Putin: రష్యా, ఉక్రెయిన్‌ వార్‌లో బిగ్‌ ట్విస్ట్.. ట్రంప్‌ని కలవడానికి వెళ్తే పుతిన్‌ అరెస్ట్..?

అంతర్జాతీయ క్రిమినల్ కోర్టు (icc) అరెస్ట్ వారెంట్ ఉన్నప్పటికీ, రష్యా అధ్యక్షుడు వ్లాదిమిర్ పుతిన్ త్వరలో హంగేరీ రాజధాని బుడాపెస్ట్‌కు ప్రయాణించనున్నారు. ఉక్రెయిన్ యుద్ధానికి ముగింపు పలికే అంశంపై అమెరికా అధ్యక్షుడు డొనాల్డ్ ట్రంప్‌తో సమావేశం అయ్యేందుకు ఆయన ఈ పర్యటనకు సిద్ధమవుతున్నారు. అయితే, పుతిన్‌ను అరెస్ట్ చేయాలంటూ ఐసీసీ వారెంట్ జారీ చేసిన నేపథ్యంలో, ఆయన హంగేరీకి ఎలా వెళతారనే అంశంపై ప్రపంచవ్యాప్తంగా ఆసక్తికర చర్చ నెలకొంది. ఈ పర్యటనలో పుతిన్ అరెస్ట్ అవుతారని వార్తలు వస్తున్నాయి.

Germany says Hungary must still honor the ICC arrest warrant for Putin because the twelve-month withdrawal period from the Rome Statute has not expired since Budapest announced it in April 2025.

Also Germany: pic.twitter.com/MAWMgFDJo9

— Olga Bazova (@OlgaBazova) October 18, 2025

Also Read :  సముద్రంలో ఘోర ప్రమాదం.. బోటు బోల్తా పడి ముగ్గురు భారతీయులు మృతి

Putin Arrest

ఐసీసీ(icc)లో సభ్యదేశమైనప్పటికీ, పుతిన్‌(russia president vladimir putin)ను అరెస్ట్ చేయబోమని హంగేరీ ప్రభుత్వం ఇప్పటికే స్పష్టం చేసింది. హంగేరీ ప్రధాని విక్టర్ ఓర్బన్ ప్రభుత్వానికి పుతిన్, ట్రంప్‌తో సన్నిహిత సంబంధాలు ఉన్నాయి. హంగేరీ విదేశాంగ మంత్రి పీటర్ సియార్టో, పుతిన్‌కు సురక్షితమైన, శాంతియుత వాతావరణంలో చర్చలు జరిపేందుకు తాము సిద్ధమని ప్రకటించారు. పుతిన్‌ అరెస్టుకు హంగేరీ నిరాకరించడానికి గల ప్రధాన కారణం, ఐసీసీ రోమ్ స్టాట్యూట్‌ను హంగేరీ తన అంతర్గత న్యాయ వ్యవస్థలో పూర్తిగా చట్టబద్ధం చేయకపోవడమేనని హంగేరీ అధికారులు చెబుతున్నారు. అంతేకాకుండా, అంతర్జాతీయ చట్టం ప్రకారం ఐసీసీ అరెస్ట్ వారెంట్‌ను అమలు చేసే బాధ్యత సభ్య దేశాలపై ఉన్నప్పటికీ, హంగేరీ ప్రభుత్వం దీనిని రాజ్యాంగానికి విరుద్ధంగా భావిస్తోంది. ఈ కారణాల వల్ల, పుతిన్‌కు బుడాపెస్ట్‌లో అరెస్ట్ భయం ఉండబోదని స్పష్టమవుతోంది.

అరెస్ట్ నుంచి తప్పించుకోవడానికి హంగేరీ హామీ ఇచ్చినప్పటికీ, పుతిన్ విమాన ప్రయాణం అంత తేలిక కాదు. ఎందుకంటే, హంగేరీకి చేరుకోవడానికి ఐసీసీ సభ్యత్వం ఉన్న ఇతర యూరోపియన్ దేశాల ఎయిర్‌స్పేస్‌ను దాటాల్సి రావచ్చు. ఉదాహరణకు, పోలాండ్, రొమేనియా లేదా బాల్టిక్ దేశాల గగనతలం గుండా ప్రయాణించినప్పుడు, ఆ దేశాలు ఐసీసీ వారెంట్‌ను అమలు చేస్తూ ఆయన విమానాన్ని అడ్డుకునేందుకు లేదా దారి మళ్లించేందుకు ప్రయత్నించే అవకాశం ఉంది. ఈ కారణంగా, పుతిన్ తన విమానం కోసం తూర్పు యూరప్ దేశాల గగనతలాన్ని కాకుండా, టర్కీ, బాల్కన్ దేశాల మీదుగా సుదీర్ఘ, పరోక్ష మార్గాన్ని ఎంచుకోవచ్చని విశ్లేషకులు భావిస్తున్నారు. ఈ భేటీ ద్వారా ఉక్రెయిన్ సంక్షోభానికి శాంతియుత పరిష్కారం లభిస్తుందా లేదా అనేది ఇప్పుడు ప్రపంచం దృష్టిని ఆకర్షిస్తోంది.

Also Read :  హద్దులు మీరుతున్న పాకిస్తాన్...ఆఫ్ఘాన్ బోర్డర్‌పై దాడి..ముగ్గురు క్రికెటర్లతో సహా 8మంది మృతి