Actress Janhvi kapoor : బాలీవుడ్ బ్యూటీ జాన్వీ కపూర్ కు సంబంధించిన వీడియో ప్రస్తుతం సోషల్ మీడియాలో వైరల్ అవుతుంది. దేశ వ్యాప్తంగా నేడు రక్షా బంధన్ వేడుకసలు అంగరంగా వైభవంగా జరుగుతున్న విషయం తెలిసిందే. సామాన్యుల నుంచి సెలెబ్రిటీల వరకు అందరూ సెలబ్రేట్ చేసుకుంటున్నారు.

తమ అన్నలు, తమ్ముళ్లకు రాఖీలు కట్టి ఆ ఫొటోలను సోషల్ మీడియాలో షేర్ చేస్తూ రాఖీ పౌర్ణమి శుభాకాంక్షలు తెలుపుతున్నారు. తాజాగా రాఖీ పండగ సందర్భంగా ఆమె ఓ అభిమాని చేతికి రాఖీ కట్టడం ప్రస్తుతం అందరి దృష్టిని ఆకర్షిస్తోంది. ముంబైలోని ఓ షూటింగ్ స్పాట్‌లో జాన్వీ చూసేందుకు అభిమానులు వచ్చారు.

Wonderful!#JanhviKapoor celebrates #RakshaBandhan with a fan. 🤍#FilmfareLens pic.twitter.com/3rKmRQQAf2

— Filmfare (@filmfare) August 19, 2024

Also Read : సుహాస్ ‘జనక అయితే గనక’ రిలీజ్ డేట్ ఫిక్స్.. ఎప్పుడంటే?

అక్కడ ఓ అభిమాని రాఖీ పట్టుకుని వచ్చి, తనకు కట్టవలసిందిగా జాన్వీని కోరాడు. దీనికి ఆమె ఒప్పుకుని, అతని చేతికి రాఖీ కట్టింది. దీనికి సంబంధించిన వీడియో ప్రస్తుతం నెట్టింట వైరల్‌గా మారింది. ఈ వీడియోను ఫ్యాన్స్ సోషల్ మీడియాలో తెగ షేర్ చేస్తున్నారు. ఇక జాన్వీ కపూర్ ప్రస్తుతం ఎన్టీఆర్ సరసన ‘దేవర’ మూవీలో నటిస్తోంది. కొరటాల శివ డైరెక్ట్ చేస్తున్న ఈ సినిమా సెప్టెంబర్ 27 న రిలీజ్ కానుంది.

Actress Janhvi Kapoor : జాన్వీ కపూర్ లీడ్ రోల్ లో నటించిన లేటెస్ట్ మూవీ ‘ఉలఝ్‌’ (Ulajh Movie). జాతీయ అవార్డు గ్రహీత సుధాంశు సరియా డైరెక్ట్ చేశారు. గుల్షన్‌ దేవయ్య, రాజేశ్‌ థైలాంగ్‌తోపాటు అదిల్‌ హుస్సేన్‌ ఈ చిత్రంలో కీలక పాత్రలు పోషించారు. ఈ సినిమా ప్రమోషన్స్‌లో భాగంగా తాజా ఇంటర్వ్యూలో జాన్వీ కపూర్ తన జుట్టు గురించి మాట్లాడుతూ, కెరీర్ మారే అవకాశమైనా తన జుట్టును కత్తిరించుకోవడానికి ఇష్టపడనని తెలిపారు. ‘ఎలాంటి పాత్రలో నటించకూడదని నిర్ణయించుకున్నారు?’ అని యాంకర్‌ అడగ్గా జాన్వీ స్పందించారు.

“హెయిర్‌ లేకుండా నటించాల్సి వస్తే నేనెప్పుడూ నో చెబుతా. ఎంత కష్టమైన పాత్రైనా పోషిస్తాగానీ జుట్టు లేకుండా కనిపించేందుకు ఇష్టపడను. ‘ఉలఝ్‌’లోని పాత్ర కోసం దర్శకుడు నా హెయిర్‌ను కొంత కట్‌ చేయాలని సూచించగా గొడవ పడ్డా (నవ్వుతూ). నా తొలి సినిమా ‘ధడక్‌’ కోసం జుట్టు కత్తిరించుకున్నా.

Also Read : ఆ విషయంలో శ్రీదేవి – జాన్వీ కపూర్ సేమ్ టూ సేమ్ : బాలీవుడ్ నటుడు

దానికి మా అమ్మ ‘ఎందుకిలా చేశావ్‌?’ అంటూ అరిచింది. ఏ రోల్‌ కోసమైనా హెయిర్‌ కట్‌ చేసుకోవద్దని చెప్పింది. నాజుట్టంటే ఆమెకు అంత ఇష్టం. మూడు రోజులకొకసారి ఆయిల్‌ రాసి మసాజ్‌ చేసేది. అమ్మ కారణంగానే హెయిర్‌ కట్ చేసుకోను” అని తెలిపింది. దీంతో జాన్వీ చేసిన ఈ కామెంట్స్ సోషల్ మీడియా అంతటా వైరల్ గా మారాయి.

Actress Janhvi Kapoor : స్వర్గీయ శ్రీదేవి కుమార్తెగా బాలీవుడ్ చిత్ర పరిశ్రమలో అడుగుపెట్టిన జాన్వీ కపూర్.. తొలి చిత్రం ‘ధడక్’ తోనే ప్రేక్షకుల మనసు దోచుకుంది. ఆ తర్వాత వరుస సినిమాలతో స్టార్ హీరోయిన్ గా గుర్తింపు తెచ్చుకుంది. ప్రస్తుతం సౌత్ లో స్టార్ హీరోల సరసన నటిస్తున్న ఈ ముద్దుగుమ్మ తాజాగా ‘ఉలఝ్‌’ అనే సినిమాతో ప్రేక్షకుల ముందుకు రాబోతుంది. ఈ చిత్ర ప్రమోషన్స్ లో భాగంగా ఓ ఇంటర్వ్యూలో పాల్గొన్న జాన్వీ.. సినీ కెరీర్ గురించి పలు ఆసక్తికర విషయాలు పంచుకుంది.

ఈ మేరకు ఆమె మాట్లాడుతూ..” నా జీవితమంతా నటనకే అంకితం. తొలి సినిమా నుంచి ఇప్పటి వరకు ఎన్నో విషయాలు నేర్చుకుంటూ ముందుకు వెళ్తున్నాను. పరిశ్రమ నన్ను ఎలా చూస్తుందన్న విషయాన్ని నేను చెప్పలేను. పాటలు, డ్యాన్స్‌లు, గ్లామర్‌తో కూడిన కమర్షియల్‌ సినిమాలు చేస్తే.. అది చాలా సులభమైన ప్రయాణం అవుతుంది. విజయం సాధించే అవకాశం కూడా ఎక్కువగా ఉంటుంది. తక్కువ సమయంలోనే ప్రజాదరణ సొంతమవుతుంది.

Also Read : నితీష్ తివారి ‘రామాయణ’లో మరో బాలీవుడ్ నటుడు..!

కానీ, నేను రిస్క్‌తో కూడిన పాత్రలను ఎంచుకోవడానికి ఇష్టపడతాను. అందులో నా నటన చూసి ఆశ్చర్యపోవాలని అనుకుంటాను. కొన్ని సంవత్సరాల క్రితమే ఈ నిర్ణయం తీసుకున్నాను. అందులో భాగంగానే చిన్న సినిమాలను ఎంచుకున్నాను. ప్రతి సినిమాలోనూ దర్శకుడు నా నుంచి ఏం కోరుకుంటున్నాడో దాన్ని ఇవ్వడానికి వందశాతం ప్రయత్నిస్తాను. ఇప్పటి వరకు రెండు హైరిస్క్‌ ఉన్న సినిమాలు ఎంచుకున్నాను. వాటిలో ఒకటి ‘ఉలఝ్‌’. అందరూ ఆదరిస్తారని నమ్ముతున్నాను” అని చెప్పుకొచ్చింది.