Morning Diet: ఉదయం ఖాళీ కడుపుతో ఏం తింటే మంచిదో తెలుసా...?

ఉదయం తినే ఆహారం రోజు మొత్తం ఆరోగ్యం, శక్తి, జీర్ణక్రియను ప్రభావితం చేస్తుంది. ముఖ్యంగా చాలా మంది ఉదయాన్నే గ్యాస్, ఎసిడిటీ, అజీర్ణం వంటి సమస్యలతో బాధపడుతుంటారు. దీనికి కారణం పరగడుపున కాఫీ, టీ, పుల్లటి పండ్లు లేదా నూనె పదార్థాలు తినడమే. ఉదయం నిద్ర లేచిన తర్వాత జీర్ణక్రియ నెమ్మదిగా ఉంటుంది కాబట్టి తేలికపాటి, ఆరోగ్యకరమైన ఆహారం తీసుకోవడం చాలా ముఖ్యం. పరగడుపున గ్యాస్ రాకుండా నిరోధించే కొన్ని ఉత్తమ ఆహారాలు ఇక్కడ ఉన్నాయి. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

పరగడుపున తీసుకోవాల్సిన ఆహారాలు:

గోరువెచ్చని నీరు లేదా నిమ్మరసం: ఉదయం లేవగానే ఒక గ్లాసు గోరువెచ్చని నీరు తాగితే కడుపులోని విషపదార్థాలు (Toxins) బయటకు పోతాయి. కొద్దిగా నిమ్మరసం కలిపితే మెటబాలిజం పెరుగుతుంది. ఇది జీర్ణవ్యవస్థను చురుకుగా ఉంచుతుంది.

ఓట్స్ లేదా గంజి: పరగడుపున నూనె లేదా భారీ ఆహారాలు తినకుండా.. ఫైబర్ ఎక్కువగా ఉండే ఓట్స్ లేదా గంజిని తీసుకోవడం ఉత్తమం. ఇవి నెమ్మదిగా జీర్ణమవుతాయి. ఎక్కువసేపు కడుపు నిండుగా ఉంచుతాయి. ఎసిడిటీని తగ్గిస్తాయి.

పండ్లు:తేలికగా జీర్ణమయ్యే అరటిపండ్లు, ఆపిల్ లేదా బొప్పాయి వంటి పండ్లు పొట్టను శాంతపరుస్తాయి. వీటిలోని ఫైబర్,  సహజ చక్కెరలు కడుపుపై ఎక్కువ భారం పడకుండా రోజంతా శక్తిని అందిస్తాయి.

ఇది కూడా చదవండి: ఈ 5 ఫుడ్ ఐటెమ్స్ కుక్కర్‌లో ఉడికిస్తే డేంజర్.. విషంతో సమానం.. లిస్ట్ ఇదే!

నానబెట్టిన డ్రై ఫ్రూట్స్: రాత్రంతా నానబెట్టిన బాదం, ఎండుద్రాక్ష లేదా వాల్‌నట్‌లు ఉదయం పరగడుపున తినడానికి చాలా ప్రయోజనకరం. ఇవి జీర్ణక్రియకు సహాయపడటంతోపాటు ఆరోగ్యకరమైన కొవ్వులు, విటమిన్లు, మినరల్స్‌ను అందించి రోగనిరోధక శక్తిని పెంచుతాయి.

కొబ్బరి నీరు:కొబ్బరి నీరు శరీరానికి తక్షణమే తేమను అందించి.. ఎలక్ట్రోలైట్లను భర్తీ చేస్తుంది. ఇది గ్యాస్ లేదా ఎసిడిటీని తగ్గించడంలో అద్భుతంగా పనిచేస్తుంది. ఉదయం తేలికగా, ఆరోగ్యంగా ఉండేందుకు అల్పాహారంలో ఓట్స్, గంజి, తేలికపాటి పోహా వంటివి చేర్చుకోవాలి. వీటితోపాటు నానబెట్టిన డ్రై ఫ్రూట్స్, ఉడికించిన గుడ్డు, మొలకలు తీసుకుంటే రోజంతా శక్తివంతంగా ఉండవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.
 
ఇది కూడా చదవండి: ఇంట్లో పసుపు కందిరీగ గూళ్లతో ఇబ్బందిగా ఉందా..? ఖరీదైన స్ప్రేలు అవసరం లేకుండా సులభమైన ఇంటి చిట్కాలు