Rain Alert: బిగ్ అలర్ట్.. తెలుగు రాష్ట్రాల్లో భారీ వర్షాలు!

By Archana 06 Jul 2025 in తెలంగాణ Latest News In Telugu

New Update

వాతావరణ కేంద్రం తెలంగాణ, ఆంధ్ర ప్రజలకు రెయిన్ అలెర్ట్ జారీ చేసింది. రుతుపవనాల వల్ల ప్రభావం వల్ల మరో మూడు రోజుల పాటు రెండు తెలుగు రాష్ట్రాల్లో విస్తారంగా వర్షాలు కురిసే అవకాశం ఉందని వాతావరణ శాఖ తెలిపింది. ముఖ్యంగా, నైరుతి రుతుపవనాలు చురుకుగా కదులుతుండటం, బంగాళాఖాతంలో ఉపరితల ఆవర్తనాలు ఏర్పడటం వల్ల ఈ వర్షాలు కురుస్తాయని అధికారులు చెబుతున్నారు.

Also Read : మహిళామణులకు గుడ్‌న్యూస్‌.. విజయదశమికి వారికి చీరల పంపిణీ

తెలంగాణ వర్ష సూచన

తెలంగాణలో జూలై ఈరోజు నుంచి 11వ తేదీ వరకు వర్షాలు కురుస్తాయని అంచనా వేస్తున్నారు. ముఖ్యంగా, ఉత్తర తెలంగాణ జిల్లాల్లో భారీ వర్షాలు పడే అవకాశం ఉంది. ఆదిలాబాద్, ములుగు, జయశంకర్ భూపాలపల్లి, సూర్యాపేట, నల్గొండ, మెదక్, సిద్దిపేట, భువనగిరి, నాగర్ కర్నూల్ వంటి 15 జిల్లాలకు వాతావరణ శాఖ 'ఎల్లో అలర్ట్' జారీ చేసింది.

అలాగే జూలై 7న వర్షపాతం ఎక్కువగా ఉంటుందని వాతావరణ నిపుణులు అంచనా వేస్తున్నారు. ఉరుములు, మెరుపులతో కూడిన వర్షాలు, గంటకు 30-40 కిలోమీటర్ల వేగంతో ఈదురు గాలులు వీచే అవకాశం ఉందని హెచ్చరించారు. లోతట్టు ప్రాంతాల ప్రజలు, ముఖ్యంగా రైతులు జాగ్రత్తగా ఉండాలని సూచించారు.

Also Read : ప్రకాశం జిల్లాలో ప్రేమజంట ఆత్మహత్య!.. చెట్టుకు వేలాడుతూ

ఆంధ్రప్రదేశ్‌ వర్ష సూచన

ఆంధ్రప్రదేశ్‌లో కూడా వచ్చే మూడు నాలుగు రోజుల పాటు మోస్తరు నుంచి భారీ వర్షాలు కురిసే అవకాశం ఉంది. బంగాళాఖాతంలో ఏర్పడిన ఉపరితల ఆవర్తన ప్రభావంతో కోస్తా ఆంధ్ర, రాయలసీమ జిల్లాల్లో పలుచోట్ల వర్షాలు పడతాయి.

శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు, విశాఖపట్నం, కాకినాడ, నెల్లూరు, అనంతపురం, చిత్తూరు జిల్లాల్లో మోస్తరు నుంచి భారీ వర్షాలు పడతాయని అంచనా. ఉత్తర కోస్తా, యానాం, రాయలసీమ ప్రాంతాల్లో కొన్నిచోట్ల ఉరుములు, మెరుపులతో కూడిన వర్షాలు కురుస్తాయి. తీర ప్రాంతాల్లో బలమైన ఈదురు గాలులు వీచే అవకాశం ఉన్నందున మత్స్యకారులు సముద్రంలో చేపల వేటకు వెళ్లవద్దని సూచించారు.

Also Read : ట్రైన్ లో నా బూ*బ్స్ పట్టుకొని లాగాడు ..హీరోయిన్ సంచలన వీడియో వైరల్!

ప్రజలు తీసుకోవాల్సిన జాగ్రత్తలు