెరిగిపోతుంది. దీని వల్ల ముఖం రంగు తగ్గి, ఎండ తగిలిన శరీర భాగాలు నల్లగా మారి అందవిహీనంగా కనిపిస్తాయి. ఈ టాన్ సమస్యతో ఇబ్బంది పడేవారు మార్కెట్‌లో లభించే ఖరీదైన ఉత్పత్తులను వాడటానికి ఇష్టపడుతుంటారు. అయితే ఇంటి వద్దనే సులభంగా తయారు చేసుకునే డీ-టాన్ ప్యాక్‌తో ఈ సమస్యకు చెక్ పెట్టవచ్చని నిపుణులు సూచిస్తున్నారు. ఈ హోంమేడ్ ప్యాక్ ముఖంపై పేరుకుపోయిన మురికిని తొలగించడంలో మరియు టాన్‌ను తగ్గించడంలో అద్భుతంగా పనిచేస్తుంది.  ఆ ఇంటి చిట్కాల గురించి కొన్ని విషయాలు ఈ ఆర్టికల్‌లో తెలుసుకుందాం.

డీ-టాన్ ప్యాక్ :

ఈ ప్రభావవంతమైన డీ-టాన్ ప్యాక్‌ను తయారు చేయడం చాలా సులభం. ముందుగా ఒక గిన్నె తీసుకుని అందులో గ్లిజరిన్ తీసుకోవాలి. దానికి ఒక టీస్పూన్ రోజ్ వాటర్ (గులాబీ నీరు) మరియు అర టీస్పూన్ నిమ్మరసం కలపాలి. ఈ మూడింటిని బాగా మిక్స్ చేస్తే మీ హోంమేడ్ డీ-టాన్ ప్యాక్ సిద్ధమైనట్లే. దీనిని మంచినీరుతో ముఖం శుభ్రంగా కడిగి.. ఈ ప్యాక్ వేసుకోవాలి. 30 నిమిషాలు ఉన్న తర్వాత చల్లని నీటితో  శుభ్రం చేసుకోవాలి.  ఇలా చేయటం వల్ల ముఖంపై ఉన్న టాన్ సమస్య తగ్గుతుందని చర్మ నిపుణులు చెబుతున్నారు.

ఇది కూడా చదవండి: వెయిట్‌లాస్ కోసం డబ్బులు, టైం వేస్ట్ చేయొద్దు భయ్యా.. ఈ 3 పండ్లు ట్రై చేయండి!

 
టాన్‌ నివారణ: సూర్యరశ్మి వల్ల ఏర్పడిన టాన్‌ను తగ్గించడానికి ఈ ప్యాక్ చాలా ఉపయోగపడుతుంది.

పిగ్మెంటేషన్ తొలగింపు: ఈ ప్యాక్‌ను ముఖానికి అప్లై చేయడం వల్ల పిగ్మెంటేషన్ సమస్య కూడా తగ్గుతుంది.

చర్మ శుభ్రత: ఇది చర్మంలోని మలినాలను తొలగించి, చర్మ రంధ్రాలను శుభ్రపరచడానికి (Skin Pores Cleansing) సహాయపడుతుంది. మీరు కూడా తీవ్రమైన టాన్ సమస్యతో బాధపడుతుంటే ఈ ఇంటి చిట్కాను ఉపయోగించి టాన్ ఫేస్ ప్యాక్‌ను క్రమం తప్పకుండా ముఖానికి అప్లై చేసి టాన్ సమస్య నుంచి ఉపశమనం పొందవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: ఈ 5 తిను బండారాలు టీకి మంచి జోడు