Pet Dogs: పెంపుడు కుక్క వెనుక ఇన్ని ఆరోగ్య రహస్యాలా! సర్వేలో షాకింగ్ విషయాలు

ఆధునిక భారతీయ సమాజంలో పెంపుడు జంతువులు కేవలం ఇంట్లో ఉండే జీవులు మాత్రమే కాదు, అవి మన ఆరోగ్యం, నిద్ర, స్క్రీన్ టైం వంటి అనేక విషయాలపై సానుకూల ప్రభావం చూపుతున్నాయి. ఇటీవల మార్స్ పెట్‌కేర్,  ప్రముఖ మెడిటేషన్ యాప్ Calm సంయుక్తంగా నిర్వహించిన ఒక అంతర్జాతీయ సర్వే ఈ విషయాన్ని స్పష్టం చేసింది.

మారిన జీవనశైలి, పెరుగుతున్న ఒత్తిడితో చాలా మంది భారతీయులు మానసిక ప్రశాంతతను కోల్పోతున్నారు. ఇలాంటి సమయంలో పెంపుడు జంతువులు స్నేహితులుగా, మెంటల్ సపోర్ట్ గా  నిలుస్తున్నాయని ఈ సర్వేలో తేలింది. 20 దేశాల్లో 31,000 మందిపై నిర్వహించిన ఈ సర్వేలో, భారతదేశానికి చెందిన 1000 మంది పెంపుడు జంతువుల యజమానుల అభిప్రాయాలు వెల్లడయ్యాయి.

Also Read :  గుంటనక్క టర్కీపై భారత్ రివేంజ్.. ఆ దేశంపైకి మన మిస్సైళ్లు!

పెంపుడు జంతువుల వల్ల కలిగే ప్రయోజనాలు

తగ్గిన స్క్రీన్ టైం

సర్వేలో పాల్గొన్న 92% మంది భారతీయులు తమ స్క్రీన్ టైం తగ్గిందని చెప్పారు. అంటే, పెంపుడు జంతువులతో ఆడుకోవడం, వాటితో గడపడం వల్ల మొబైల్ ఫోన్లు, టీవీలు వంటి వాటిపై ఆధారపడటం తగ్గిందని అర్థం.

మెరుగైన నిద్ర

79% మంది భారతీయులు పెంపుడు జంతువుల వల్ల నిద్ర బాగా పడుతుందని వెల్లడించారు. అమెరికాలో ఈ సంఖ్య కేవలం 55% మాత్రమే ఉండటం గమనార్హం. పెంపుడు జంతువుల పక్కన ఉండటం వల్ల కలిగే ప్రశాంతత, భద్రతా భావం మంచి నిద్రకు దోహదపడతాయని నిపుణులు అంటున్నారు.

Also Read :  మామిడి రైతులకు అన్యాయం... ప్రభుత్వాన్ని నిద్రలేపేందుకే వచ్చా.. జగన్‌ కీలక వ్యాఖ్యలు

ఒత్తిడి తగ్గింపు, మానసిక ప్రశాంతత

82% మంది పెంపుడు జంతువులతో మాట్లాడటం ద్వారా విశ్రాంతి పొందుతున్నామని, ఒంటరితనం తగ్గిందని పేర్కొన్నారు. 93% మంది రోజువారీ పనుల మధ్య విరామం తీసుకోవడానికి పెంపుడు జంతువులే స్ఫూర్తిని ఇస్తున్నాయని చెప్పారు. మరో  61 శాతం మంది తమ పెంపుడు జంతువుల కారణంగానే బయటకు వెళ్లి  మనుషులతో కలిసే ప్రయత్నం చేస్తున్నామని తెలిపారు. 

Also Read :  ఇది మామూలు హైప్ కాదు.. పుష్పరాజ్ కి విలన్ గా ఆస్కార్ విజేత!

ఆలోచనల్లో ప్రశాంతత 

88% మంది తమ ఆలోచనల్లో ఆవేశం తగ్గిందని, 76% మంది ప్రస్తుత క్షణాలను ఆస్వాదించగలుగుతున్నామని చెప్పారు. పెంపుడు జంతువులతో గడపడం వల్ల మనుషులలో ఆందోళన, కుంగుబాటు తగ్గుతాయని, మానసిక ఆరోగ్యం మెరుగుపడుతుందని అనేక అధ్యయనాలు చెబుతున్నాయి.

బాధ్యతాయుతమైన జీవనం

పెంపుడు జంతువులను పెంచుకోవడం వల్ల వాటికి ఆహారం అందించడం, శుభ్రం చేయడం, వ్యాయామం చేయించడం వంటి బాధ్యతలు పెరుగుతాయి. ఇది మనుషులలో క్రమశిక్షణ, బాధ్యతాయుతమైన జీవనాన్ని అలవాటు చేస్తుంది. ఈ సర్వే ఫలితాలు పెంపుడు జంతువులు కేవలం సరదా కోసమే కాకుండా, మానవుల శారీరక, మానసిక శ్రేయస్సులో కీలక పాత్ర పోషిస్తున్నాయని స్పష్టం చేస్తున్నాయి. 

Also Read :  ఢిల్లీకి రాజాసింగ్.. రాజీనామా ఎపిసోడ్ లో ఊహించని ట్విస్ట్!

pet-dogs | latest-telugu-news | today-news-in-telugu | healthy life style | daily-life-style | human-life-style