RBI: పదేళ్ల పిల్లలకూ బ్యాంక్ అకౌంట్లు..ఆర్బీఐ అనుమతి

మీ పిల్లలకు పదేళ్లు ఉన్నాయా...అయితే ఇక మీదట హ్యాపీగా బ్యాంక్ అకౌంట్లు ఓపెన్ చేసుకోవచ్చును. 10 ఏళ్లు పైబడిన మైనర్లు బ్యాంక్‌ ఖాతాలు స్వయంగా ఆపరేట్‌ చేసుకునేందుకు ఆర్‌బీఐ అనుమతించింది. దాంతో పాటూ తల్లిని సంరక్షకురాలుగా పెట్టుకుని ఖాతాలు తెరిచేందుకు కూడా అనుమతించింది. అయితే దీనికి సంబంధించిన నిబంధనలు, ఖాతాలో నిల్వ మొత్తాన్ని రిస్క్ ఫ్యాక్టర్ ను దృష్టిలో పెట్టుకుని బ్యాంకులు నిర్వహించవచ్చని ఆర్బీఐ తెలిపింది. దీనికి సంబంధించిన నియమ నిబంధలన్నింటీని తప్పనిసరిగా ఖాతాదారులకు తెలియజేయాలని అంది. మైనారిటీ తీరిన అనంతరం ఖాతాదారు వద్ద తాజాగా నమూనా సంతకాలు తీసుకుని రికార్డుల్లో భద్రపరచాలని తెలిపింది. మైనర్ల ఖాతాలపై ఇంటర్నెట్‌ బ్యాంకింగ్‌, ఏటీఎం/డెబిట్‌ కార్డు, చెక్‌ బుక్‌ లాంటి అదనపు సదుపాయాలు కల్పించే విషయంలో నిర్ణయాధికారం బ్యాంకులదేనని ఆర్బీఐ చెప్పింది. 

Also Read :  కేవలం రూ.300 వందలకే ఇంటింటికీ ఇంటర్నెట్.. రేవంత్ సర్కార్ అదిరిపోయే శుభవార్త!

Also Read: మావోయిస్టు అగ్రనేత హతం.. వివేక్‌ను మట్టుబెట్టిన భధ్రతాబలగాలు!

బ్యాంకుల కంట్రోల్ లోనే ఖాతాలు..

అయితే మైనర్ల ఖాతాల మీద బ్యాంకులు ఎప్పుడూ కంట్రోల్ ఉండేలా చూసుకోవాలని ఆర్బీఐ సూచించింది. వారి ఖాతాల్లో కనీస నిల్వ తగినంతగా ఉండేలా చూడాలని...ఎప్పుడూ ఓవర్ డ్రా చేయకుండా అప్రమత్తంగా ఉండాలని సూచించింది. ఓవర్ డ్రా చేయడానికి అనుమతి ఇవ్వకూడదని తెలిపింది. పదేళ్ల వయసు మించిన పిల్లల పేరుమీద సేవింగ్స్‌/ టర్మ్‌ డిపాజిట్‌ ఖాతా ఇప్పటికే ఉన్నట్లయితే.. ఆ ఖాతాలో ఉన్న సంతకాన్ని, మిగతా  వివరాలను మళ్లీ ఇవ్వాల్పి ఉంటుంది. జూలై 1 నుంచి ఈ రూల్స్ ను అమలు చేయాలని బ్యాంకులను ఆర్బీఐ ఆదేశించింది. 

today-latest-news-in-telugu | rbi | bank-account | minors | national news in Telugu

Also Read: Ind: వాణిజ్యం, టెక్నాలజీ..జేడీ వాన్స్ తో ప్రధాని మోదీ చర్చించిన అంశాలివే..

Also Read: కర్ణాటక డీజీపీ హత్య కేసులో బిగ్ ట్విస్ట్.. తండ్రి హత్యకు సహకరించిన కూతురు?