Flower Face Pack: మచ్చలేని చర్మం కోసం ఈ పూల ఫేస్ ప్యాక్ ట్రై చేయండి.

నేటి కాలంలో మెరిసే, మచ్చలేని చర్మం ఉండాలని ప్రతి ఒక్కరికి కోరికగా ఉంటుంది. చాలా మంది దీని కోసం ఖరీదైన చర్మ సంరక్షణ ఉత్పత్తులు మరియు చికిత్సలను ఆశ్రయిస్తారు. అయితే వీటిలో ఉండే రసాయనాలు కొన్నిసార్లు చర్మానికి తీవ్రమైన హాని కలిగించి.. దాని సహజమైన నిగారింపును పోగొడతాయి. ఈ సమస్యకు సరైన పరిష్కారాన్ని అందించే ఒక అద్భుతమైన ఫేస్ ప్యాక్ ఇంట్లోనే చేయవచ్చు. ఫేస్ ప్యాక్ తయారీకి ఉపయోగించే పువ్వులను చాలామంది నవరాత్రి పూజలు, అలంకరణల కోసం ఉపయోగిస్తారు. చూడటానికి అందంగా ఉండే ఈ పువ్వులు చర్మానికి కూడా ఎంతో మేలు చేస్తాయి. వాటి గురించి కొన్ని విషయాలు ఈ ఆర్టికల్‌లో తెలుసుకుందాం. 

సహజమైన సౌందర్యానికి ఫేస్ ప్యాక్:

ఈ పువ్వు పారిజాతం. పారిజాత పూలలో ఉండే యాంటీఆక్సిడెంట్, యాంటీబాక్టీరియల్ గుణాలు చర్మాన్ని లోతుగా శుభ్రం చేసి, ఆరోగ్యంగా, కాంతివంతంగా మారుస్తాయి. ఈ ఫేస్ ప్యాక్ వాడటం వల్ల చర్మంపై పేరుకున్న మురికి, డెడ్ స్కిన్ కణాలు తొలగిపోయి, ముఖం సహజంగా మెరుస్తుంది. దీంతో పాటు, తేలికపాటి మొటిమలు, పిగ్మెంటేషన్ వంటి సమస్యల నుంచి కూడా ఉపశమనం లభిస్తుంది. ముందుగా తాజా పారిజాత పువ్వులను తీసుకొని శుభ్రంగా కడగాలి. వాటిని మెత్తగా పేస్ట్ చేయాలి. అవసరమైతే కొద్దిగా రోజ్ వాటర్ లేదా పెరుగు కలపవచ్చు. ఇది పేస్ట్‌ను చర్మానికి సులభంగా అద్దడానికి సహాయపడుతుంది. ఈ పేస్ట్‌ను ముఖం, మెడపై సమానంగా అప్లై చేసి, సుమారు 15 నుంచి 20 నిమిషాల పాటు ఆరిపోయే వరకు ఉంచాలి. ఆ తర్వాత గోరు వెచ్చని నీటితో శుభ్రంగా కడిగేయాలి. ఇలా ఈ ఫేస్ ప్యాక్ వేసుకోవటం వల్ల చర్మానికి చాలా ప్రయోజనాలు అందుతాయని నిపుణులు చెబుతున్నారు.

 ఇది కూడా చదవండి: కొరియన్ గ్లాసీ లుక్ కోసం ఈ ఇంటి చిట్కా ఫాలో అవ్వండి

పారిజాత పూలలోని సహజ యాంటీ సెప్టిక్ గుణాలు చర్మంపై ఉండే బ్యాక్టీరియాను తొలగించి, మొటిమలు, యాక్నే సమస్యలను తగ్గిస్తాయని నిపుణులు చెబుతున్నారు. వారానికి ఒకసారి ఈ ఫేస్ ప్యాక్ వాడటం వల్ల చర్మం లోతుగా శుభ్రపడుతుంది. తద్వారా రంధ్రాలు శుభ్రపడి బ్లాక్‌హెడ్స్ సమస్య కూడా తగ్గుతుంది.ఈ ఫేస్ ప్యాక్ అన్ని రకాల చర్మాలకు అనుకూలంగా ఉంటుంది. మీ చర్మం జిడ్డుగా ఉంటే.. అదనపు నూనెను నియంత్రించడానికి నిమ్మరసం కలుపుకోవచ్చు. పొడి చర్మం ఉన్నవారు తేనె లేదా పెరుగు కలపడం మంచిది. పారిజాత ఫేస్ ప్యాక్ చర్మాన్ని మెరిసేలా చేయడమే కాకుండా.. సహజమైన మెరుపును ఇస్తుంది. ఖరీదైన ఉత్పత్తులకు బదులుగా ఈ ఇంటి చిట్కాను ఉపయోగించి కొన్ని రోజుల్లోనే దాని ప్రభావం మంచిగా ఉంటుందని చర్మ నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: శారదీయ నవరాత్రి పూజలో ఈ పండ్లు పెట్టే పొరపాటు చేయొద్దు!