BIG BREAKING: ఢిల్లీకి రాజాసింగ్.. రాజీనామా ఎపిసోడ్ లో ఊహించని ట్విస్ట్!

ఇటీవల బీజేపీకి రాజీనామా చేసిన ఎమ్మెల్యే రాజాసింగ్ ఢిల్లీలో మకాం వేయడం చర్చనీయాంశమైంది. కొందరు సీనియర్లు పార్టీని ఎదగనివ్వడం లేదని ఆయన ఇటీవల ఆరోపించారు. ఈ నేపథ్యంలో రాష్ట్ర పార్టీ నేతల పై కంప్లైంట్ చేసేందుకే రాజాసింగ్ ఢిల్లీ వెళ్లాడన్న ప్రచారం సాగుతోంది. ముఖ్యంగా కిషన్ రెడ్డి తో పాటు మరో ఇద్దరు ముగ్గురు సీనియర్ల మీద ఆయన హైకమాండ్ కు ఫిర్యాదు చేసే అవకాశం ఉందని తెలుస్తోంది. పార్టీ తెలంగాణ చీఫ్‌ గా రాంచందర్ రావును నియమించిన నాడే రాజాసింగ్ రాజీనామాను ప్రకటించారు. రాజీనామా లేఖను నాటి బీజేపీ చీఫ్‌ అయిన కిషన్ రెడ్డికి అందించారు. ఆ లేఖను రాష్ట్ర పార్టీ ఇప్పటికే హైకమాండ్ కు పంపించింది.

ఇది కూడా చదవండి: Karnataka: కర్ణాటకలో సీఎం మార్పు.. క్లారిటీ ఇచ్చిన డీకే శివకుమార్‌

అయితే.. ఆయన రాజీనామా ఆమోదంపై హైకమాండ్ ఇంకా నిర్ణయం తీసుకోలేదు. దీంతో రాజాసింగ్ రాజీనామాను కమలం పార్టీ పెద్దలు ఆమోదిస్తారా? లేక ఆమోదించరా? అన్న అంశంపై జోరుగా చర్చ సాగుతోంది. ఈ నేపథ్యంలో ఢిల్లీ వెళ్లిన రాజాసింగ్.. హైకమాండ్ కు తన రాజీనామాకు దారి తీసిన పరిస్థితులను వివరించనున్నట్లు తెలుస్తోంది. హస్తిన పర్యటన పూర్తయిన తర్వాత రాజాసింగ్ అమర్నాథ్ యాత్రకు వెళ్లనున్నట్లు సన్నిహితులు చెబుతున్నారు.
ఇది కూడా చదవండి:Fatima Owaisi College - Hydra: అందుకే ఒవైసీ కాలేజీ కూల్చడం లేదు.. ఏవీ రంగనాథ్ సంచలన కామెంట్స్!