Navaratri 2025: శారదీయ నవరాత్రి పూజలో ఈ పండ్లు పెట్టే పొరపాటు చేయొద్దు!

శరన్నవరాత్రులు ప్రారంభమయ్యాయి. ఆశ్వయుజ మాసంలో వచ్చే ఈ తొమ్మిది రోజులు దుర్గాదేవిని వివిధ రూపాలలో కొలిచి భక్తులు తమ భక్తిని చాటుకుంటారు. ఈ పండుగ సందర్భంగా దేవికి చేసే పూజల్లో నైవేద్యాలకు ప్రత్యేక స్థానం ఉంది. పండ్లు, వివిధ రకాల వంటకాలతో అమ్మవారిని ఆరాధించడం ఆనవాయితీ. అయితే నవరాత్రుల సమయంలో అమ్మవారికి సమర్పించకూడని కొన్ని పండ్ల గురించి ప్రత్యేక నియమాలు ఉన్నాయి. సాధారణంగా అన్ని పూజల్లోనూ పండ్లను సమర్పిస్తారు. కానీ ఈ తొమ్మిది రోజులు మాత్రం కొబ్బరి, స్ట్రాబెర్రీ వంటి కొన్ని పండ్లను నైవేద్యంగా పెట్టకూడదని చెబుతారు. వీటికి బదులుగా కొబ్బరి, సీతాఫలం, అరటి పండ్లను అమ్మవారికి సమర్పించడం శ్రేయస్కరమని పండితులు చెబుతున్నారు.

దేవికి నైవేద్యాలు..

నవరాత్రుల్లో ప్రతి రోజు ఒక్కో దుర్గాదేవి రూపానికి ఒక్కో రకమైన నైవేద్యం సమర్పిస్తారు. మొదటి రోజు శైలపుత్రి దేవికి నెయ్యి, రెండవ రోజు బ్రహ్మచారిణి దేవికి మిఠాయి, పంచదార, మూడవ రోజు చంద్రఘంట దేవికి పాయసం, నాలుగవ రోజు కూష్మాండ దేవికి మాల్పువా, ఐదవ రోజు స్కందమాతకు అరటిపండ్లు, ఆరవ రోజు కాత్యాయని దేవికి తేనెతో చేసిన నైవేద్యం, ఏడవ రోజు కాళరాత్రి దేవికి బెల్లంతో చేసిన పదార్థాలు, ఎనిమిదవ రోజు మహాగౌరి దేవికి కొబ్బరి, తొమ్మిదవ రోజు సిద్ధిధాత్రి దేవికి హల్వా, శనగలు నైవేద్యంగా సమర్పిస్తారు.

 ఇది కూడా చదవండి: నవరాత్రి ఉపవాస సమయంలో టీ, కాఫీ తాగొచ్చా?

ఈ విశిష్టమైన ఆచారాలను పాటించడం ద్వారా అమ్మవారి కృపకు పాత్రులమవుతారని భక్తులు విశ్వసిస్తారు. ఈ తొమ్మిది రోజులు భక్తి శ్రద్ధలతో అమ్మవారిని ఆరాధిస్తూ.. ప్రత్యేక నైవేద్యాలను సమర్పిస్తూ ఈ పండుగను జరుపుకుంటున్నారు. నవరాత్రులు భక్తి, ఆధ్యాత్మికతతో నిండిన వాతావరణాన్ని తీసుకువస్తాయి. భక్తుల కోరికలు నెరవేర్చేందుకు అమ్మవారు అనుగ్రహిస్తారని ప్రగాఢ విశ్వాసం.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

 ఇది కూడా చదవండి: ఈసారి నవరాత్రి 9కి బదులుగా 10 రోజులు ఎందుకు వచ్చింది.. ప్రత్యేక కారణం ఏంటో తెలుసా..?