Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

RAINS

Zomato: మోకాలి లోతు నీటిలో ఫుడ్‌ డెలివరీ చేసిన జొమాటో బాయ్‌

Published on by

Zomato: మోకాలి లోతు నీటిలో కూడా ఫుడ్‌ ఆర్డర్‌ ను డెలివరీ చేసి అందరి ప్రశంసలు అందుకుంటున్నాడు జొమాటో డెలివరీ ఏజెంట్‌. ప్రస్తుతం దీనికి సంబంధించిన వీడియో ఒకటి సోషల్‌ మీడియాలో వైరల్‌ అవుతుంది. గుజరాత్‌ లోని అహ్మదాబాద్‌ లో భారీ వర్షాలు కురుస్తున్న సంగతి తెలిసిందే. ఈ క్రమంలో జొమాటో ఏజెంట్‌ తన కర్తవ్యాన్ని నెరవేర్చాడు. దీనిని చూసిన సోషల్‌ మీడియా వినియోగదారులంతా కూడా అతని అంకితభావం, సంకల్పానికి జొమాటో సీఈవో దీపిందర్‌ గోయల్ అతనికి రివార్డ్‌ ఇవ్వాలని కోరుతుననారు.

పరిస్థితులు అనుకూలించకపోయినప్పటికీ కూడా..తన కర్తవ్యాన్ని నెరవేర్చేందుకు అతను ఎన్నో సవాళ్లను ఎదుర్కొని మరి ఫుడ్‌ ఆర్డర్‌ ని డెలివరీ చేశాడు.

జొమాటో డెలివరీ ఏజెంట్ వీడియో వైరల్ కావడంతో ఈ పోస్ట్‌పై జోమాటో స్పందించింది. ఈ వీడియోను X వినియోగదారు అయిన నీతూ ఖండేల్‌వాల్ అనే వ్యక్తి షేర్‌ చేసి… ఇలా అన్నాడు: “ఈ కష్టపడి పనిచేసే డెలివరీ వ్యక్తి ఎవరో తెలుసుకుని అతని అంకితభావానికి సంకల్పానికి తగిన విధంగా అతనికి రివార్డ్‌ ఇవ్వాలని నేను @deepigoyalని అభ్యర్థిస్తున్నాను.” అంటూ సోషల్‌ మీడియా ఖాతాలో రాసుకొచ్చారు.

ఈ వీడియో Zomato ఏజెంట్ పునరుద్ధరణ చర్య అతని విధి పట్ల అతని అంకితభావాన్ని నొక్కిచెప్పడమే కాకుండా ప్రతికూల వాతావరణ పరిస్థితులలో డెలివరీ సిబ్బంది తరచుగా విస్మరించే సవాళ్లను కూడా హైలైట్ చేసింది. అయితే గుజరాత్‌లో ఇటువంటి విపరీతమైన వాతావరణం ఉన్న నేపథ్యంలో ప్రజలు ఆర్డర్లు ఇస్తున్నారని పలువురు వినియోగదారులు విమర్శించారు. డెలివరీ సిబ్బంది జీవితాలను ప్రమాదంలో పడేస్తున్నందున, నీటి ఎద్దడి ఉన్న ప్రాంతాల్లో “జొమాటో ఆర్డర్ చేయడాన్ని నిలిపివేయాలి” అని చాలా మంది చెప్పారు.

Also Read: ఆర్మీ ఛాపర్‌ నుంచి జారిపడ్డ హెలికాఫ్టర్‌!

Telangana: లోతట్టు ప్రాంత ప్రజలు అప్రమత్తంగా ఉండాలి: జీహెచ్‌ఎంసీ!

Published on by

Telangana: పశ్చిమ మధ్య బంగాళాఖాతంలో తీవ్ర అల్పపీడనం ఏర్పడింది. ఈ అల్పపీడనం శనివారం వాయుగుండంగా మారే అవకాశం ఉంది. దీని ప్రభావంతో దక్షిణ ఒడిశాతో పాటు తెలంగాణలో ఓ మోస్తారు నుంచి భారీ వర్షాలు, ఒకట్రెండు చోట్ల అతి భారీ వర్షాలు కురిసే అవకాశం ఉన్నట్లు అధికారులు తెలిపారు. తీరం వెంబడి బలమైన గాలులు వీచే అవకాశాలు కనిపిస్తున్నాయి

.బంగాళాఖాతంలో ఏర్పడిన అల్పపీడన ప్రభావంతో తెలంగాణలో శని, ఆదివారాల్లో భారీ నుంచి అతి భారీ వర్షాలు కురిసే అవకాశాలున్నాయని హైదరాబాద్ వాతావ‌ర‌ణ‌ కేంద్రం హెచ్చరించింది. శనివారం ఆదిలాబాద్‌, కుమురం భీం ఆసిఫాబాద్‌, మంచిర్యాల, జగిత్యాల జిల్లాల్లో అతి భారీ వర్షాలు కురుస్తాయని స్పష్టం చేసింది.

అలాగే నిజామాబాద్‌, రాజన్న సిరిసిల్ల, కరీంనగర్‌, పెద్ద‌పల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, మహబూబాబాద్‌, వరంగల్‌, నిర్మల్‌, హనుమకొండ, హైదరాబాద్‌, మేడ్చల్‌-మల్కాజిగిరి జిల్లాల్లో భారీ వర్షాలు కురిసే అవకాశాలు కనిపిస్తున్నాయని హైదరాబాద్ వాతావరణ కేంద్రం తెలిపింది.

మరోవైపు రాష్ట్రానికి వర్షసూచన నేపథ్యంలో జీహెచ్‌ఎంసీ అధికారులు అప్రమత్తమయ్యారు. లోతట్టు ప్రాంతాల ప్రజలు అప్రమత్తంగా ఉండాలని తెలిపారు. రోడ్లపై నీళ్లు నిలవకుండా ఎప్పటికప్పుడు క్లియర్ చేస్తూ ఉండాలని గ్రేటర్‌ సిబ్బందిని జీహెచ్‌ఎంసీ ఉన్నతాధికారులు ఆదేశించారు.

Also Read: బంగాళాఖాతంలో అల్పపీడనం.. భారీ నుంచి అతి భారీ వర్షాలు..!

Weather ForeCast: రెండు రాష్ట్రాల్లో వాతావరణం ఎలా ఉండనుందంటే..!

Published on by

Weather ForeCast: హైదరాబాద్‌ వాతావరణ కేంద్రం గురువారం తెలుగు రాష్ట్రాల్లో వాతావరణం ఎలా ఉండనుందో నివేదికను  విడుదల చేసింది. తెలంగాణ రాజధాని నగరంలో 65 శాతం వర్షంపడే అవకాశాలు కనిపిస్తున్నాయి. ఈ క్రమంలో మోస్తరు నుంచి భారీ వర్షాలు కురిసే అవకాశాలున్నట్లు అధికారులు తెలిపారు. గరిష్ట ఉష్ణోగ్రతలు 29 డిగ్రీలు ఉండగా…కనిష్ఠ ఉష్ణోగ్రత 25 డిగ్రీలుగా ఉండనున్నట్లు అధికారులు వెల్లడించారు.

ఇక ఏపీలోని విజయవాడలో 40 శాతం వర్షం పడే అవకాశాలు కనిపిస్తున్నాయి.గరిష్ఠ ఉష్ణోగ్రతలు 34 డిగ్రీలుగా ఉండగా..కనిష్ఠ ఉష్ణోగ్రతలు 25 డిగ్రీలుగా ఉండనున్నట్లు అధికారులు తెలిపారు.

తిరుపతి లో 14 శాతం వర్షం పడే అవకాశాలు కనిపిస్తున్నాయి. గరిష్ఠ ఉష్ణోగ్రతలు 36 డిగ్రీలుగా ఉండగా… కనిష్ఠ ఉష్ణోగ్రతలు 24 డిగ్రీలుగా ఉండనున్నాయి.

విశాఖ పట్నంలో 88 శాతం వర్షం పడే అవకాశాలున్నట్లు అధికారులు తెలిపారు. 30 డిగ్రీలు గరిష్ఠ ఉష్ణోగ్రతలుగా ఉండగా.. 26 డిగ్రీల కనిష్ఠ ఉష్ణోగ్రతలుగా ఉండనున్నట్లు అధికారులు వివరించారు.

Also Read: 5 నెలల తరువాత కేసీఆర్‌ను కలవనున్న కవిత

Gujarat: గుజరాత్‌ను ముంచెత్తిన వర్షాలు..29 మంది మృతి

Published on by

Continues Rains: గుజరాత్‌లో మూడు రోజులుగా విపరీతంగా వర్షాలు పడుతున్నాయి. ఎడతెరిపి అన్నదే లేకుండా పోయింది. దీంతో ఈ రాష్ట్రంలో ఉన్న విశ్వామిత్ర నది పొంగి పొర్లుతోంది. దీంతో గుజరాత్‌లోని లోతట్టు ప్రాంతాలన్నీ జలమయం అయ్యాయి. సౌరాష్ట్రలోని దేవ్‌భూమి ద్వారకా, జామ్‌నగర్‌, రాజ్‌కోట్‌, పోరుబందర్‌లలో భారీ వర్షాలు కురుస్తున్నాయి. 12 గంటల వ్యవధిలోనే 5 నుంచి 20సెం.మీ వర్షపాతం నమోదైంది. దేవ్‌భూమి ద్వారకాలో బుధవారం అత్యధికంగా 18 సెం.మీ వర్షపాతం నమోదైనట్లు అధికారులు తెలిపారు.

మరోవైపు వరద నీరు భారీగా గ్రామాల్లోకి వస్తుండడంతో అన్నీ కొట్టుకుపోతున్నాయి. ధావనా గ్రామంలో ఓ ట్రాక్టర్ కొట్టుకుపోయింది. ఈ ప్రమాదంలో ఏడుగురు ప్రాణాలు కోల్పోయారు. మూడు రోజుల్లో మొత్తం ఇలాంటి ఘటనల్లో ఇప్పటివరకు 29 మంది మృతి చెందారు. ఇక వరద ప్రభాఇత ప్రాంతాల నుంచి 17వేలమందిని ప్రభుత్వం సురక్షిత ప్రాంతాలకు తరలించింది. ముఖ్యమంత్రి భూపేంద్ర పటేల్‌కు ప్రధాని మోదీ ఫోన్ చేసి పరిస్థితులపై ఆరా తీశారు. ప్రకృతి విపత్తును ఎదుర్కోవడంలో రాష్ట్రానికి అవసరమైన సాయం అందిస్తానని హామీ ఇచ్చారు.

Also Read: Kolkata: ఆర్జీ కర్ ప్రిన్సిపాల్‌ను సస్పెండ్ చేసిన ఇండియన్ మెడికల్ అసోసియేషన్

Weather Update: తెలుగు రాష్ట్రాలకు అలర్ట్.. వారం రోజులపాటు భారీ వర్షాలు!

Published on by

Weather Update: తెలుగు రాష్ట్రాలకు భారత వాతావరణ శాఖ హెచ్చరికలు జారీ చేసింది. ఆగస్టు 29న బంగాళాఖాతంలో అల్పపీడనం ఏర్పడే అవకాశం ఉన్నట్లు ఐఎండీ తెలిపింది. ఈ క్రమంలో తెలుగు రాష్ట్రాల్లో వార్మ్ రోజుల పాటు తేలికపాటి నుంచి మోస్తరు వర్షాలు పడే అవకాశం ఉన్నట్లు అంచనా వేసింది. తెలంగాణలో 31న, ఏపీలోని కోస్తాంధ్ర, యానాంలో 29 నుంచి 31 మధ్య కొన్ని చోట్ల అతి భారీ వర్షాలు పడే అవకాశం ఉన్నట్లు పేర్కొంది. ముఖ్యంగా ఉత్తరాంధ్ర, తీరా ప్రాంతాల్లో తుఫాన్ హెచ్చరికలను వాతావరణ శాఖ జారీ చేసింది.

తెలంగాణ రాజధాని హైదరాబాద్ లో ఈరోజు పలు ప్రాంతాల్లో తేలికపాటి నుంచి భారీ వర్షాలు పడే అవకాశం ఉందని హైదరాబాద్ వాతావరణ శాఖ తెలిపింది. గరిష్ట ఉష్ణోగ్రతలు 30 డిగ్రీలు, కనిష్ట ఉష్ణోగ్రతలు 23 డిగ్రీలు ఉండనున్నట్లు పేర్కొంది.
తిరుపతిలో ఒకవైపు ఎండలు మండుతూ .. వర్షాలు పడుతున్నాయి. ఊసరవెల్లిల మారుతున్న వాతావరణంతో తిరుమలకు వచ్చే భక్తులతో పాటు అక్కడ నివసించే వారి ఇక్కట్లు పడుతున్నారు. తిరుపతిలో గరిష్ట ఉష్ణోగ్రత 35డిగ్రీలు, కనిష్ట ఉష్ణోగ్రత 25 డిగ్రీలు ఉండనుంది.
విజవాడలో గరిష్ట ఉష్ణోగ్రత 35డిగ్రీలు, కనిష్ట ఉష్ణోగ్రత 25 డిగ్రీలు ఉండనున్నట్లు వాతావరణ శాఖ అంచనా వేసింది.
సముద్ర తీరానికి అనుకోని ఉండే విశాఖ నగరంలో ఈరోజు గరిష్ట ఉష్ణోగ్రత 32డిగ్రీలు, కనిష్ట ఉష్ణోగ్రత 27 డిగ్రీలు ఉండనున్నట్లు వాతావరణ శాఖ అంచనా వేసింది.

Telangana: ఈ నెల 31 వరకు భారీ వర్షాలు.. నేటి వెదర్ అప్డేట్ ఇదే!

Published on by

Telangana: ఈ నెల 29 నాటికి తూర్పు మధ్య, పరిసర ఉత్తర బంగాళాఖాతంలో అల్పపీడనం ఏర్పాడే అవకాశం ఉన్నట్లు వాతావరణశాఖ అధికారులు పేర్కొన్నారు. ఏపీ, యానాంలో దిగువ ట్రోపో ఆవరణంలో నైరుతి దిశగా గాలులు వీస్తున్నాయని అధికారులు పేర్కొన్నారు. ఈ క్రమంలో తెలంగాణలో రాగల నాలుగు రోజుల పాటు వర్షాలు కురిసే అవకాశాలున్నాయని పేర్కొంది.

మంగళవారం భూపాలపల్లి, ములుగు, కొత్తగూడెం, ఖమ్మం, సూర్యాపేట, మహబూబాబాద్‌, వరంగల్‌, హన్మకొండ జిల్లాల్లో ఉరుములు, మెరుపులు, ఈదురుగాలులతో కూడిన వర్షాలు కురిసే అవకాశాలున్నాయని వాతావరణ కేంద్రం తెలిపింది. బుధవారం పెద్దపల్లి, జయశంకర్‌, భూపాలపల్లి, ములుగు, కొత్తగూడెం, ఖమ్మం, ఉమ్మడి ఆదిలాబాద్‌తో పాటు కరీంనగర్‌, మహబూబాబాద్‌, వరంగల్‌, హన్మకొండ, జనగాం జిల్లాల్లో వానలు కురిసే అవకాశాలున్నాయని అధికారులు తెలిపారు.

ఈ నెల 29, 30 తేదీల్లో పలుచోట్ల భారీ వర్షాలు కురిసే అవకాశాలున్నాయని చెప్పింది. ఈ మేరకు వాతావరణశాఖ ఎల్లో అలెర్ట్‌ను జారీ చేసింది.

హైదరాబాద్ నగరంలో గరిష్ట ఉష్ణోగ్రతలు 35.5 డిగ్రీలు ఉండగా..కనిష్ట ఉష్ణోగ్రతలు 25. 5 డిగ్రీలుగా ఉండనుంది. కానీ నగరంలో కొన్ని ప్రాంతాల్లో అక్కడకక్కడ వర్షాలు పడే అవకాశాలున్నాయని వాతారణశాఖ అధికారులు తెలిపారు. ఏపీలోని విజయవాడలో గరిష్ట ఉష్ణోగ్రతలు 37.5 డిగ్రీలుగా ఉండగా..కనిష్ట ఉష్ణోగ్రతలు 29 డిగ్రీలుగా ఉండనున్నట్లు అధికారులు వివరించారు.

అక్కడక్కడ జల్లులు పడే అవకాశాలున్నట్లు అధికారులు తెలిపారు. విశాఖపట్నంలో కూడా గరిష్ట ఉష్ణోగ్రతలు 34. 5 డిగ్రీలు ఉండగా…కనిష్ట ఉష్ణోగ్రతలు29.5 డిగ్రీలుగా ఉండనున్నట్లు, ఓ మోస్తరు వర్షాలు పడే అవకాశాలున్నట్లు వాతావరణ కేంద్రం పేర్కొంది.

తిరుపతిలో గరిష్ట ఉష్ణోగ్రతలు 32.5 డిగ్రీలుగా ఉండగా..కనిష్ట ఉష్ణోగ్రతలు 26.5 డిగ్రీల కనిష్ట ఉష్ణోగ్రతలు నమోదయ్యే అవకాశాలున్నట్లు అధికారులు వివరించారు.

Also Read: రైతు ఉద్యమంపై మళ్ళీ నోరు పారేసుకున్న కంగనా