Bad Cholesterol: చెడు కొలెస్ట్రాల్ పెరిగిందా! కాళ్ళలో ఈ 5 లక్షణాలు ఉంటే నివారణ ఉపాయాలు తెలుసుకోండి

Bad Cholesterol: ఈ రోజుల్లో బిజీగా ఉండే జీవనశైలి.. పెరుగుతున్న ఒత్తిడి కారణంగా సమతుల్య ఆహారం, శారీరక శ్రమకు దూరంగా ఉన్నారు. దీని కారణంగా శరీరంలో చెడు కొలెస్ట్రాల్ స్థాయి పెరుగుతుంది. ఈ సమస్యను సకాలంలో పరిష్కరించకపోతే అది ప్రాణాంతకం కూడా కావచ్చు. చెడు కొలెస్ట్రాల్ అనేది కొవ్వు, ప్రోటీన్లతో కూడిన లిపోప్రొటీన్. దీనిలో కొలెస్ట్రాల్ పరిమాణం ఎక్కువ, ప్రోటీన్ పరిమాణం తక్కువగా ఉంటుంది. చెడు కొలెస్ట్రాల్‌ను తక్కువ సాంద్రత కలిగిన లిపోప్రొటీన్ అని కూడా అంటారు. ఇది ధమనుల గోడలపై పేరుకుపోయి వాటిని గట్టిపరుస్తుంది. ఇది అధిక రక్తపోటు సమస్యతో పాటు గుండె జబ్బులు, స్ట్రోక్ ప్రమాదాన్ని పెంచుతుంది. శరీరంలో చెడు కొలెస్ట్రాల్ స్థాయి పెరిగినప్పుడు ముఖంపైనే కాకుండా పాదాలలో కూడా కొన్ని ప్రత్యేక లక్షణాలు కనిపించడం ప్రారంభిస్తాయి. చెడు కొలెస్ట్రాల్ పెరిగినప్పుడు పాదాలలో ఏ లక్షణాలు కనిపిస్తాయో ఈ ఆర్టికల్‌లో కొన్ని విషయాలు తెలుసుకుందాం.

చెడు కొలెస్ట్రాల్ పెరిగినప్పుడు పాదాలలో కనిపించే లక్షణాలు:

• నడుస్తున్నప్పుడు, మెట్లు ఎక్కేటప్పుడు పాదాలు, దూడలు, తొడలు, పిరుదులలో నొప్పి, తిమ్మిరిని అనుభవిస్తే అది చెడు కొలెస్ట్రాల్ పెరిగినట్లు సూచిస్తుంది. ధమనులలో కొలెస్ట్రాల్ పేరుకుపోవడం వల్ల అవి కుంచించుకుపోతుంది. ఇది కండరాలకు ఆక్సిజన్ సరఫరాను తగ్గిస్తుంది. ఈ నొప్పి సాధారణంగా విశ్రాంతి తీసుకున్నప్పుడు తగ్గుతుంది.  
• చెడు కొలెస్ట్రాల్ పెరగడం వల్ల ధమనులు ఇరుకుగా మారి రక్త ప్రవాహం తగ్గుతుంది. దీనివల్ల శారీరక శ్రమ సమయంలో కాళ్లలో జలదరింపు లేదా తిమ్మిరి కలుగుతుంది.
• పాదాల చర్మం పాలిపోయినట్లు, నీలం రంగులో లేదా మెరుస్తూ కనిపించవచ్చు. అంతేకాకుండా చర్మం పలుచబడటం లేదా జుట్టు రాలడం కూడా చెడు కొలెస్ట్రాల్ పెరిగినట్లు సంకేతం కావచ్చు.
• శరీరంలో కొలెస్ట్రాల్ స్థాయి పెరగడం వల్ల రక్త ప్రసరణ బాగా ఉండదు. దీని కారణంగా పాదాలు ఇతర భాగాల కంటే చల్లగా ఉంటాయి. నడిచేటప్పుడు లేదా తర్వాత ఇది జరగవచ్చు. కొలెస్ట్రాల్ పెరగడం వల్ల ధమనులు చిన్నవిగా మారతాయి, రక్త ప్రవాహం పరిమితం అవుతుంది.
• శరీరంలో కొలెస్ట్రాల్ స్థాయి పెరిగినప్పుడు కాళ్ళ కండరాలు బలహీనంగా అనిపించవచ్చు. దీని కారణంగా కాళ్ళలో బరువు, బలహీనత, ఎక్కువసేపు నడవలేకపోవడం, ఎక్కువసేపు నిలబడటానికి ఇబ్బందిగా అనిపించవచ్చు. కాళ్ళలో ఈ లక్షణాలు కనిపిస్తుంటే చెడు కొలెస్ట్రాల్ స్థాయి పెరిగిందని అర్థం చేసుకోవాలి.

చెడు కొలెస్ట్రాల్‌ను నియంత్రించే మార్గాలు

• జీవనశైలిలో మార్పులు చేసుకోవాలి, ఆహారంలో ఆరోగ్యకరమైవి తినాలి
• సంతృప్త కొవ్వు పరిమాణాన్ని తగ్గించాలి
• ప్రాసెస్ చేసిన, వేయించిన ఆహారాలకు దూరంగా ఉండాలి
• బరువును అదుపులో ఉంచుకోవాలి, రోజూ వ్యాయామం చేయాలి
• సిగరెట్లు, మద్యం వంటి వాటిని తీసుకోవడం మానుకోవాలి
  
  

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి:వర్షాకాలం డ్రై ఫ్రూట్స్ పాడవ్వదు అంటే ఈ టిప్స్ పాటించండి

( bad-cholesterol | control-bad-cholesterol | tips-to-control-bad-cholesterol | Health Tips | health tips in telugu | latest health tips | best-health-tips | Latest News | telugu-news)

ఇది కూడా చదవండి: తల్లులు చేసే చిన్న తప్పులే పిల్లలను అబద్ధాలు ఆడేలా చేస్తాయి.. జాగ్రత్త