Iran Israel War: ఫైనల్ స్టేజ్‌లో ఇరాన్ న్యూక్లియర్ బాంబ్.. ఏ క్షణమైనా విధ్వంసం!

అణ్వాయుధాల తయారీలో ఇరాన్ చివరి దశలో ఉంది. అయితే ఇజ్రాయిల్ దాడులు ఉదృతం చేస్తే ఫైనల్ స్టేజ్‌లో ఉన్న న్యూక్లియర్ బాంబ్‌ను ఇరాన్ ప్రయోగించాలని భావిస్తోంది. అమెరికా, అంతర్జాతీయ నిఘా వర్గాల ప్రకారం మరో కొన్ని నెలల్లో ఇరాన్ అణ్వాయుధాలు తయారు చేసుకుంటుంది.

By K Mohan 18 Jun 2025 in ఇంటర్నేషనల్ Latest News In Telugu

New Update

ఇరాన్, ఇజ్రాయిల్ మధ్య దాడులు ఆరో రోజుకు చేరుకున్నాయి. ఇరు దేశాల మధ్య యుద్ధం ముదురుతున్నా కొద్దీ మరో కొత్త వాదన తెరపైకి వచ్చింది. గత30 సంవత్సరాలుగా ఇరాన్ అణ్వాయుధాల తయారీలో ఉందని అమెరికా అధ్యక్షుడు, ఇజ్రాయిల్ ప్రధాన మంత్రి నెతన్యాహూ ఆరోపిస్తున్నారు. వారే కాదు అంతర్జాతీయ నిఘా సంస్థలు, సెక్యూరిటీ ఏజెన్సీలు కూడా న్యూక్లియర్ బాంబ్ తయారీకి ఇరాన్ కొన్ని అడుగుల దూరంలోనే ఉందని చెబుతున్నారు. అణుబాంబు తయారీలో ఇరాన్ 90శాతం పనులు పూర్తి చేసుకున్నట్లు తెలుస్తోంది. ఇజ్రాయిల్ ఆ దేశంపై దాడులు ఉదృతం చేస్తే పూర్తిగా తయారు కానీ న్యూక్లియర్ బాంబ్‌నే ఇరాన్ ప్రయోగించడానికి సిద్ధంగా ఉందట. అదే జరిగితే ఏ దేశం ఎక్కువగా నష్టపోతుందో ఎవరికీ తెలియదు. ఫైనల్ స్టేజ్‌లో ఉన్న అణ్వాయుధాలను ఇరాన్ వాడాలని నిర్ణయించుకుంటే ఇజ్రాయిల్‌కు నష్టం జరుగుతుందా.. లేక అది సరిగా పని చేయకుండా ఇరాన్‌లోనే విధ్వంసం జరిగే అవకాశం కూడా ఉంది.

అధికారికంగా ఇరాన్ దగ్గర అణ్వాయుధాలు లేవు. కానీ ఇప్పటికే ఇజ్రాయిల్ దగ్గర 90 వరకు న్యూక్లియర్ వార్‌హెడ్‌‌లు ఉన్నాయి. ఇజ్రాయిల్ గతంలోనే అణ్వాయుధాలపై విజయవంతంగా ప్రయోగాలు నిర్వహించింది.

Also Read : వాహనదారులకు గుడ్ న్యూస్.. రూ.3వేలకే ఏడాదంత ట్రిప్స్

Also Read : పెళ్లి చేసుకుంటానని నమ్మించి.. గొంతుకోసి...

Iran Israel War 2025

ఇరాన్‌లోని అత్యంత రహస్యంగా నిర్వహిస్తున్న అణు స్థావరం నటాంజ్‌ న్యూక్లియర్‌ కాంప్లెక్స్‌పై ఇజ్రాయెల్‌ అత్యంత కచ్చితత్వంతో ఇటీవల దాడులు నిర్వహించింది. భూగర్భంలో అత్యంత లోతులో ఉన్న నటాంజ్‌ న్యూక్లియర్‌ కాంప్లెక్స్‌పై ఇజ్రాయెల్‌ క్షిపణులు దాడి చేసినట్లు ఐక్య రాజ్య సమితికి చెందిన అంతర్జాతీయ అణు ఇంధన సంస్థ(ఐఏఈఏ) మంగళవారం వెల్లడించింది.

భూమి లోపల ఎంతో లోతులో నిర్మించిన ఈ స్థావరాన్ని ఇజ్రాయెల్‌ లక్ష్యంగా చేసుకోవడం ఇజ్రాయెల్‌కు సాధ్యం కాదని గతంలో అనేక దేశాలు భావించాయి. నటాంజ్‌ యురేనియం శుద్ధి కర్మాగారంలోని భూగర్భ విభాగాన్ని ఇజ్రాయెల్‌ నేరుగా కొట్టినట్లు తమ వద్ద సమాచారం ఉందని ఐఏఈఏ తెలిపింది.

Also Read : బద్దలైన అగ్నిపర్వతం.. వెనక్కి మళ్లిన ఎయిరిండియా విమానం

దాడి, ప్రతిదాడుల్లో ఇరాన్ ఏ క్షణమైనా తన వద్ద ఉన్న అణ్వాయుధాలును ఇజ్రాయిల్‌పై వాడవచ్చని ఇంటలీజెన్స్ వర్గాలు చెబుతున్నాయి. అమెరికా అధ్యక్షుడు డొనాల్డ్ ట్రంప్ టెహ్రాన్(ఇరాన్) బేషరతుగా లొంగిపోవాలని ఆయతుల్లా ఖమేనీని హెచ్చరించారు. దీంతో రెచ్చిపోయిన ఇరాన్ ట్రంప్ వార్నింగ్ ఇచ్చిన కొద్దిసేపటికే టెల్‌అవీవ్‌పై ఫట్టా-1 క్షిపణిని ప్రయోగించింది. ఇజ్రాయెల్‌పై 10 చోట్ల హైపర్‌సోనిక్ దాడులు చేసింది ఇరాన్. అణ్వాయుధాన్ని నిర్మించడానికి ఇరాన్ కొన్ని నెలల దూరంలో ఉందని తెలుస్తోంది. ఇజ్రాయెల్ అధికారులు ఇరాన్ తన అణ్వాయుధ ఆశయాలలో తిరిగి రాని స్థితికి చేరుకున్నారని పేర్కొన్నారు.

US నిఘా అంచనా ఇజ్రాయెల్ చెప్పిన దానికి విరుద్ధంగా ఉంది. ఇరాన్ అణ్వాయుధాన్ని చురుకుగా అనుసరించడం లేదని, దానిని ఉత్పత్తి చేయడానికి కనీసం 3 సంవత్సరాలు పడుతుందని అమెరికా ఇంటెలిజెన్స్ తెలిపింది. ఇజ్రాయెల్ దాడులు ఇరాన్ అణు కార్యక్రమాన్ని కొన్ని నెలలు మాత్రమే ఆలస్యం చేసి ఉండవచ్చని అమెరికన్ అధికారులు భావిస్తున్నారు. ఇరాన్ ప్రధాన యురేనియం కేంద్రం నటాంజ్ వద్ద భారీ నష్టం, ఇస్ఫహాన్‌లోని అణు పరిశోధనా కేంద్రంపై జరిగిన దాడిని ఉపగ్రహ చిత్రాలు వెల్లడించాయి. భూగర్భంలో లోతుగా పాతిపెట్టబడిన ఫోర్డో సైట్‌ నష్టం వాటిల్లలేదు. యుఎస్ బంకర్-బంటింగ్ మందుగుండు సామగ్రి, వైమానిక మద్దతు లేకుండా ఫోర్డోను గణనీయంగా దెబ్బతీసే సామర్థ్యం ఇజ్రాయెల్‌కు లేదని రక్షణ నిపుణులు తెలిపారు.

Also Read : అల్లూరి జిల్లా మారేడుమిల్లిలో ఎన్ కౌంటర్.. ముగ్గురు మావోలు మృతి