Operation Maoist : మావోయిస్టు అగ్రనేతలే టార్గెట్ గా ఆఫరేషన్ ఫైనల్...అడవుల్లోకి 1000 మంది కమాండోలు

Operation Maoist : వచ్చే ఏడాది మార్చినాటికి దేశంలో మావోయిస్టులను లేకుండా చేస్తామన్న కేంద్రమంత్రి అమిత్‌షా ప్రకటించినట్లే ఆ దిశగా భద్రత దళాలు ముందుకు సాగుతున్నాయి. ప్రస్తుతం మావోయిస్టులు రెండు వర్గాలుగా విడిపోయిన నేపథ్యంలో ఒక వర్గం లొంగుబాట పట్టగా మరో వర్గం సాయుధ పోరాటాన్ని సాగించడానికి సిద్ధపడుతుంది. ఈ నేపథ్యంలో దేశవ్యాప్తంగా అత్యంత 'వాంటెడ్' మావోయిస్టు నాయకులు హిడ్మా(madvi hidma), గణపతి,దేబూజీలను గుర్తించే ఆపరేషన్ చేపట్టింది కేంద్ర ప్రభుత్వం. అందులో భాగంగా CRPF కమాండోలు, రాష్ట్ర పోలీసులు ఉపగ్రహ నిఘా, డ్రోన్‌లను ఉపయోగించి ఛత్తీస్‌గఢ్, ఒడిశా, తెలంగాణ,మహారాష్ట్రలలో ఉమ్మడి కార్యకలాపాలను ముమ్మరం చేస్తున్నారు.

దేశంలోని "మోస్ట్ వాంటెడ్ మావోయిస్టు నాయకులు" - మాడవి హిడ్మా(hidma naxal leader) (52), గణపతి (76), తిప్పిరి తిరుపతి అలియాస్ దేబూజీ (63)లను - పట్టుకోవడానికి ఛత్తీస్‌గఢ్, తెలంగాణ, ఒడిశా, మహారాష్ట్రలలో భద్రతా దళాలు భారీ ఆపరేషన్ ప్రారంభించాయి.ఉత్తర, దక్షిణ బ్లాక్‌ల భద్రతా అధిపతుల ఆదేశాల మేరకు ఈ దళాలు ముందుకు సాగుతున్నాయి. మార్చి 2026 నాటికి వామపక్ష తీవ్రవాదాన్ని నిర్మూలించడం - కేంద్రం లక్ష్యం - కాగా అంతకు ముందే ఈ ముగ్గురిని కట్టడి చేయడమే లక్ష్యంగా ఈ ఆపరేషన్‌ సాగుతోంది. 

Also Read :  ఎంపీకి బురుడి.. రూ.56 లక్షలు కాజేసిన సైబర్ నేరగాళ్లు

Operation Finale Targeting Top Maoist Leaders

కేంద్ర హోం మంత్రిత్వ శాఖ భద్రతా అధికారి ఒకరు మాట్లాడుతూ,"ఈ ముగ్గురు దేశంలో మోస్ట్ వాంటెడ్ మావోయిస్టు నాయకులుగా చెబుతున్నారు. వారు తిరుగుబాటు ఉద్యమానికి సైద్ధాంతిక స్థావరం, మేధో నాయకత్వంగా భావిస్తున్నారు.ఉపగ్రహ చిత్రాలు, డ్రోన్‌ల సహాయంతో, భద్రతా దళాలు వారిని కనుగొనడానికి ఛత్తీస్‌గఢ్, తెలంగాణ, మహారాష్ట్ర , ఒడిశా అడవులలో నిఘా ఆధారిత కార్యకలాపాలను ముమ్మరం చేశాయి." అని తెలిపారు.

హిడ్మా, గణపతి,దేబూజీలు నిత్యం తమ స్థానాలను మారుస్తూనే ఉన్నందున వారిని ట్రాక్ చేయడం కష్టమవుతోందని భద్రతా వర్గాలు తెలిపాయి. హిడ్మా ,దేబూజీల తలలపై ఒక్కొక్కరికి కోటి రూపాయల రివార్డు ఉండగా, గణపతిపై రూ. 2.5 కోట్ల  రివార్డు ఉంది. కాగా వారిని పట్టుకోవడానికి "ఆఫరేషన్‌ ఫైనల్‌' పేరుతో మధ్య భారతదేశంలోని వివిధ ప్రాంతాలలో 1,000 మంది పారామిలిటరీ సిబ్బందితో కూడిన అనేక బెటాలియన్లు మోహరించబడ్డాయి. అదనంగా, CRPF  ప్రత్యేక కమాండో యూనిట్, కోబ్రా ఫోర్స్, "లక్ష్యంగా ఉన్న సర్జికల్ స్ట్రైక్స్" కోసం ఉపయోగించబడుతుంది. అని అధికారి తెలిపారు.

ఇటీవల పదోన్నతి పొందిన హిడ్మా గతంలో అనేక ప్రాణాంతక దాడులలో పాల్గొన్నాడు. ఆయన ఇప్పుడు పీపుల్స్ లిబరేషన్ గెరిల్లా ఆర్మీ (PLGA) కమాండర్ - 2000 సంవత్సరంలో మావోయిస్టుల సైనిక సామర్థ్యాలను బలోపేతం చేయడానికి ఏర్పడిన ఒక ప్రత్యేక విభాగం. ఈ విషయమై ఒక CRPF అధికారి మాట్లాడుతూ,“హిడ్మా ఛత్తీస్‌గఢ్‌లో క్షేత్రస్థాయి సిబ్బంది శిక్షణను పర్యవేక్షిస్తున్నాడు. 2013 నుండి, హిడ్మా భద్రతా దళాలపై జరిగే అన్ని ప్రధాన దాడులను ప్లాన్ చేస్తున్నాడు. ఇందులో సుక్మాలో 25 మంది పారామిలిటరీ సిబ్బంది హత్య కూడా ఉంది. అని తెలిపారు.

కాగా భద్రతా దళాలు ప్రధాన లక్ష్యం కూడా హిడ్మానే కావడంతో  హిడ్మా టీమ్‌పై ఛత్తీస్‌గఢ్‌ పోలీసులు ‘గురి’పెట్టారు. ఈ ఏడాది ఏప్రిల్, మే నెలలో కర్రెగుట్టల్లో జరిగిన ఆపరేషన్‌ నుంచి త్రుటిలో తప్పించుకున్నట్లు భావవిస్తున్న హిడ్మా టీమ్‌ ఈసారి ఎట్టి పరిస్థితుల్లోనూ తప్పించుకోకుండా తెలంగాణకు ఆనుకొని ఉన్న ఛత్తీస్‌గఢ్‌ సరిహద్దులో 2 వేల మంది జవాన్లను మొహరించారు. బస్తర్‌ అడవుల్లో డీఆర్‌జీ(డిస్ట్రిక్ట్‌ రిజర్వ్‌గార్డ్‌), సీఆర్పీఎఫ్, ఎస్‌టీఎఫ్‌(స్టేట్‌ టాస్క్‌ ఫోర్స్‌) బలగాలు అస్త్రశస్త్రాలతో సరిహద్దులో నిఘా పెట్టాయి. ప్రధానంగా హిడ్మాతో పాటు దేవ, ఎర్ర, కేసా నాయకత్వంలోని గెరిల్లా టీమ్‌ను లక్ష్యంగా చేసుకొని ఈ ఆపరేషన్‌కు శ్రీకారం చుట్టినట్లు తెలుస్తోంది. డ్రోన్లతో నిరంతరం ఆ ప్రాంతంలో నిఘా పెట్టారు.

ఎలాంటి పరిస్థితినైన ఎదుర్కొడానికి బీజాపుర్‌ జిల్లాలో ఒక హెలికాప్టర్‌ను కూడా సిద్ధం చేశారు. హిడ్మాతో సహా అగ్రశ్రేణి నాయకులు ఉన్న ప్రాంతాల వైపుగా భద్రతా బలగాలు కదులుతున్నట్లు అధికారులు తెలుపుతున్నారు. అబూజ్‌మడ్‌ సరిహద్దు అడవుల్లో సవాల్‌తో కూడుకున్న ఈ ఆపరేషన్‌ను నిర్వహిస్తున్నారు. అందులో భాగంగా హిడ్మా రహస్య స్థావరాలు గుర్తించేందుకు డీఆర్‌జీ, కేంద్ర బలగాలు మావోయిస్టు పట్టున్న గ్రామాల సాంకేతిక మ్యాపింగ్, థర్మల్‌ ఇమేజింగ్‌ ద్వారా అత్యాధునిక సాంకేతిక పరిజ్ఞాన్ని ఉపయోగిస్తున్నారు. ప్రధానంగా దక్షిణ బస్తర్‌ పరిధిలోని బీజాపుర్, దంతెవాడ, సుక్మా జిల్లాలో ఈ ఆపరేషన్‌ మొదలైనట్లు తెలుస్తోంది. 

Also Read :  ‘రేసుగుర్రం నటుడిని చంపేస్తాం’.. గ్యాంగ్‌స్టర్ మాస్ వార్నింగ్..!