Health Tips: వెయిట్‌లాస్ కోసం డబ్బులు, టైం వేస్ట్ చేయొద్దు భయ్యా.. ఈ 3 పండ్లు ట్రై చేయండి!

పండ్లు ఆరోగ్యానికి ఎంతో మేలు చేస్తాయి. అనేక వ్యాధుల నుంచి రక్షిస్తాయి. అయితే ఈ పండ్లు బరువు తగ్గించే ప్రయాణంలో అద్భుతమైన సహాయంగా పనిచేస్తాయని చాలామందికి తెలియదు. విటమిన్లు, ఖనిజాలు, యాంటీ ఆక్సిడెంట్లు పుష్కలంగా ఉండే పండ్లను ఆరోగ్యకరమైన ఆహారంలో భాగంగా తీసుకోవడం వల్ల బరువును అదుపులో ఉంచుకోవచ్చని నిపుణులు చెబుతున్నారు. USC మెడికల్ స్కూల్‌లోని కెక్ మెడిసిన్ ప్రకారం.. రోజువారీ ఆహారంలో ఐదు రకాల పండ్లు, కూరగాయలను చేర్చుకోవడం ద్వారా ఊబకాయం, టైప్ 2 డయాబెటిస్ వంటి తీవ్రమైన ఆరోగ్య సమస్యల ప్రమాదాన్ని తగ్గించవచ్చు. బరువు తగ్గడానికి సహాయపడే కొన్ని ముఖ్యమైన పండ్ల వివరాల గురించి కొన్ని విషయలు ఈ ఆర్టికల్‌లో తెలుసుకుందాం.

పుచ్చకాయ (Watermelon):

బరువు తగ్గాలనుకునే వారికి పుచ్చకాయ ఉత్తమమైన పండ్లలో ఒకటి. ఇందులో 90% నీరే ఉంటుంది. 100 గ్రాముల పుచ్చకాయలో కేవలం 30 కేలరీలు మాత్రమే ఉంటాయి. ఇందులో ఉండే అమైనో ఆమ్లం ఆర్జినిన్ (Arginine) కొవ్వును త్వరగా కరిగించడానికి సహాయపడుతుంది. ఇది శరీరాన్ని హైడ్రేటెడ్‌గా ఉంచడమే కాక కడుపు నిండుగా ఉండేలా చేసి భోజనాల మధ్య ఆకలి కాకుండా చేస్తుంది.

జామకాయ (Guava):

జామకాయ పోషకమైనది, రుచికరమైనది మరియు పీచుపదార్థం (Fiber) అధికంగా ఉంటుంది. ఇది ఆకలిని అణిచివేయడానికి సహాయపడుతుంది. జామకాయలో కొలెస్ట్రాల్ ఉండదు, ఇతర పండ్ల కంటే తక్కువ చక్కెర ఉంటుంది. ఇందులో నిమ్మ జాతి పండ్ల కంటే ఎక్కువ విటమిన్ సి ఉంటుంది. ఇది చర్మాన్ని యవ్వనంగా, అందంగా ఉంచడానికి కూడా తోడ్పడుతుంది.

 ద్రాక్షపండు (Grapefruit ):

ద్రాక్షపండును పమేలో, ఆరెంజ్ సంకరంతో సృష్టించారు. ఇది విటమిన్ సి, ఫోలిక్ యాసిడ్, పొటాషియంకు మంచి మూలం. ఈ పోషకాలు ఊబకాయం మరియు మధుమేహం, గుండె జబ్బులు వంటి దీర్ఘకాలిక వ్యాధులను నివారించడంలో సహాయపడతాయి. ఇది పెక్టిన్ (Pectin)కు అద్భుతమైన మూలం. ఇది కొన్ని రకాల క్యాన్సర్లను నివారించడంలో కూడా సహాయపడుతుందని నిపుణులు చెబుతున్నారు. ఈ మూడు పడ్లను ఆహారంలో చేరుకుంటే బరువు త్వరగా తగ్గుతారని నిపుణులు అంటున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: చిక్కటి రక్తం చక్కబరించేందుకు చక్కటి ఆయుర్వేద ఉపాయం!!