Akhil Lenin Update: ‘లెనిన్’ క్రేజీ రూమర్: అయ్యగారి కోసం బడా బాలీవుడ్ హీరో ఎంట్రీ..!

Akhil Lenin Update: అక్కినేని అఖిల్ ప్రస్తుతం తన కొత్త మూవీపై ఫుల్ ఫోకస్ పెట్టాడు. ఈ సినిమాకు మురళీ కిషోర్ అబ్బూరి (నందు) దర్శకత్వం వహిస్తున్నారు. 'లెనిన్' టైటిల్‌తో రూపొందుతున్న ఈ చిత్రం గురించి తాజాగా ఓ మేజర్ అప్ డేట్ వైరల్ గా మారింది.

తాజాగా ఫిలిం సర్కిల్స్ లో వినిపిస్తున్న టాక్ ఏంటంటే, ఈ సినిమాలో ఓ ప్రత్యేక అతిథి పాత్ర ఉందట.అయితే, ఆ గెస్ట్ రోల్ కోసం బాలీవుడ్‌కు చెందిన ఓ సీనియర్ హీరోను సంప్రదించారట. అయితే ఆయన పేరు మాత్రం ఇంకా బయటకు రాలేదు. త్వరలో అధికారికంగా ప్రకటించే అవకాశముంది.

ఈ సినిమా  రాయలసీమ ప్రాంతానికి సంబంధించినదిగా రూపొందుతోంది. ముఖ్యంగా చిత్తూరు ప్రాంతాన్ని బేస్‌గా తీసుకుని స్క్రిప్ట్‌ను రూపొందించినట్టు సమాచారం. అఖిల్ పాత్రలో నేటివిటీని హైలైట్ చేయడం కోసం, అతని డైలాగ్ డెలివరీలో కూడా చిత్తూరు యాసలో  స్పష్టంగా ఉంటుందట.

Also Read: 'ఈట్.. స్లీప్.. సలార్'.. బొమ్మ వచ్చి 500 రోజులు దాటినా ఊపు తగ్గలేదుగా!

ఈ చిత్రంలో అఖిల్ సరసన గ్లామరస్ బ్యూటీ శ్రీలీల హీరోయిన్‌గా నటిస్తోంది. వీరిద్దరి కెమిస్ట్రీ సినిమాకి స్పెషల్ హైలైట్ అవుతుందని చిత్రబృందం చెబుతోంది. ప్రత్యేకంగా లవ్ ట్రాక్‌కు మ్యూజిక్, విజువల్స్ అంతా హై క్వాలిటీగా ప్లాన్ చేస్తున్నారు.

ఇకపోతే, ఈ సినిమాను 2025 నవంబర్ 14న గ్రాండ్‌గా థియేటర్లలో విడుదల చేయాలని చిత్ర యూనిట్ ప్లాన్ చేస్తోంది. ప్రస్తుతం షూటింగ్ వేగంగా కొనసాగుతుండగా, పోస్ట్ ప్రొడక్షన్ పనులు కూడా ప్లాన్ ప్రకారమే జరుపుతున్నారు.

మొత్తానికి అఖిల్ కొత్త లుక్, రాయలసీమ మాస్ ఫ్లేవర్, శ్రీలీల కెమిస్ట్రీ, బాలీవుడ్ సీనియర్ హీరో స్పెషల్ అప్పియరెన్స్ ఇలా అన్ని కలిసి ఈ సినిమాపై భారీ అంచనాలు క్రియేట్ చేస్తున్నాయి. మరి అఖిల్ 'లెనిన్' తో అయినా హిట్ కొడతాడేమో చూడాలి!

tollywood-news-in-telugu | telugu-cinema-news | telugu-film-news | latest-telugu-news | telugu-news | today-news-in-telugu