Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

farmer

AP: ఏనుగులు హల్ చల్.. 120 బాక్సులలో నిల్వ ఉంచిన టమోటాలను..

Published on by

Elephants In Chittoor District : చిత్తూరు జిల్లాలో ఏనుగులు (Elephants) హల్చల్ చేస్తోన్నాయి. సోమల మండలంలో ఏనుగుల గుంపు దాడులు ఇంకా కొనసాగుతున్నాయి. తాజాగా 120 బాక్సులలో నిల్వ ఉంచిన టమోటా (Tomato) లను ఏనుగులు తొక్కి ధ్వంసం చేశాయి. దీంతో తనకు రూ. 2 లక్షలు నష్టం వచ్చిందని రైతు (Farmer) ఆవేదన వ్యక్తం చేస్తున్నాడు. కాగా, గత కొన్ని రోజులుగా మండలంలో వరి, మామిడి, అరటి, కొబ్బరి చెట్లను ఏనుగులు గుంపు ధ్వంసం చేశాయి. అధికారులు ఏనుగుల దాడులను అరికట్టాలని రైతున్నలు వేడుకుంటున్నారు.

Also Read: మదనపల్లె సబ్ కలెక్టర్ కార్యాలయంలో అగ్నిప్రమాదం ఘటనపై చంద్రబాబు సీరియస్..!



Karnataka: రైతును అవమానించిన షాపింగ్ మాల్ – ఏడు రోజులు క్లోజ్

Published on by

GT Mall Insident: ఇటీవల కర్ణాటక రాజధాని బెంగళూరులో ఓ షాపింగ్ మాల్ సిబ్బంది అభ్యంతరకరంగా ప్రవర్తించిన విషయం తెలిసిందే. పంచెకట్టుతో వచ్చాడని.. ఓ రైతును మాల్ లోపలికి రానివ్వలేదు. దీంతో రాష్ట్రంలో తీవ్ర నిరసన వ్యక్తమైంది. స్వల్ప ఉద్యమమే జరిగింది. ఈ ఘటనపై కర్ణాటక ప్రభుత్వం తీవ్రంగా స్పందించింది. సదరు మాల్ ఏడు రోజుల పాటు మూసేయాలంటూ ఆదేశాలు జారీ చేసింది. ఈ ప్రవర్తన వ్యక్తి గౌరవానికి భంగం కలిగించడం కిందికే వస్తుందంటూ ఆగ్రహం వ్యక్తం చేసింది.

మంగళవారం మాగడి రోడ్డు జీటీ మాల్‌లోని మల్టీప్లెక్స్‌లో కుమారుడితో కలిసి సినిమా చూసేందుకు వచ్చిన హావేరికి చెందిన ఫకీరప్ప అనే రైతును అక్కడి సెక్యూరిటీ గోపాల్‌ అడ్డుకున్నాడు. పంచె కట్టుకుని వచ్చిన ఆయన్ను లోపలికి అనుమతించలేదు. ఫకీరప్ప కుమారుడు దానిని వీడియో తీసి సామాజిక మాధ్యమాల్లో పోస్టు చేశారు. ఈ ఘటనపై రైతు సంఘాల నాయకులు తీవ్రంగా స్పందించారు.

Also Read:Tirupathi: పరిమితంగా శ్రీవాణి దర్శనం టికెట్లు

Khammam: అయ్యా నాభూమి నాకు ఇప్పించండి.. ఖమ్మంలో మరో రైతు ఆత్మహత్యాయత్నం

Published on by

Khammam Farmer: ఖమ్మం జిల్లాలో చింతకాని మండలంలో ప్రభాకర్ అనే రైతు ఆత్మహత్య చేసుకున్న ఘటన ఇంకా మరువక ముందే మరో రైతు ఆత్మహత్యాయత్నానికి పాల్పడిన దారుణ ఘటన జరిగింది. సింగరేణి మండలంలోని ఉసిరికాయపల్లి లో భద్రయ్య అనే రైతు గురువారం పురుగుల మందు తాగి ఆత్మహత్యాయత్నానికి పాల్పడ్డాడు.

మండలంలోని ఉసిరికాయ పల్లి లో పచ్చిపాల భద్రయ్య అనేరైతు పొలాన్ని మరిపెడ బంగ్లాకు చెందిన ఆర్టీఐ మాజీ కమిషనర్ శంకర్ నాయక్ అక్రమంగా కబ్జా చేశాడని మనస్థాపం చెంది తన పొలంలోనే గడ్డి మందు తాగి ఆత్మహత్యాయత్నం చేసుకున్నాడు. ప్రస్తుతం భద్రయ్య ఖమ్మం ప్రభుత్వ ఆసుపత్రిలో చికిత్స పొందుతున్నాడు.భద్రయ్య భార్య భాగ్యమ్మ ఫిర్యాధు మేరకు కారేపల్లి పోలీస్ స్టేషన్లో కేసునమోదు చేసిన పోలీసులు కేసు నమోదు చేసి దర్యాప్తు చేస్తున్నారు.

Also Read: రిషి సునక్‌ ఓటమి… కేవలం 410 సీట్లే..చరిత్రాత్మక తీర్పునిచ్చిన ప్రజలు!

Telangana : ఖమ్మం జిల్లాలో కలకలం.. సీఎం రేవంత్ న్యాయం చేయాలంటూ లైవ్ లో రైతు ఆత్మహత్య!

Published on by

Live Suicide : తన పొలాన్ని అక్రమించుకోనున్నారని ఎన్నో మార్లు అధికారులకు ఫిర్యాదు చేసినా ఫలితం లేకపోవడంతో… కలత చెందిన ఓ రైతు (Farmer) సెల్ఫీ వీడియో (Selfie Video) తీసుకుని మరి ఆత్మహత్య చేసుకున్న దారుణ ఘటన ఖమ్మం జిల్లాలో వెలుగు చూసింది. తన పొలాన్ని తనకు ఇప్పించాలని ఎన్నోమార్లు రైతు అధికారులకు ఫిర్యాదు చేసినప్పటికీ ఎలాంటి ఫలితం లేకపోవడంతో పురుగుల మందు తాగి ఆత్మహత్యకు పాల్పడ్డాడు.

వివరాల ప్రకారం.. ఖమ్మం జిల్లా (Khammam District) చింతకాని మండలం ప్రొద్దుటూరులో తన పొలాన్ని వేరొకరు ఆక్రమించుకోవడంతో రైతు పురుగుల మందు తాగి రైతు ఆత్మహత్యకు పాల్పడటం సంచలనం సృష్టించింది. తనకు న్యాయం జరగక పోవడంతో చనిపోతున్నానని తన ఆవేదనను ముఖ్యమంత్రి రేవంత్ రెడ్డి, డిప్యూటీ సీఎం భట్టికి వీడియో ద్వారా తన ఆవేదనను తెలియజేస్తూ రైతు బోజెడ్ల ప్రభాకర్ ఆత్మహత్య చేసుకున్నాడు.

ప్రొద్దుటూరు సర్వేనంబర్ 276, 277లో ఉన్న తన పొలాన్ని కొందరు పెద్ద మనుషులు ఆక్రమించి ట్రాక్టర్లు, జేసీబీలు, బుల్డోజర్లతో ధ్వంసం చేసి స్వాధీనం చేసుకున్నారని రైతు వీడియోలో ఆరోపించారు. గ్రామానికి చెందిన కూరపాటి కిషోర్, పెండ్యాల రామారావు, గుర్రం నాగమల్లేశ్వరరావు, మంగలి శ్రీను, ముత్తయ్యలు తన పొలాన్ని నాశనం చేశారని బాధిత రైతు వీడియోలో ఆరోపించాడు. తన పొలాన్ని కాపాడాలని వారిని ఎంతగా ప్రాధేయ పడినా వారు కనికరించలేదన్నారు.

తన పొలాన్ని బుల్డోజర్లతో తొక్కించారని చింతకాని ఎమ్మార్వో, ఎస్సైలకు ఫిర్యాదు చేసినా ఫలితం లేకుండా పోయిందని కలెక్టర్‌కు ఫిర్యాదు చేయడానికి వస్తే, టైమ్ అయిపోయిందని చెప్పారని వీడియోలో వాపోయాడు. తనకు మరో మార్గం లేక చనిపోతున్నానని తనకున్న ఏడెకరాల పొలంలో మూడెకరాల పది కుంటల పొలాన్ని ఆక్రమించి ధ్వంసం చేశారని వివరించాడు.

ముఖ్యమంత్రి రేవంత్‌ రెడ్డి (CM Revanth Reddy), ఉప ముఖ్యమంత్రి భట్టి విక్రమార్క (Bhatti Vikramarka) తనకు న్యాయం చేయాలని, రైతుగా బతికానని, కాంగ్రెస్‌ ప్రభుత్వంలో తనకు న్యాయం జరుగుతుందని భావిస్తున్నానని, తాను ఉన్నా లేకపోయినా తన కుటుంబానికి న్యాయం చేయాలని రైతు ఆ వీడియో లో వేడుకున్నాడు

Also read: పుణెలో జికా వైరస్ కలకలం‌.. ఇద్దరు గర్భవతులకు పాజిటివ్!

Free Electricity : ఈ ఒక పనిచేస్తే చాలు..రైతులకు ప్రతినెలా 1045 యూనిట్ల ఫ్రీ విద్యుత్..!

Published on by

Free Electricity :  రైతన్నల కష్టం చెబితే అర్థమయ్యేది కాదు.ఒక ఏడాది వర్షాలు పడకపోతే..పంట చేతికి వచ్చే సమయానికి అకాలు వర్షాలు పడితే..అన్నదాతలు అప్పుల ఊబిలోకి కూరుకుపోతున్నారు.ప్రభుత్వాలు ఒక్కరిద్దరికి సాయం చేసి చేతులు దులుపుకునే పరిస్థితులు ఎన్నో చూశాం. అయితే యూపీ సర్కార్ మాత్రం కీలక నిర్ణయం తీసుకుంది. దీంతో రైతులకు ఊరట లభించనుంది. సాగునీటి కోసం ప్రైవేట్ గొట్టపు బావుల కనెక్షన్లపై రైతులకు ఉచిత విద్యుత్ అందిస్తోంది. ఈ మేరకు యూపీ పవర్ కార్పొరేషన్ ఉత్తర్వులు కూడా జారీ చేసింది. అంటే ఇప్పుడు రైతులకు సాగునీటికి ఉచిత విద్యుత్ అందుతుంది.

నీటిపారుదల స్కీం కింద బుందేల్‌ఖండ్ రైతులకు నెలకు 1300 యూనిట్లు, రాష్ట్రంలోని ఇతర ప్రాంతాల రైతులకు నెలకు 1,045 యూనిట్ల ఉచిత విద్యుత్ అందుతుంది. మార్చి 31, 2023లోపు మొత్తం విద్యుత్ బిల్లును చెల్లించిన రైతులకు ఇది వర్తిస్తుంది. వారు మాత్రమే ఈ పథకం ప్రయోజనం పొందుతారు.చాలా కాలంగా బిల్లులు బకాయి ఉన్న రైతులు.. ఇందుకోసం ప్రభుత్వం వడ్డీ మాఫీ పథకాన్ని కూడా అమలు చేస్తోంది. దీని ప్రయోజనాలను పొందడానికి, రైతులు జూన్ 30, 2024లోగా నమోదు చేసుకోవాలి. రిజిస్ట్రేషన్ సమయంలో బకాయి ఉన్న బిల్లులో 30 శాతం డిపాజిట్ చేయాల్సి ఉంటుంది. మీరు మిగిలిన మొత్తాన్ని ఒకేసారి లేదా వాయిదాలలో డిపాజిట్ చేయవచ్చు. మీరు ఒకేసారి డిపాజిట్‌పై 100 శాతం వడ్డీ రాయితీని పొందుతారు. అదే సమయంలో, బకాయిలను మూడు విడతలుగా జమ చేస్తే 90 శాతం వడ్డీ రాయితీ, ఆరు వాయిదాలలో డబ్బు జమ చేస్తే 80 శాతం వడ్డీ రాయితీ ఉంటుంది.

-ఫ్రీ విద్యుత్ పథకం ప్రయోజనం పొందడానికి, రైతులు తప్పనిసరిగా మీటర్ లేదా కనెక్షన్ పొందాలి.

-ఉచిత విద్యుత్ పథకం కోసం కూడా KYC చేయాల్సి ఉంటుంది. మిగతా అన్ని కనెక్షన్ల వివరాలను ఇందులో ఇవ్వాల్సి ఉంటుంది.

-ఈ కనెక్షన్‌లో గొట్టపు బావిని మాత్రమే ఆపరేట్ చేయవచ్చు. గృహోపకరణాలలో ఒక ఫ్యాన్, ఒక ఎల్ఈడీ బల్బు మాత్రమే ఉండాలి.

-మార్చి 31, 2023 వరకు అన్ని చెల్లింపులను క్లియర్ చేసిన తర్వాత మాత్రమే పథకం ప్రయోజనాలు అందుబాటులో ఉంటాయి.

ఇది కూడా చదవండి:  రిటైర్మెంట్ ఎప్పుడో చెప్పేసిన టీమిండియా కెప్టెన్ రోహిత్ శర్మ..!

Metro : దుస్తులు మురికిగా ఉన్నాయంటూ.. రైతును మెట్రో ఎక్కనివ్వని సిబ్బంది!

Published on by

Farmer In Metro : పది మందికి అన్నం పెట్టే రైతన్న.. పొద్దు మొదలైనప్పటి నుంచి పొద్దు పొడిచే వరకు పొలంలో ఉంటూ నిత్యం కష్టపడుతుంటాడు. ఈ క్రమంలో దుస్తులన్ని దుమ్ము కొట్టుకుపోయి మురికిగా మారతాడు. అలాంటి ఓ రైతన్న(Farmer) మెట్రో ట్రైన్‌(Metro Train) ఎక్కడానికి వస్తే మీ బట్టలు మురికిగా ఉన్నాయని మెట్రో ఎక్కడానికి సిబ్బంది అడ్డుపడ్డారు.

దీంతో మరో తోటి ప్రయాణికుడు కలగజేసుకుని వారితో వాగ్వాదానికి దిగడంతో వెనక్కి తగ్గిన సిబ్బంది ఆ రైతును మెట్రోలోనికి అనుమతించారు. ఈ ఘటన బెంగళూరు మెట్రో స్టేషన్‌(Bangalore Metro Station) లో జరిగింది.

బెంగళూరులోని రాజాజీనగర్‌ మెట్రో స్టేషన్(Rajajinagar Metro Station) లో రైలు ఎక్కడానికి ఓ రైతు తల మీద ఓ సంచి పెట్టుకుని వచ్చాడు. అతన్ని చూసిన మెట్రో సెక్యూరిటీ సూపర్‌ వైజర్‌ ట్రైన్‌ ఎక్కడానికి వీలు లేదు అంటూ అతన్ని అడ్డుకున్నాడు. దీంతో మరో తోటి ప్రయాణికుడు కలగజేసుకున్నాడు. ఆ రైతుని ఎందుకు అడ్డుకుంటున్నారని సిబ్బందిని ప్రశ్నించాడు.

అతని దుస్తులు మురికిగా ఉన్నాయని, దీని వల్ల తోటి ప్రయాణికులు ఇబ్బంది పడతారని మెట్రో ఎక్కేందుకు అనుమతించమని కొంచెం కటువుగా సమాధానమిచ్చాడు. దీంతో సదరు యువకుడు బెంగళూరు మెట్రో వీఐపీలకు మాత్రమేనా.. లేక అందరికోసమా అంటూ ప్రశ్నించాడు.

కేవలం దుస్తులను బట్టి మెట్రోలో ప్రయాణం చేసేందుకు అనుమతి అంటూ రాతపూర్వకంగా ఓ లేఖను రాసి ఇవ్వమని సదరు యువకుడు గట్టిగా నిలదీసే సరికి సెక్యూరిటీ సిబ్బంది ఏమి మాట్లాడలేదు. తరువాత రైతును మెట్రో ఎక్కేందుకు అధికారులు అనుమతిచ్చారు. ఈ విషయం గురించి తెలుసుకున్న బెంగళూరు మెట్రో రైల్‌ కార్పొరేషన్‌ సెక్యూరిటీ సూపర్‌ వైజర్‌ ను సస్పెండ్‌ చేసింది.

రైతు పక్షాన నిలబడి అధికారులతో వాగ్వాదానికి దిగిన యువకుడి పై ప్రశంసల వర్షం కురుస్తుంది. ప్రస్తుతం నెట్టింట్లో ఈ వీడియో వైరల్‌ గా మారింది. కర్ణాటకలో కాంగ్రెస్‌ ప్రభుత్వం(Congress Government) ఆరాచకాలకు ఈ ఘటనే నిదర్శనమని పలువురు మండిపడుతున్నారు. పేదల ఓట్లు అయితే కావాలి కానీ.. వారిని రైలు ఎక్కనివ్వరా? అంటూ ప్రశ్నిస్తున్నారు.

Also Read :  మీరు ఇస్తారా..మమ్మల్నే చేయమంటారా .? కోస్ట్‌ గార్డ్ లో మహిళలకు శాశ్వత కమిషన్ ఏర్పాటు పై సుప్రీం సీరియస్‌!