తిరుపతి లడ్డూ నెయ్యి కల్తీ ఎఫెక్ట్ తెలంగాణపై ప్రభావం చూపింది. అన్ని ఆలయాల్లో తనిఖీలు చేపట్టాలని దేవాదాయశాఖ ఈవోలకు ఆదేశాలు జారీ చేసింది. రాష్ట్రవ్యాప్తంగా ఆలయాల ప్రసాదాలకు విజయ పాలు, నెయ్యి మాత్రమే వాడాలని స్పష్టం చేసింది. ప్రైవేటు సంస్థల నుంచి తీసుకుంటే చర్యలు తీసుకుంటామని హెచ్చరించింది.
తెలంగాణ లో బుధవారం భారీ వర్షాలు కురిసే అవకాశాలున్నాయని హైదరాబాద్ వాతావరణ కేంద్రం హెచ్చరికలు జారీ చేసింది. ఈ నెల 27 వరకు ఆదిలాబాద్, రాజన్న సిరిసిల్ల, మెదక్, కామారెడ్డి,నిర్మల్ జిల్లాలకు వాతావరణశాఖ ఎల్లో అలర్ట్ ను జారీ చేసింది.
కామారెడ్డి జిల్లాలో ప్రేమ జంట ఆత్మహత్య చేసుకుంది. పెళ్లికి పెద్దలు ఒప్పుకోరని మనస్తాపం చెందిన సాయికుమార్ చెట్టుకు ఉరేసుకోగా.. ప్రియురాలు వీణ ఇంట్లో దులానికి ఉరేసుకుని సూసైడ్ చేసుకుంది. దీంతో ఇరు కుటుంబాలు విషాదంలో మునిగిపోయాయి.
నిజమాబాద్ జిల్లాలో అబంగపట్నానికి చెందిన వినోద్ కుమార్ వీసా రాలేదనే కారణంతో రైలు కింద పడి ఆత్మహత్య చేసుకున్నాడు. అప్పులు చేసి అతను దుబాయ్ వెళ్లేందుకు ప్రయత్నించగా.. మెడికల్ ఫిట్నెస్ లేదని వీసా రిజక్ట్ కావడంతో సూసైడ్ చేసుకున్నాడు.
ఒడిశా నుంచి కామారెడ్డికి అక్రమంగా ట్రాక్టర్లో తరలిస్తున్న 338 కిలోల గంజాయి ప్యాకెట్లను తెలంగాణ యాంటీ డ్రగ్స్ విభాగం పోలీసులు పట్టుకున్నారు. ట్రాక్టర్ డ్రైవర్ ఏపీకి చెందిన లక్ష్మీ నారాయణను అదుపులోకి తీసుకున్నారు. ఇద్దరు పరారీలో ఉన్నారు.
నిజామాబాద్లోని మహ్మద్ నగర్లో విద్యుత్ ఘాతంతో ఒక వ్యక్తి మరణించారు. బకెట్లో పెట్టిన వాటర్ హీటర్ షాక్ కొట్టడంతో రౌతు సాయిలు అనే వ్యక్తి అక్కడికక్కడే మృతి చెందారు.
సీఎం రేవంత్ రెడ్డి ఢిల్లీ వెళ్లడంతో మంత్రివర్గ విస్తరణ అంశం మరోసారి హాట్ టాపిక్ గా మారింది. వాకిటి శ్రీహరి ముదిరాజ్, పి.సుదర్శన్ రెడ్డి, గడ్డం వివేక్ కు మంత్రివర్గంలో చోటు ఖాయమని తెలుస్తోంది.
బోధన్ పట్టణంలో వీధి కుక్కల దాడికి ఓ చిన్నారి బలైంది. కొత్త బస్టాండ్ ప్రాంతంలో చెట్టు కింద ఉన్న చిన్నారి కనిపించలేదు. దీంతో తల్లి పోలీసులను ఆశ్రయించింది. రంగంలోకి దిగిన పోలీసులు ఘటనా స్థలంలో మాంసపు ముద్దలను గుర్తించారు. బాలుడిని కుక్కలు చంపేసి పీక్కుతిన్నట్టు నిర్ధారించారు.
తెలంగాణలో మరో రెండు రోజుల పాటు భారీ వర్షాలు కురిసే అవకాశాలున్నట్లు వాతావరణశాఖ అధికారులు తెలిపారు. హైదరాబాద్,ములుగు, భద్రాద్రి కొత్తగూడెం, ఖమ్మం, మహబూబాబాద్,కుమ్రంభీం ఆసిఫాబాద్, మంచిర్యాల, జయశంకర్ భూపాలపల్లి, జిల్లాల్లో భారీ వర్షాలు కురిసే అవకాశం ఉందని అధికారులు తెలిపారు.
/rtv/media/post_attachments/wp-content/uploads/2024/01/trains-jpg.webp)
/rtv/media/media_files/nTO0LNzBrcmu6ILZ6Kis.jpg)
/rtv/media/post_attachments/wp-content/uploads/2024/05/rains-2.jpg)
/rtv/media/post_attachments/wp-content/uploads/2023/06/telangana-nizamabad-degree-student-commits-suicide-in-nizamabad-telangana-suchi.jpg)
/rtv/media/post_attachments/wp-content/uploads/2024/01/Dead-2-jpg.webp)
/rtv/media/media_files/9lpbt5CLHQTu8gCyZys3.jpg)
/rtv/media/media_files/Sc9zEgHRaOjjJwzt1YTG.jpg)
/rtv/media/media_files/BOrdr8Ddy8t1v4X4gq5t.jpg)
/rtv/media/media_files/DWAwk3ZiwAJO0aMOmQD4.jpg)
