Periods: అమ్మాయిలకు చిన్న వయసులోనే పీరియడ్స్ ఎందుకు వస్తాయి?

Periods: ఇటీవలకాలంలో చిన్న వయసులోనే అమ్మాయిలకు పీరియడ్స్ రావడం సాధారణంగా మారింది. గతంలో 12-14 సంవత్సరాల మధ్య అమ్మాయిలకు పీరియడ్స్ మొదలయ్యేవి. కానీ ఇప్పుడు 9-10 సంవత్సరాల వయసులోనే ఆ విషయం కనిపిస్తోంది. ఇది చూసిన తల్లిదండ్రులు ఆందోళన చెందుతున్నారు. అయితే ఇది తప్పనిసరిగా ఒక వ్యాధి కాదు, కానీ కారణాలు, పరిష్కారాల గురించి తెలుసుకోవడం అవసరం. ఇది ప్రధానంగా జీవనశైలి మార్పులు, ఆహారపు అలవాట్లు, మానసిక ఒత్తిడి, జన్యుపరమైన కారణాల వలన సంభవిస్తుంది. చిన్నారులు బయట తినే అలవాటు, జంక్ ఫుడ్, ప్రాసెస్డ్ ఫుడ్ మీద ఆసక్తి పెరగడం వలన శరీరంలోని హార్మోన్ల అసమతుల్యత ఏర్పడుతోంది. 

బాలికల్లో పీరియడ్స్..

అధిక బరువు, ఊబకాయం వంటి సమస్యలు చిన్న వయసులోనే హార్మోన్ల ఉత్పత్తిని పెంచుతూ పీరియడ్స్ త్వరగా రావడానికి దోహదపడుతున్నాయి. మరొక ప్రధాన కారణం మానసిక ఒత్తిడి. చదువులు, పోటీలు, ఇతర ఒత్తిడితో కూడిన జీవితం కూడా శరీరంలో హార్మోన్ల సమతుల్యతను దెబ్బతీయవచ్చు. అదే విధంగా ప్లాస్టిక్, రసాయనాలతో తయారైన వస్తువుల వాడకం, డయెట్, వ్యక్తిగత సంరక్షణలో ఉపయోగించే ఉత్పత్తుల వల్ల కూడా హార్మోన్ల అసమతుల్యత సంభవిస్తుంది. ఇది బాలికల్లో పీరియడ్స్ త్వరగా రావడానికి కారణమవుతుంది. ఇందులో జన్యుపరమైన అంశాలు కూడా ఉన్నాయని నిపుణులు అంటున్నారు. 

ఇది కూడా చదవండి: ఇంట్లో చిన్నపిల్లలు ఉంటే ఏసీ టెంపరేచర్‌ ఎంత ఉండాలి?

తల్లి లేదా అమ్మమ్మకు చిన్న వయసులోనే పీరియడ్స్ వచ్చినట్లయితే వారి కుమార్తెలకూ అదే సమస్య వచ్చే అవకాశం ఉంటుంది. 7-8 సంవత్సరాల వయసులో పీరియడ్స్ రావడం సాధారణం కాదు. ఇది ప్రీకోషియస్ పబర్టీగా పిలవబడే వైద్యపరమైన స్థితిని సూచించవచ్చు. ఇది ఎముకల అభివృద్ధిని, శరీర ఎదుగుదలపై ప్రభావం చూపవచ్చు. అలాంటి పరిస్థితుల్లో వైద్యుల సలహా తీసుకోవడం తప్పనిసరి. ఈ సమస్యను నివారించడానికి ఆరోగ్యకరమైన జీవనశైలి, ఇంటి భోజనం, తక్కువ ప్రాసెస్డ్ ఫుడ్ వినియోగం, మానసిక ఒత్తిడి తగ్గించడం ముఖ్యమైన మార్గాలు. ఆకుకూరలు, పండ్లు, ధాన్యాలు వంటి పోషక ఆహారంతో పిల్లల ఆహారాన్ని సమతుల్యం చేయాలి. తల్లిదండ్రుల అవగాహనతో ఈ సమస్యను నియంత్రించవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: అయ్యో బిడ్డలు.. తెలంగాణలో పెను విషాదం.. కారులో ఊపిరి ఆడక ఇద్దరు చిన్నారుల మృతి!

( irregular periods | periods-pain | early-periods | health-tips | health tips in telugu | latest health tips | best-health-tips | latest-news )