Lottery: లక్కీ కపుల్.. రూ.257 పెడితే - రూ.12 కోట్లు లాభం!

అదృష్టం ఎవరిని, ఎప్పుడు, ఎలా వరిస్తుందో ఎవ్వరం చెప్పలేం. అది వరించిన రోజు.. వారి ఆనందానికి అవదులే ఉండవు. అలాంటి అవధుల్లేని ఆనందంలో ఇప్పుడు ఓ కపుల్ మునిగి తేలుతుంది. అవును.. మీరు విన్నది నిజమే. రెస్టారెంట్‌కి వెళ్తూ సరదాగా కొనుకున్న లాటరీ టికెట్‌ వారి జీవితాన్నే మార్చేసింది. 

క్షణంలో కోటీశ్వరులైపోయారు

ఐదు కాదు.. పది కాదు.. ఏకంగా రూ.12 కోట్లు జాక్ పాట్ కొట్టేశారు. ఈ విషయం తెలియగానే ఆ కపుల్ ఒక నిమిషం ఆశ్చర్యానికి గురయ్యారు. ఏం చేయాలో వారికి అర్థ కాలేదు. కేవలం రూ.257 లతో కొన్న లాటరీ టికెట్ క్షణాల్లో ఆ ఫ్యామిలీ జీవితాన్నే మార్చేసింది. ఇంత డబ్బు వరించిన తర్వాత ఆ జంట ఆనందానికి అవధుల్లేకుండా పోయాయి. మరి ఆ కపుల్ ఏం చెబుతుందో తెలుసుకుందాం. 

RTV News App: సరికొత్తగా RTV న్యూస్ యాప్.. వెంటనే అప్డేట్ చేసుకోండిలా!

అమెరికాలోని న్యూజెర్సీకి చెందిన ఓ వ్యక్తి తన భార్యతో కలిసి రెస్టారెంట్‌కు వెళుతున్నాడు. మధ్యలో లాటరీ టికెట్ కొనాలని అనుకున్నారు. దీంతో సరదాగా 3 డాలర్లు (రూ.257) పెట్టి ఒక లాటరీ టికెట్ కొన్నారు. ఆ తర్వాత దాన్ని స్క్రాచ్ చేయగా.. ఏకంగా 1.5 మిలియన్ డాలర్లు (సుమారు రూ.12.86 కోట్లు) జాక్ పాట్ తగిలింది. దీంతో ఆ జంట ఆనందంలో మునిగితేలారు. 

దీనిపై వారు మాట్లాడుతూ.. ‘‘నిజానికి లాటరీ టికెట్ అక్కడ కొనాల్సింది కాదు. మా ఇద్దరిలో ఒకరు ఇక్కడ కొందామంటే.. మరొకరు వేరే చోట కొందాం అని అనుకున్నాం. ఆ తర్వాత సర్లే ఎక్కడైతే ఏంటి? అని ఇక్కడ ఓ సారి ట్రై చేద్దాం అనుకున్నాం. అలా టికెట్ కొని స్క్రాచ్ చేశాం. అంతే ఒక్కసారిగా ధనవంతులం అయిపోయాం. 

ఇది నిజంగా చాలా అదృష్టం. ఒక్క క్షణం మా జీవితాన్ని మార్చేసింది. బిల్లులు కట్టలేక ఎన్నో ఇబ్బందులు పడుతున్నాం. ఈ డబ్బుతో మా జీవితం మారిపోతుంది’’ ఆ కపుల్ ఆనందం వ్యక్తం చేసింది. ఇకపోతే ఈ మొత్తం డబ్బును ఒకేసారి తీసుకోకుండా.. సంవత్సరానికి కొంత మొత్తాన్ని తీసుకోనున్నారు. ఇలా దాదాపు 25 ఏళ్లపాటు డ్రా చేసుకునేలా లాటరీ నిర్వాహకులతో ఒప్పందం కుదుర్చుకున్నారు.

lottery-luck | lottery | Rs 12 crore lottery | latest-telugu-news | today-news-in-telugu | international news in telugu | telugu viral news