Weather Alert: ముంచుకొస్తున్న దిత్వా తుపాను.. ఏపీలో ఆ జిల్లాలకు రెడ్‌ అలెర్ట్

నైరుతి బంగాళాఖాతంలో దిత్వా తుపాను కొనసాగుతోంది. ఈ నేపథ్యంలో చిత్తూరు, తిరుపతి, శ్రీపొట్టి శ్రీరాములు నెల్లూరు జిల్లాలకు వాతావరణ శాఖ రెడ్ అలెర్ట్ జారీ చేసింది. శనివారం మధ్నాహ్నానికి కరైకల్‌కు ఆగ్నేయంగా 120 కిలోమీటర్లు, పుదుచ్చేరికి దక్షిణఆగ్నేయంగా 220, చెన్నైకి దక్షిణంగా 330 కిలమీటర్ల దూరంలో ఈ తుపాను కేంద్రీకృతమైంది. ఉత్తరవాయవ్య దిశగా కదులుతూ ఆదివారం ఉదయం వరకు ఉత్తర తమిళనాడు, పుదుచ్చేరి, దక్షిణ కోస్తా తీరాలకు చేరువగా రానుందని IMD తెలిపింది. 

Also Read: రికార్డు ధర పలుకుతున్న ఏకగ్రీవ ఎన్నికలు.. ఆ గ్రామంలో రూ.51 లక్షలు

Heavy Rain Alert For AP

ఈ తుపాను ప్రభావంతో రాబోయే 3 రోజులు ఏపీ(andhrapradesh) లో పలు ప్రాంతాల్లో విస్తారంగా వర్షాలు(Heavy Rains) కురిసే ఛాన్స్ ఉందని అమరావతి వాతావరణ కేంద్రం(ap today weather update) తెలిపింది. ఆదివారం చిత్తూరు, తిరుపతి, శ్రీపొట్టిశ్రీరాములు నెల్లూరు జిల్లాల్లో భారీ నుంచి అతిభారీ వర్షాలు కురిసే ఛాన్స్ ఉందని పేర్కొంది. అలాగే ప్రకాశం, అన్నమయ్య, YSR కడప జిల్లాల్లో భారీ నుంచి అతిభారీ వర్షాలు కురిసే అవకాశం ఉందని తెలిపారు. కర్నూలు, నంద్యాల, పల్నాడు, బాపట్ల, గుంటూరు జిల్లాలో భారీ వర్షాలు కురవనున్నట్లు పేర్కొన్నారు. 

Also Read: సర్పంచ్‌గా పోటీ చేసేందుకు ఎస్సై ఉద్యోగం త్యాగం