Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

CM chandra babu

Andhra Pradesh: తెలుగు తమ్ముళ్ళకు బంపర్ ఆఫర్..పార్టీ సభ్యత్వం

Published on by

CM Chandra Babu: తెలుగు తమ్ముళ్ళకు ముఖ్యమంత్రి చంద్రబాబు బంపర్ ఆఫర్ ఇచ్చారు. అధికారంలోకి వచ్చిన తర్వాత మొదటిసారి పార్టీ సభ్యత్వాలను ప్రాంరభించాలని నిర్ణయం తీసుకుంది. అక్టోబర్ 2 ఈ సభ్యత్వ నమోదు చేపట్టాలని అధినేత, ముఖ్యమంత్రి చంద్రబాబు ఆదేశించారు. దాంతో పాటూ రూ.లక్ష పైబడి చెల్లిస్తే శాశ్వత సభ్యత్వం కల్పించాలనే ఆలోచనలో ఉంది. రాష్ట్రవ్యాప్తంగా పార్టీ నియోజకవర్గ ఇంఛార్జ్‌లు, సమన్వయ కమిటీ సభ్యులతో నిర్వహించిన సమావేశంలో చంద్రబాబు ఈ నిర్యం తీసుకున్నారు. ఇవే కాక పార్టీకి సంబంధించిన పలు కీలకమైన అంశాలపై కూడా చర్చించి నిర్ణయం తీసుకున్నారు.

కూటమి ప్రభుత్వం ఆంధ్రాలో పాలనలోకి వచ్చి 100 రోజులు గడిచింది. ఈ వంద రోజుల్లో సాధించిన విజయాలు, చేపట్టాలని కార్యక్రమాలను ప్రజల్లోకి తీసుకెళ్ళాలని కూడా సమావేశంలో నిర్ణయించారు. ఈ నెల 20 నుంచి 26 వరకు దీనిపై ప్రత్యేక కార్యక్రమం చేపట్టాలని పిలుపునిచ్చారు.
రాష్ట్రంలో ప్రభుత్వంపై వైఎస్సార్‌సీపీ చేస్తున్న తప్పుడు ప్రచారాలు తిప్పికొట్టాలని నేతలు, కార్యకర్తలకు చంద్రబాబు పిలుపునిచ్చారు. అలాగే పార్టీ నేతలు మిత్రపక్షాల నాయకులతో సమన్వయంతో పని చేస్తూ కార్యకర్తలకు అందుబాటులో ఉండాలని సూచనలు చేశారు. అంతేకాదు పార్టీ కోసం సీట్లు త్యాగం చేసిన నేతలను గౌరవప్రదమైన స్థానాల్లో ఉంచుతామని చంద్రబాబు హామీ ఇచ్చారు. త్వరలో జిల్లా ఇంఛార్జ్ మంత్రుల నియామకం చేపడతామని నేతలతో చెప్పారు.

Also Read: Andhra Pradesh: జనసేనలోకి కీలక నేతలు..పవన్ వ్యూహం ఇదేనా?

Andhra Pradesh: గ్రౌండ్‌ఫ్లోర్‌‌లో ఉన్న ప్రతీ ఇంటికి 25వేల రూ.–సీఎం చంద్రబాబు

Published on by

CM Chandra Babu: బుడమేరు , కృష్ణా వరదలు రాష్ట్రాన్ని అతలాకుతలం చేశాయి. ఏడెనిమిది రోజుల పాటు చాలా ప్రాంతాలు నీటిలో ఉండిపోయాయి. 11.43 లక్షల క్యూసెక్కుల వరదనీరు రావడం చరిత్రలో తొలిసారి. 175 ఏళ్ల చరిత్ర ఉన్న బ్యారేజి ఇది. కేవలం 11.90 లక్షల క్యూసెక్కుల కెపాసిటీ మాత్రమే దీనికి ఉంది. భవానీ పురం లో కూడా నీరు ఓవర్ ఫ్లో అయ్యింది. దీనంతటికీకారణం గత పాలకుల నిర్లక్ష్యమే అంటూ ఆంధ్రప్రదేశ్ ముఖ్యమంత్రి చంద్రబాబు మండిపడ్డారు. బుడమేరు దురాక్రమణలు కూడా వరద ముంపునకు కారణం అయ్యింది.100 రోజుల పాలన లోనే మా ప్రభుత్వం ఇన్ని ఇబ్బందులను ఎదుర్కొంటోంది. వైసీపీ రంగులు ఉన్న బోట్లు కూడా బ్యారేజి గేట్ లను ఢీ కొట్టాయి. ఉద్దేశ పూర్వకంగానే జరిగిన ఘటన ఇది. గత ప్రభుత్వం నిర్లక్ష్యం పై 7 శ్వేత పత్రాలను విడుదల చేశాం. ఆ తరవాత ఈ విపత్తు వచ్చింది. మంత్రుల ను అక్కడే పెట్టీ 10 రోజుల్లో సాధారణ పరిస్థితికి తెచ్చామని చెప్పుకొచ్చారు. విపత్తు నిర్వహణ లో 2 వేల కోట్ల మేర ఖర్చు పెట్టిన డబ్బు అకౌంట్ లో కూడా చూపెట్టలేదు. వరద ముంపు లో ఉన్న బాధితులను కొన్ని సార్లు అదుకోలేని నిస్సహాయత కూడా ఎదురైంది. వారి కష్టాలు చూసి యుద్ధ ప్రాతిపదికన ఆదుకునే ప్రయత్నం చేస్తున్నాం . మళ్ళీ వరదలకు ప్రజలు బలి కాకుండా శాశ్వత పరిష్కారం కూడా చేయాలని ప్రయత్నాలు చేస్తున్నామన్నారు.

అదలా ఉంటే వరద ముంపు ప్రాంతాల్లో మునిగిన అందరికీ 25 వేల రూపాయల చొప్పున ఆర్థిక సాయం చేస్తామని సీఎం చంద్రబాబు హామీ ఇచ్చారు. 179 సచివాలయాల పరిధిలో నీట మునిగిన మొదటి ఫ్లోర్, ఇతర ఫ్లోర్ లో ఉన్న వారికి కూడా 10 వేల రూపాయల ఆర్థిక సాయం ఇస్తామని తెలిపారు. రాష్ట్రంలో ఎక్కడ ఇల్లు నీట మునిగి నా 10 వేల రూపాయల, దుకాణాలకు 25 వేల రూపాయలు సాయం చేస్తామన్నారు. దాంతో పాటూ ఏం ఎస్ ఏం ఈ 40 లక్షల కంటే టర్నోవర్ తక్కువ ఉన్నవారు 50 వేల రూపాయల ఆర్థిక సాయం..40 లక్షల నుంచి 1.5 కోట్ల టర్నోవర్ ఉంటే 1 లక్ష.. 1.5 కోట్ల టర్నోవర్ ఉన్న వారికి 1.5 లక్షల ఆర్థిక సాయంగా ఇవ్వనున్నారు. ఇక 9,888 వేల ద్వి చక్ర వాహనాలకు 3 వేలు.. ఆటోలకు 10 వేల రూపాయలు..తోపుడు బళ్ళు కొత్తవి ఇస్తాం. మగ్గం నీస్ వారికి 25 వేలు, ఫిషింగ్ బోటు , వల తో సహా మోటార్ ఉన్న వాటికి 25 వేలు, ఆవులు, గేదెలు..ఒక్కో కోడికి 100 రూపాయలు చొప్పున, వ్యవసాయం వరి హెక్టార్ కు 25 వేల రూపాయల చొప్పున, ఎకరాకు 15 వేల చొప్పున ఆర్థిక సాయం ఇస్తామని చంద్రబాబు ప్రకటించారు. అలాగే ఉద్యాన పంటలు 25 నుంచి 35 వేల రూపాయల చొప్పున ఆర్థిక సాయం ఇస్తామని తెలిపారు. చరిత్రలో తొలిసారి గా ప్రాక్టికల్ గా ఆలోచించి నిర్ణయం తీసుకున్నామని..బ్యాంకు రుణాలు పై మారటోరియం, రుణాల రీ షెడ్యూలు చేయాలని కోరామనితెలిపారు. అర్బన్ కంపెనీ ద్వారా వివిధ ఉపకరణాలు కూడా బాగు చేయించి ఇచ్చాం.
సర్వీసు చేయని ఉపకరణాల కంపెనీల వివరాలు బయట పెడతాం. ద్విచక్ర, వాహనం, ఆటోల, కార్లు ఆయా కంపెనీల సర్వీస్ సెంటర్ లలో బాగు చేయించి ఇస్తున్నాం.వరద ముంపు ప్రాంతాల్లో బాధితులను ఆదుకోవడంలో ఎక్కడా రాజీ లేదు.చివరి వ్యక్తి కి కూడా సాయం అందాలి. భవిష్యత్ లో వరద ముంపు రాకుండా..ఆపరేషన్ బుడమేరు మొదలు పెడతామని చెప్పారు ఆంధ్రా సీఎం.

 

Andhra Pradesh: వరద నష్టం అంచనాలపై సీఎం చంద్రబాబు సమీక్ష

Published on by

CM Chandra Babu: ఏపీలో వరదల విషయంలో ముఖ్యమంత్రి చంద్రబాబు తీవ్రంగా పని చేసతున్నారు. మొన్నటివరకు విజయవాడలోనే ఉండి అక్కడ వరద బాధలను తొలగించేందుకు పని చేసిన ఆయన ఇప్పుడు మొత్తం ఏపీలో వరద నష్టం మీద సమీక్ష నిర్వహించారు. మంత్రులు, అధికారులను వివరాలు అడిగి తెలుసుకున్నారు. ఎన్యూమరేషన్ ఎంత మేర జరిగిందన్న అంశంపై సీఎం ఆరా తీశారు. అయితే ఈ వివరాలను అధికారులు సరిగ్గా ఇవ్వలేకపోయారు. దీంతో వారి మీద చంద్రబాబు తీవ్ర ఆగ్రహం వ్యక్తం చేశారు. బాధితులు ఇబ్బందుల్లో ఉంటే మీకు పట్టడం లేదా అంటూ మండిపడ్డారు. ఎన్యూమరేషన్‌ ఇవ్వడంలో ఎందుకు జాప్యం జరుగుతోంది అంటూ ప్రశ్నించారు. వరద నష్టం అంచనా ఇంత ఆలస్యం అయితే పరిహారం ఎప్పటికి ఇవ్వగలము అంటూ అధికారులను బాబు నిలదీశారు. ఎన్యూమరేషన్ పూర్తైతేనే వరద నష్టం వివరాలు కేంద్రానికి ఇవ్వగలమనే విషయాన్ని గుర్తుంచుకుని పని చేయాలని అధికారులకు సీఎం సూచించారు. రేపటిలోగా ఎన్యూమరేషన్ పూర్తి చేయాలని ముఖ్యమంత్రి చంద్రబాబు ఆదేశించారు.

Also Read: ఇందిరాగాంధీ పక్కన నిలబడి,ఆమె రాజీనామాకే డిమాండ్..వైరల్ పిక్ చెబుతున్న కథ

Andhra Pradesh: వరదలపై కేంద్రానికి నివేదిక– సీఎం చంద్రబాబు

Published on by

AP CM Chandra babu: వరద నష్టంపై శుక్రవారం సాయంత్రానికి కేంద్ర ప్రభుత్వానికి నివేదిక పంపిస్తామని చెప్పారు ముఖ్యమంత్రి చంద్రబాబు. తక్షణ సాయం కోసం మొదటగా ప్రాథమిక నివేదిక.. ఆ తర్వాత సమగ్ర నివేదికను కేంద్రానికి పంపిస్తామని తెలిపారు. అలాగే వరద ప్రభావిత ప్రాంతాల్లో నీటి సరఫరాను పునరుద్ధరించామని చంద్రబాబు చెప్పారు. చాలా ప్రాంతాలో విద్యుత్ కూడా వచ్చిందని చెప్పారు. కొన్ని ప్రాంతాలో నీరు నిల్వ ఉండిపోవడం వల్లనే అక్కడ విద్యుత్‌ను పునరుద్దరించలేకపోయామని తెలిపారు. పారిశుద్ధ్య పనులను త్వరితగతిన పూర్తి చేయాలని ఇప్పటికే సంబంధిత అధికారులకు ఆదేశాలు జారీ చేసినట్లు చెప్పారు. ఇతర రాష్ట్రాల నుంచి అగ్నిమాపక యంత్రాలను తెప్పిస్తున్నామని తెలిపారు.

చెప్పినట్టుగానే వరద బాధితుల కోసం వైద్య శిబిరాలను ఏర్పాటు చేశాం. ఆ ప్రాంతాలకు ఉచిత బస్సు రవాణా సౌకర్యాన్ని కల్పించాం. కూరగాయలన్నీ రూ.2, రూ.5, రూ.10కే అందిస్తాం. ఒక్కో ఇంటికి 25 కిలోల బియ్యం, లీటర్‌ పామాయిల్‌, కిలో పప్పు ఇస్తున్నాం. బాధితుల అవసరాలు తీర్చేందుకు శక్తిమేర కృషి చేస్తున్నామని చెప్పారు బాబు. 20కి పైగా సెల్ ఫోన్ టవర్లు పని చేసేటట్టు ప్రయత్నిస్తున్నామని చెప్పారు.

వరదలకు కారణం గత ప్రభుత్వమే..

ప్రజలు ఇబ్బందులు పడుతుంటే రాజకీయాలు చేస్తున్నారని ముఖ్యమంత్రి చంద్రబాబు ఆగ్రహం వ్యక్తం చేశారు. ఇప్పుడు వరదలు రావడానికి వైసీపీ ప్రభుత్వమే కారణమని మండిపడ్డారు. వాళ్ళు అధికారంలో ఉన్నప్పుడే మూడు వంతెనలను పూర్తి చేసి ఉంటే ఈ రోజు ఇలా జరిగి ఉండేది కాదని ఆయన అన్నారు. అప్పుడు గండ్లు పూడ్చి ఉంటే ఇప్పుడు బుడమేరు పొంగేది కాదని అన్నారు. అప్పట్లో బుడమేరు కాల్వ అభివృద్ధి పనులను చేపట్టి.. నిధులు కేటాయిస్తే.. దాన్ని నిలిపివేసింది వైసీపీ. తప్పు చేసి.. ఎదురు విమర్శలు చేయాలనుకునే వాళ్ల ఆటలు చెల్లవు అని ఆయన హెచ్చరించారు. వారు చేసిన తప్పుల కారణంగా 1.40 లక్షల ఇళ్లల్లోకి నీరొచ్చింది. ఇప్పుడు ఆ తప్పులను పూడ్చడానికే తాము ప్రయత్నం చేస్తున్నామని చెప్పారు చంద్రబాబు. 15 లక్షల క్యూసెక్కుల నీరు డిశ్చార్జ్‌ చేయడానికి వీలుగా ప్రకాశం బ్యారేజీని బలోపేతం చేస్తున్నాం. బుడమేరు గండ్లు పూడ్చేందుకు ఆర్మీని రప్పిస్తున్నామని చంద్రబాబు తెలిపారు.

Also Read: Telangana: జైనూర్ ఘటనపై కేంద్ర హోంశాఖ సహాయ మంత్రి బండి సంజయ్ ఫైర్

Andhra Pradesh: 14 రోజుల్లో ఆ పని పరిష్కరించాలి: సీఎం చంద్రబాబు

Published on by

‘వాహనదారుల క్లెయిమ్స్14 రోజుల్లో పరిష్కరించాలి.. ఆన్‌లైన్ విధానం ద్వారా త్వరతగతిన అవసరమైన ప్రక్రియ పూర్తిచెయ్యాలి..’ బీమా కంపెనీలకు సీఎం చంద్రబాబు చెప్పిన మాటలివి..! వరద బురదలో చిక్కుకున్న వాహనాలకు బీమా వర్తింపచేయాలని చంద్రబాబు కోరుతున్నారు. ఉమ్మడి కృష్ణాజిల్లా వ్యాప్తంగా కురిసిన భారీ వర్షాలకు చాలా వాహనాలు ఘోరంగా దెబ్బతిన్నాయి. అసలు చాలా బైకులు, కార్లు పూర్తిగా పనికిరాకుండా పోయాయి. దీంతో వాహన యజమానులు లబోదిబోమంటున్నారు. పరిస్థితిని అర్థం చేసుకున్న చంద్రబాబు బీమా కంపెనీలతో మాట్లాడి కీలక సూచనలు చేశారు.

రుణాలు ఇవ్వాలి

వరదల కారణంగా చాలా చోట్ల బైక్‌లు, కార్లు నీటమునిగాయి. ఇళ్లల్లోని టీవీలు, ఫ్రిడ్జ్‌లు, ఏసీలు కూడా పాడైపోయాయి. ఇలాంటి పరిస్థితుల్లో బ్యాంకర్లు నిబంధనలు సరళతరం చేసి ప్రజలకు రుణాలు ఇవ్వాలని చంద్రబాబు సూచించారు. అలాగే ఇన్సూరెన్స్ కంపెనీలు 10 రోజుల్లో వాహన, ఇతర బీమాను సెటిల్ చెయ్యాలని చెప్పారు. అయితే చంద్రబాబు కోరింది అసలు సాధ్యమేనన్న ప్రశ్నలు వినిపిస్తున్నాయి. బీమా కంపెనీలు చంద్రబాబు చెప్పినదానికి అంగీకరిస్తాయా అన్నదానిపై ఉత్కంఠ నెలకొంది. మరోవైపు చంద్రబాబు కోరింది సాధ్యంకాదని కొందరు చెబుతుండగా.. మరికొందరు మాత్రం సాధ్యమేనంటున్నారు. ఇంతకీ ఏది కరెక్ట్? వాహన బిమా పాలసీలు ఏం చెబుతున్నాయి?

భారతీయ వాహనాల చట్టం ప్రకారం రోడ్డుపై ప్రతీ వెహికల్‌కు బీమా ఉండాల్సిందే. కనీసం థర్డ్‌ పార్టీ ఇన్సూరెన్స్‌ తప్పనిసరి. అయితే విస్త్రత బీమా ప్రయోజనాలు కల్పించేది సమగ్ర బైక్ బీమా. ప్రమాదం, దొంగతనం, వరదలు, ప్రకృతి వైపరీత్యాలు లాంటి వాటిని ఈ బీమా కవర్ చేస్తుంది. ఇక ప్రస్తుతం విజయవాడతో పాటు దాని చుట్టుపక్కల ప్రాంతాల్లో బైకులు పాడవడానికి ప్రధాన కారణం వరదలే. అంటే సమగ్ర బీమా కింద మేలు జరిగే అవకాశాలు ఉన్నాయి. అయితే చంద్రబాబు చెప్పిన 10 రోజుల్లో ఇన్సూరెన్స్‌ను క్లయిమ్‌ చేసుకునే ఛాన్స్ ఉందా అంటే తెలియని పరిస్థితి. ఇది సంబంధిత బీమా సంస్థలే చెప్పాల్సి ఉంటుంది.

అలా చేయడం నేరం

బీమా లేకుండా కారు డ్రైవింగ్ చేయడం నేరం. దీనికి జరిమానాతో పాటు జైలు శిక్ష కూడా పడుతుంది. దొంగతనం, ప్రకృతి వైపరీత్యాలతో పాటు ప్రమాదంలో చిక్కుకున్న ఇరువర్గాలకు జరిగే నష్టాన్ని సమగ్ర బీమా కవర్ చేస్తుంది. ఇటు విజయవాడ వరదల్లో చాలా కార్లు పాడైపోయాయి. అసలు కొన్ని కార్లు మట్టిలో కూరుకుపోయాయి. వాటిని భారీ మెషీన్ల సాయంతో బయటకు తియ్యాల్సి వచ్చింది. కారు రిపైర్‌కు వేల రూపాయలు ఖర్చు అవుతోంది. పైగా వ్యాపారస్తులు ప్రస్తుత ప్రకృతి విలయాన్ని క్యాష్‌ చేసుకునే పనిలో ఉన్నారు. దీంతో కారు యజమానులకు తడిసి మోపెడవుతోంది.

ఓవైపు వరదలతో ఇళ్లు గుల్లవడం, ఇటు సొంత వాహనాలు ఘోరంగా దెబ్బతినడంతో ప్రజల బాధ వర్ణాణతీతంగా మారింది. దీంతో నేరుగా సీఎం చంద్రబాబు ఈ సమస్యపై దృష్టి పెట్టారు. బీమా కంపెనీలతో మాట్లాడారు. అయితే చంద్రబాబు కోరినట్టుగా 10 రోజుల్లో పాలసీని క్లయిమ్‌ చేసి ప్రజలను కంపెనీలు ఆదుకుంటాయా అనేది చూడాల్సి ఉంది. ఒకవేళ పెద్ద మనసు చేసుకోని ముందుకొస్తే అది చాలా గొప్ప విషయమే అవుతుంది. ఇక అంతకంటే ముందు అసలు చంద్రబాబు కోరింది సాధ్యమా? ఒక వేళ సాధ్యమైతే బీమా పొందేందుకు కొత్తగా పెట్టే నిబంధనలేంటివి లాంటివి కంపెనీలు ప్రకటించాల్సి ఉంది.

Andhra Pradesh: ఏపీలో వరద బీభత్సం.. సీఎం చంద్రబాబు కీలక ఆదేశాలు

Published on by

ఏపీలో భారీ వర్షాల వల్ల వరదలు ముంచెత్తిన నేపథ్యంలో కేంద్ర హోం మంత్రితో సీఎం చంద్రబాబు మాట్లాడారు. ఆ తర్వాత కేంద్ర హోం సెక్రటరీతో కూడా మాట్లాడారు. వరద ప్రాంతాల్లో సహాయక చర్యల కోసం అత్యవసరంగా పవర్‌ బోట్లు రాష్ట్రానికి తెప్పించే అంశంపై చర్చించారు. 6 ఎన్డీఆర్ఎఫ్‌ బృందాలను ఇతర రాష్ట్రాల నుంచి తక్షణమే ఏపీకి పంపుతున్నట్లు హోం సెక్రటరీ తెలిపారు. ఒక్కో ఎన్డీఆర్‌ఎఫ్‌ బృందంలో 25 మంది సిబ్బంది ఉంటారని తెలిపారు. ఒక్కో టీమ్‌కు నాలుగు పవర్‌ బోట్లు ఉంటాయని.. మొత్తం 40 పవర్‌ బోట్లను సోమవారం ఉదయం లోపు విజయవాడకు చేరుకుంటాయని హోం సెక్రటరీ స్పష్టం చేశారు.

Also Read: ముంచెత్తిన వరద.. RTV ఎక్స్‌క్లూజివ్‌ డ్రోన్ విజువల్స్‌

అలాగే వాయు మార్గంలో మరో నాలుగు ఎన్డీఆర్‌ఎఫ్‌ టీమ్‌లను రేపు రాష్ట్రానికి పంపుతున్నట్లు పేర్కొన్నారు. అలాగే సహాయక చర్యల కోసం 6 హెలికాఫ్టర్లను పంపుతున్నామని.. రేపటి నుంచి సహాయక చర్యల్లో హెలికాఫ్టర్లు పాల్గొంటాయని చెప్పారు. ఇదిలాఉండగా.. ఆదివారం వరద ప్రాంతాల్లో పర్యటించిన తర్వాత సీఎం చంద్రబాబు నాయుడు కలక్టరేట్‌లో ఉన్నతాధికారులతో సమీక్షించారు. విజవాడలోని బుడమేరు వరద బాధితులను ఆదుకోవాలని స్పష్టం చేశారు. క్షేత్రస్థాయిలో తీవ్రత చెప్పడంలో అధికారులు విఫలమయ్యారని సీఎం ఆగ్రహం వ్యక్తం చేశారు. వరద బాధిత ప్రాంతాలకు ఆహారం, తాగునీరు, కొవ్వొత్తులు, టార్చ్‌లైట్లు వెంటనే తెప్పించాలని ఆదేశించారు. లక్షల మందికి సరిపోయే ఆహారం సరఫరా చేయాలన్నారు. ఇతర ప్రాంతాల నుంచి అదనపు బోట్లు, ట్రాక్టర్లను తక్షణమే తెప్పించాలని ఆదేశాలు జారీ చేశారు.

Also read: నీట మునిగిన థర్మల్ పవర్‌ స్టేషన్‌.. రంగంలోకి దిగిన చంద్రబాబు!