Beetroot juice: బీట్‌రూట్ జ్యూస్ అని తీసి పారేయకండి..15 రోజులు వరుసగా తాగితే అద్భుతమైన ప్రయోజనాలు లభిస్తాయి!!

వంటగది కేవలం వంట చేయడానికి మాత్రమే కాదు.. ఆరోగ్యాన్ని కాపాడే అద్భుతమైన పదార్థాలకు నిలయం. అటువంటి వాటిలో ఒకటి బీట్‌రూట్ (Beetroot). బీట్‌రూట్ ఆరోగ్యానికి చాలా మంచిదని చెబుతారు. అంతేకాకుండా బీట్‌రూట్ జ్యూస్‌ను వరుసగా 15 రోజుల పాటు తాగితే ముఖం కాంతివంతంగా మారుతుంది. గుండె, మెదడు ఆరోగ్యంగా, దృఢంగా ఉంటాయి. ఆయుర్వేదం నిపుణుల అభిప్రాయం ప్రకారం.. బీట్‌రూట్‌ను ఆహారంలో వివిధ మార్గాల్లో చేర్చుకోవచ్చు. కేవలం 15 రోజుల పాటు బీట్‌రూట్ జ్యూస్ తాగడం వల్ల శరీరానికి అనేక ప్రయోజనాలు లభిస్తాయి. బీట్‌రూట్‌లో మెగ్నీషియం, పొటాషియం, ఐరన్, ఫోలేట్, విటమిన్ B6, విటమిన్ C వంటి అనేక పోషకాలు పుష్కలంగా ఉంటాయని తెలుపుతున్నారు. బీట్‌రూట్ జ్యూస్ 15 రోజులు తాగితే 3 రకాల వారికి ఎలాంటి అద్భుతమైన లాభాలు వస్తాయో కొన్ని విషయాలు ఈ ఆర్టికల్‌లో తెలుసుకుందాం.

బీట్‌రూట్ జ్యూస్ 15 రోజులు తాగితే ఏమవుతుంది.. 

బీట్‌రూట్ జ్యూస్ తయారు చేయడం చాలా సులభం. ముందుగా బీట్‌రూట్‌లను శుభ్రంగా కడిగి తొక్క తీయాలి. బీట్‌రూట్‌లను చిన్న ముక్కలుగా కట్ చేసి జ్యూసర్ లేదా బ్లెండర్ జార్‌లో వేసి రసం తీయాలి. రసం చిక్కగా అనిపిస్తే.. అవసరానికి తగినంత నీరు కలపవచ్చు. రుచి కోసం నిమ్మరసం, కొద్దిగా పంచదార కూడా కలపవచ్చు. బీట్‌రూట్ జ్యూస్ తాగడం వలన చర్మానికి మాత్రమే కాకుండా.. మొత్తం ఆరోగ్యానికి కూడా ఎంతో మేలు జరుగుతుంది. దీనిని క్రమం తప్పకుండా తాగడం వలన కాలేయం (Liver) ఆరోగ్యం మెరుగుపడుతుంది, కాలేయ వాపు (Liver Inflammation) తగ్గుతుంది. అంతేకాకుండా అలసట ఉన్నవారికి (Low Energy Levels) బీట్‌రూట్ జ్యూస్ తాగడం వలన శరీరంలో శక్తి స్థాయిలు (Energy Levels) పెరుగుతాయి. ఎక్కువ అలసట లేదా శక్తి లోపంతో బాధపడేవారికి ఇది చాలా ప్రయోజనకరంగా ఉంటుంది.

 ఇది కూడా చదవండి: టీకి సరైన రుచి రావటం లేదా..? ఆరోగ్య రహస్యం ఎలా చేయాలో తెలుసుకోండి!!

తేజస్సు లేని చర్మం ఉన్నవారికి (Dull Skin) బీట్‌రూట్‌లో యాంటీ ఆక్సిడెంట్లు, విటమిన్ సి వంటి విటమిన్లు ఉంటాయి. వీటిని 15 రోజులు క్రమం తప్పకుండా తాగితే.. చర్మం ప్రకాశవంతంగా, మెరిసేలా మారుతుంది. ఇది చర్మానికి సహజ కాంతిని (Natural Glow) తిరిగి తీసుకురావడానికి సహాయపడుతుంది. అంతేకాకుండా గుండె ఆరోగ్యాన్ని కోరుకునేవారికి బీట్‌రూట్ బెస్ట్. రక్తపోటును నియంత్రించడంలో సహాయపడుతుంది. తద్వారా గుండె ఆరోగ్యం మెరుగుపడుతుంది, గుండె జబ్బుల ప్రమాదం తగ్గుతుంది. బీట్‌రూట్ జ్యూస్‌ను దినచర్యలో భాగం చేసుకోవడం ద్వారా ఈ అద్భుతమైన ఆరోగ్య ప్రయోజనాలను పొందవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: టీ లేదా కాఫీ తాగగానే విరోచనం అవుతుందా.. కారణమేంటో తెలుసుకోండి!!