TG News: చిన్నారిని పీక్కుతున్న వీధి కుక్కలు.. తెలంగాణలో మరో దారుణం!

TG News: వీధి కుక్కల దాడికి ఓ చిన్నారి బలైంది. నిజామాబాద్ జిల్లాలో చోటు చేసుకున్న ఈ ఘటన అందరికీ కన్నీరు పెట్టిస్తోంది. వివరాల ప్రకారం.. బోధన్‌ పట్టణంలో సోమవారం రాత్రి ఈ ఘటన చోటుచేసుకోగా మంగళవారం వెలుగులోకి వచ్చింది. చిన్నారిని వీధి కుక్కలు పీక్కుతిన్న ఘటనతో అక్కడి ప్రజలంతా భయపడుతున్నారు. బోధన్‌ పట్టణంలోని కొత్త బస్టాండ్‌ ప్రాంతంలో ఓ మహిళ పది నెలల బాబును చెట్టు కింద ఉంచి పనిమీద వెళ్లింది. కాసేపటి తర్వాత వచ్చి చూస్తే చిన్నారి కనిపించలేదు. చుట్టుపక్కల ఎంత వెతికినా బాబు ఆచూకీ లభించలేదు. దీంతో ఆ మహిళ పోలీసులను ఆశ్రయించింది.

ఘటనపై కేసు నమోదు చేసిన పోలీసులు రంగంలోకి దిగి గాలింపి చేపట్టారు. సీఐ వెంకటనారాయణ సిబ్బందితో కలిసి చిన్నారి అదృశ్యమైన ప్రాంతాన్ని తనిఖీ చేసి.. చూట్టు పక్కల ప్రజలను ఆరా తీశారు. ఓ బాబుని కుక్కలు నోట పట్టుకుని వెళ్లినట్టు ఓ వ్యక్తి పోలీసులకు తెలిపాడు. స్థానికుడు ఇచ్చిన సమాచారంతో చిన్నారి పడిన ప్రాంతాన్ని పరిశీలించారు. అక్కడక్కడ బాబు మాంసపు ముద్దలు దొరికాయి.

10 నెలల బాలుడిని పీక్కుతిని.. శరీరాన్ని ముక్కలు ముక్కలు చేసిన వీధి కుక్కలు

నిజామాబాద్ - బోధన్లో బస్టాండ్ సమీపంలో 2 రోజుల క్రితం ఓ తల్లి తన 10 నెలల బిడ్డను వదిలి మూత్రశాలకు వెళ్లింది.

తిరిగివచ్చి చూసేసరికి బాలుడు కనిపించలేదు. దీంతో ఆమె పోలీసులకు ఫిర్యాదు చేయడంతో విచారణ చేపట్టిన… pic.twitter.com/myjSZUhL2m

— Telugu Scribe (@TeluguScribe) September 11, 2024

అవి చిన్నారి అవయవాలుగా గుర్తించిన పోలీసులు.. బాలుడిని కుక్కలు చంపేసి పీక్కుతిన్నట్లు నిర్ధారించారు. పోస్టుమార్టం నిమిత్తం అవయవాలను సేకరించి బోధన్‌ ప్రభుత్వాస్పత్రిలో అప్పగించారు. ఈ ఘటనతో ఉలిక్కిపడ్డ స్థానికులు వీధి కుక్కులు మళ్లీ ఎవరిపైన దాడి చేస్తారోనని టెన్షన్ పడుతున్నారు. వీటి బెడద లేకుండా చర్యలు చేపట్టాలని డిమాండ్ చేస్తున్నారు.