Karnataka: కర్ణాటకలో దారుణం.. కుమారుడు అల్లరి చేస్తున్నాడని ఓ తల్లి ఇనుప కడ్డీతో..

కర్ణాటకలోని ఓల్డ్ హుబ్బళీ టౌన్‌లోని ఓ నివాసంలో అమానవీయ ఘటన చోటు చేసుకుంది. తల్లి చేతుల్లోనే ఓ చిన్నారి బాధితుడిగా మారిన ఈ విషాదకథ ప్రతి ఒక్కరి మనసును కలిచివేస్తోంది. అనుష హులిమర అనే మహిళ తన కుమారుడి అల్లరి తట్టుకోలేక.. అతని ప్రవర్తనపై తీవ్ర కోపంతో చేతులు, కాళ్లు, మెడపై ఇనుప కడ్డీని కాల్చి వాతలు పెట్టింది. ఒక తల్లి నుంచి ఇంతటి ప్రవర్తన ఊహించలేని విషయం. అమ్మ ప్రేమ అనేది ప్రతి ఒక్కరిని కాపాడే రక్షణ అని భావించే సమాజంలో ఆ ప్రేమే శిక్షగా మారడం విచారకరం.

Also Read :  భీకర దాడి.. ఇజ్రాయెల్‌ను చావుదెబ్బకొట్టిన ఇరాన్..

అమ్మ చేసిన పనికి అయ్యో బిడ్డా..

ఈ హింసాత్మక సంఘటన సమయంలో బాలుడి అరుపులు చుట్టుపక్కల ఉన్న వారు చూశారు. తల్లిదండ్రుల తీరుపై ఎప్పుడూ జోక్యం చేసుకోనివారు కూడా ఈసారి ఉపేక్షించలేకపోయారు. వెంటనే ఇంట్లోకి ప్రవేశించి బాలుడిని రక్షించారు. తరువాత స్థానికులు పోలీసులకు సమాచారం ఇవ్వడంతో.. పోలీసులు ఘటనా స్థలానికి చేరుకొని అనుష హులిమర్‌ను అదుపులోకి తీసుకున్నారు. బాలుడికి గాయాలుగా మిగిలిన ఈ సంఘటనపై కేసు నమోదు చేసి దర్యాప్తును ప్రారంభించారు. బాలుడి గాయాలు చూసిన వారు కన్నీరు మున్నీరయ్యారు. 

ఇది కూడా చదవండి:  ప్రతిరోజూ మెంతి పరాఠా తినండి. ఈ వ్యాధులు దూరమవుతాయ్..!

అమ్మే నన్ను కాల్చింది అంటూ బాలుడు చెప్పిన మాటలు స్థానిక   ప్రేక్షకులను కన్నీటి పర్యంతం చేశాయి. బాలుడికి తగిన వైద్యం అందించేందుకు బాలల సంక్షేమ శాఖ అధికారులు రంగంలోకి దిగారు. మానవత్వాన్ని ప్రశ్నించే ఈ ఘటనపై పిల్లల హక్కుల పరిరక్షణ కోసం పోరాటం చేస్తున్న సంస్థలు స్పందించాయి. పిల్లలపై హింసకు తల్లిదండ్రులే కారణమవుతుండటం దురదృష్టకరం. అనుష తన కొడుకును ప్రేమతో మార్చేందుకు ప్రయత్నించాల్సిన సమయంలో.. భయంతో మలచాలనుకుంది. ఇది తల్లితనానికి మచ్చ. ఇలాంటి సంఘటనలు మానవత్వాన్ని మసకబార్చడమే కాదు, సమాజం ఎదుగుదలపై ప్రతికూల ప్రభావం చూపుతాయి.

ఇది కూడా చదవండి: కన్నప్ప టీంపై హైకోర్టు సీరియస్.. కీలక ఆదేశాలు!

Also Read :  TCS సంచలన నిర్ణయం.. బెంచ్‌పై ఇక 35 రోజులే

(karnataka | crime news | Latest News | telugu-news | crime | crime news in telugu | crime news telugu | crime news today)