Telangana: సర్పంచ్‌గా పోటీ చేసేందుకు ఎస్సై ఉద్యోగం త్యాగం

Telangana: తెలంగాణలోని గ్రామాల్లో పంచాయతీ ఎన్నికల సందడి నెలకొంది. సర్పంచ్ అభ్యర్థులు నామినేషన్ల స్వీకరణ ప్రక్రియ కొనసాగుతోంది. ఈ నేపథ్యంలో సూర్యపేట జిల్లాలో ఓ ఆసక్తికర సన్నివేశం చోటుచేసుకుంది. సర్పంచ్‌గా పోటీ చేసేందుకు ఓ ఎస్సై తన ఉద్యోగాన్ని వదులుకున్నారు. ఇక వివరాల్లోకి వెళ్తే.. కోదాడ మండలం గుడిబండ గ్రామానికి చెందిన పులి వెంకటేశ్వర్లు ఎస్సైగా విధులు నిర్వహిస్తున్నారు. తమ గ్రామంలో సర్పంచ్‌గా పోటీ చేసేందుకు తన ఉద్యోగానికి పదవీవిరమణ చేశారు. గ్రామ అభివృద్ధి కోసమే తాను ఈ నిర్ణయం తీసుకున్నట్లు పేర్కొన్నారు. 

Also Read: వంట చేయకూడదని దళిత మహిళకు అవమానం.. ఆరుగురికి జైలుశిక్ష

'' 1989లో మా ఊరి నుంచి నేను కానిస్టేబుల్‌గా ఉద్యోగంలో చేరాను. ఆ తర్వాత వివిధ ప్రాంతాల్లో పనిచేస్తూ ఎస్సైగా ప్రమోట్ అయ్యాను. నా సర్వీస్‌ ఇంకా కొంతకాలం ఉంది. మా ఊరికి సేవ చేయాలనే లక్ష్యంతో ఎస్సై ఉద్యోగానికి పదవీవిరమణ చేశాను. నా గ్రామానికి నేను రుణపడి ఉన్నాను. సర్పంచ్‌గా పోటీ చేసే అవకాశం ఇప్పుడు వచ్చింది కాబట్టి ఊరికి సేవ చేయాలనే ఉద్దేశంతో ఈ నిర్ణయం తీసుకున్నానని'' పులి వెంకటేశ్వర్లు అన్నారు. ఇదిలాఉండగా రాష్ట్రంలో డిసెంబర్ 11, 14, 17 తేదీల్లో మూడు దశల్లో ఎన్నికలు జరగనున్న సంగతి తెలిసిందే. 

Also read: గ్రామపంచాయతీలకు నిధులు ఎలా వస్తాయో తెలుసా?