Facial: చర్మ రకాన్ని బట్టి ఏ ఫేషియల్ సరైనదో ఇలా తెలుసుకోండి

Facial: విశేష సందర్భాల సమయంలో ప్రకాశవంతమైన, ఆరోగ్యమైన చర్మం కోసం ప్రతి ఒక్కరూ ఎదురు చూస్తారు. దీని కోసం చాలామంది ఖరీదైన ఉత్పత్తులను వినియోగిస్తారు, ఇంటి చిట్కాలను పాటిస్తారు. అయినా కూడా ముఖ్యమైన వేడుకల ముందు ఫేషియల్ చేయించుకోవడం చాలా మందికి తప్పనిసరి అనిపిస్తుంది. ఇది కేవలం తాత్కాలిక మెరుపు కోసం మాత్రమే కాకుండా చర్మానికి సమగ్ర సంరక్షణను అందించడంలో ముఖ్య పాత్ర పోషిస్తుంది. ఫేషియల్స్ ద్వారా ముఖంపై ఉన్న మురికి, ధూళి, చనిపోయిన చర్మ కణాలు తొలగిపోతాయి. ఫేషియల్ చేసే ప్రక్రియలో మృదువైన మసాజ్ ఉండడం వల్ల రక్తప్రసరణ మెరుగవుతుంది.

Also Read :  అమెరికా వెళ్లడం కష్టమే.. నిజం చెప్పినా వీసా రావట్లేదు

జిడ్డు చర్మం కలవారికి..

ఫలితంగా చర్మానికి ప్రకాశం వస్తుంది. అలాగే, బ్లాక్ హెడ్స్, వైట్ హెడ్స్ తగ్గే అవకాశం ఉంటుంది. ఈ మసాజ్ ఒత్తిడిని కూడా తగ్గిస్తుంది, ఇది శరీరం మాత్రమే కాకుండా మనసుకూ విశ్రాంతిని ఇస్తుంది. అయితే ప్రతి ఒక్కరి చర్మం వేరు కాబట్టి, ఒకే రకమైన ఫేషియల్ అందరికీ సరిపోదు. చర్మ రకాన్ని బట్టి ఫేషియల్‌ను ఎంచుకోవడం అత్యంత అవసరం. ఉదాహరణకు పొడి చర్మం ఉన్నవారు గోల్డ్, ఫ్రూట్ లేదా వైన్ ఫేషియల్స్ చేయించుకోవడం మంచిది. ఇవి చర్మాన్ని మృదువుగా, హైడ్రేట్‌గా ఉంచుతాయి. జిడ్డు చర్మం కలవారికి వెండి, వజ్రం, లేదా ప్లాటినం ఫేషియల్స్ అనుకూలంగా ఉంటాయి. ఇవి చర్మంలోని తైలాన్ని సమతుల్యంగా ఉంచడంలో సహాయపడతాయి. 

ఇది కూడా చదవండి: డయాబెటిస్ రోగులు చెరకు రసం తాగవచ్చా?

టానింగ్ సమస్యను ఎదుర్కొంటున్నవారికి బొప్పాయి ఫేషియల్, యాంటీ-టానింగ్ ఫేషియల్స్ బాగా సహాయపడతాయి. ఇవి అన్ని రకాల చర్మాలకు తగినవిగా ఉంటాయి. ఇక మొటిమలతో బాధపడే వారైతే సున్నితమైన ఫేషియల్స్‌ను లేదా మెడికేటెడ్‌ ఫేషియల్స్‌ను ఎంచుకోవడం ఉత్తమం. మొత్తం మీద ఫేషియల్స్‌ అనేవి కేవలం చర్మ అందాన్ని పెంచడమే కాకుండా, దీర్ఘకాలికంగా చర్మ ఆరోగ్యాన్ని మెరుగుపరచడంలో కీలక పాత్ర పోషిస్తాయి. మీరు ఏ ఫేషియల్ చేయించుకోవాలో నిర్ణయించుకునే ముందు మీ చర్మ రకాన్ని అర్థం చేసుకోవడం, అవసరమైతే నిపుణుడిని సంప్రదించడం మంచిది. అప్పుడు మాత్రమే మీ చర్మం కోసం సరైన సంరక్షణను అందించగలుగుతారని నిపుణులు చెబుతున్నారు.

Also Read :  కోనోకార్పస్ మొక్కల తొలగింపు.. GHMC కీలక ఆదేశాలు!

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: మంచం మీద కూర్చొని ఆహారం తింటే ఏమౌతుంది?

( latest-news | health-tips | best-health-tips | health tips in telugu | latest health tips )