/rtv/media/media_files/2025/11/30/first-match-2025-11-30-09-09-10.jpg)
స్వదేశీ పిచ్ లు.. కచ్చితంగామనవాళ్ళే గెలుస్తారు అనుకున్నారు అందరూ. సౌత్ ఆఫ్రికా(india-vs-south-africa) తో అన్ని సీరీస్ లూ మనవే అని నమ్మకం పెట్టుకున్నారు. కానీ టెస్ట్ లలోసఫారీల చేతిలో వైట్ వాష్ అయిపోయారు. కోల్కతాలో దక్షిణాఫ్రికాతో టెస్టు సిరీస్ను మెరుగ్గానే ఆరంభించిన టీమ్ఇండియా...చివరకు చిత్తుగా ఓడిపోయింది. అసలు ఏ మాత్రం ఎఫర్ట్స్ పెట్టకుండా తేలిపోయారు. ఇంత దారుణంగా ఆడతారాఅంటూ విమర్శల పాలయ్యారు. మాజీలు, సీనియర్ క్రికెటర్లు, విశ్లేషకులు అందరూ ఏకి పారేశారు. ఈ నేపథ్యంలో ఇప్పుడు పరిమిత ఓవర్ల క్రికెట్ పోరుకు సిద్ధమైంది టీమ్ ఇండియా. ఎర్ర బంతి ఆటతో ఎదురైన పరాభవానికి తెల్ల బంతితో సమాధానం చెప్పాలని ఎదురు చూస్తున్నారు. పైగా ఈ వన్డే సీరీస్ లో సీనియర్లు రోహిత్ శర్మ, విరాట్ కోహ్లీలు కూడా జాయిన్ అవుతున్నారు.
Also Read : దక్షిణాఫ్రికాతో వైట్ వాష్.. భారత్ టెస్ట్ లను వదిలేస్తోందా? అసలైన క్రికెట్ ఏమౌతోంది?
వన్డేల్లో రో-కో లు..
కొంత విరామం తర్వాత భారత క్రికెట్ అభిమానులకు స్టార్ ఆటగాళ్లు కోహ్లి, రోహిత్లను మళ్లీ మైదానంలో చూసే అవకాశం వచ్చింది. ఈ రోజ నుంచే ప్రోటీసీ, టీమ్ ఇండియాకు మధ్యనా వన్డే సీరీస్ మొదలవనుంది. రాంచీలో ఈరోజు మొదటి వన్డే జరగనుంది. ఈ మ్యాచ్ లో రోహిత్ శర్మ, విరాట్ కోహ్లీలు బరిలోకి దిగుతున్నారు. మూడు మ్యాచ్ల ఈ సిరీస్కు వీరే ప్రత్యేక ఆకర్షణ. కెప్టెన్ శుభ్మన్ గిల్తో పాటు వైస్ కెప్టెన్ శ్రేయస్ అయ్యర్ గాయాలతో జట్టుకు దూరం కావడంతో సిరీస్లో కేఎల్ రాహుల్ భారత టీమ్ ను నడిపించబోతున్నాడు. దాంతో పాటూ యశస్వి జైస్వాల్ కూడా వన్డే సీరీసుల్లోకి వస్తున్నాడు.
Also Read : T20 World Cup 2026: టీ 20 వరల్డ్ కప్ షెడ్యూల్ విడుదల..
అంతా సీనియర్ల చేతుల్లోనే..
రో-కో లు ఇద్దరూ చివరి సారి ఆస్ట్రేలియాతో వన్డే మ్యాచ్ లు ఆడారు. ఇందులో రోహిత్ అదరగొట్టాడు. కోహ్లీ కూడా పర్వాలేదనిపించాడు. రోహిత్ ఓ సెంచరీ, ఓ అర్ధసెంచరీతో అదరగొట్టగా.. కోహ్లి ఒక అర్ధశతకం సాధించారు. అప్పుడు ఆస్ట్రేలియాలో ఆడారు. ఇప్పుడు సొంత గడ్డపై , మన ఓన్ పిచ్ లపై ఆడుతున్నారు. కాబట్టి ఇంకా బాగా ఆడతారని అభిమానులు ఆశిస్తున్నారు. 2027 ప్రపంచకప్ లక్ష్యంగా వన్డేల్లో కొనసాగతున్న రో-కో.. ఈ సిరీస్లో సత్తా చాటి ఆ దిశగా ముందడుగు వేస్తారని ఆశిస్తున్నారు. ఈ వన్డే మ్యాచ్ లలోశుభ్ మన్ ఆడకపోవడం వల్లన రోహిత్ శర్మతో కలిసి యశస్వి జైశ్వాల్ ఇన్నింగ్స్ ను ఆరంభించనున్నాడు. కెప్టెన్ రాహుల్ అయిదో స్థానంలో ఆడతాడు. అతనే వికెట్ కీపింగ్ బాధ్యతలు నిర్వర్తిస్తాడు. నాలుగో స్థానం కోసం స్పెషలిస్టు వికెట్ కీపర్ రిషబ్ పంత్, రుతురాజ్ గైక్వాడ్ మధ్య పోటీ నెలకొంది. మరి ఎవరికి చోటు దక్కుతుందో చూడాలి. ఇక మిడిల్ ఆర్డర్లో జడేజా, నితీశ్ కుమార్, వాషింగ్టన్ సుందర్ లు ఆడతారు. బుమ్రా, సిరాజ్ లాంటి సీనియర్లు అందుబాటులో లేని నేపథ్యంలో యువ పేసర్లు అర్ష్దీప్, ప్రసిద్ధ్ కృష్ణ, హర్షిత్ రాణా పేస్ భారాన్ని మోయనున్నారు.
టెస్టు సిరీస్లో ఘనవిజయం సాధించిన దక్షిణాఫ్రికా.. ఆత్మవిశ్వాసంతో వన్డే సిరీస్ను ఆరంభించబోతోంది. కెప్టెన్ బవుమాతో పాటు మార్క్రమ్, యాన్సెన్, కేశవ్ మహరాజ్, కార్బిన్ బోష్లను ఈ సిరీస్లో కూడా ఆడతారు. అయితే ప్ఱధానపేసర్రబాడ మాత్రం సీరీస్ కు దూరమయ్యాడు. అయితే యాన్సెన్, బర్గర్, ఎంగిడి, బోష్లతో పేస్ విభాగం మెరుగ్గానే ఉంది. స్పెషలిస్టు స్పిన్నర్ కేశవ్ మహరాజ్కు తోడు మార్క్రమ్ స్పిన్ బాధ్యతలు పంచుకోనున్నాడు. ఇక రాంచీ పిచ్ విషయానికి వస్తే ఇక్కడ స్పిన్నర్లు బాగా ప్రభావం చూపిస్తారు. రాత్రి మంచు ప్రభావం ఉంటుంది కాబట్టి టాస్ గెలిచిన జట్టు ఛేదనకే మొగ్గు చూపొచ్చు.
Follow Us