US Sanctions on India: 27ఏళ్ల క్రితమే అమెరికా ఆంక్షలు ఎదుర్కొన్న ఇండియా.. 1998 తర్వాత జరిగిందే రిపీట్ చేస్తే భారత్ సేఫ్

US Sanctions on India: సరిగ్గా 27 సంవత్సరాల క్రితం, అప్పటి ప్రధానమంత్రి అటల్ బిహారీ వాజపేయి నాయకత్వంలో భారత్ పోఖ్రాన్-II అణు పరీక్షలను నిర్వహించి ప్రపంచాన్ని ఆశ్చర్యపరిచింది. దీంతో అప్పటి అమెరికా అధ్యక్షుడు బిల్ క్లింటన్ భారత్‌పై తీవ్ర ఆర్థిక ఆంక్షలు విధించారు. ఈ ఆంక్షలు భారత ఆర్థిక వ్యవస్థను దెబ్బతీస్తాయని అంతర్జాతీయ వర్గాలు భావించాయి. కానీ అదేమీ జరగలేదు. అమెరికా ఆంక్షలను తట్టుకొని భారత్ నిలబడింది. ఇప్పుడు ట్రంప్(Trump) అనుసరిస్తున్న టారీఫ్‌ విధాలను కూడా ఎదుర్కొనేందుకు సిద్ధమవుతోంది. ఆ ఆంక్షల తర్వాత భారత్ ఎలా పుంజుకుందో అప్పట్లో వాజపేయి ఈ ఇంటర్వ్యూలో వివరించారు. 1998 మేలో అణు పరీక్షలు నిర్వహించిన తర్వాత, ప్రపంచ దేశాల నుంచి వ్యతిరేకత వచ్చింది. అమెరికా విధించిన ఆంక్షలను భారత్ భయపడకుండా ఎదుర్కొందని  వాజపేయి చెప్పారు. ఇప్పుడు కూడా భారత్ ట్రంప్ 50శాతం టారిఫ్‌లు భారత్‌పై ఎలాంటి ప్రభావం చూపకుండా ప్లాన్‌ సిద్ధం చేస్తున్నారు ఆర్థిక నిపుణులు.

How US Sanctions Accidentally Made India a Superpower 🇮🇳: THREAD🧵

In 1998, India stunned the world.
5 nuclear tests in the Thar desert made it an independent nuclear state.
The CIA was flabbergasted. America struck back hard with heavy Sanctions under Glenn Amendment.

1/n pic.twitter.com/wnN8jaIhHJ

— Rajdeep Chatterjee (@rajdeepind18) August 27, 2025

అమెరికా విధించిన కఠిన ఆంక్షలు

అణు పరీక్షల అనంతరం, అప్పటి అమెరికా అధ్యక్షుడు బిల్ క్లింటన్ భారత ప్రభుత్వంపై తీవ్ర ఆర్థిక, సైనిక ఆంక్షలు విధించారు. "గ్లెన్ సవరణ" (Glenn Amendment) ప్రకారం అమెరికా చట్టం ఈ ఆంక్షలను తప్పనిసరి చేసింది. ఈ ఆంక్షల ప్రభావం ఇలా ఉంది:

• విదేశీ సహాయం నిలిపివేత: అమెరికా ప్రభుత్వ సంస్థలు భారత్‌కు ఇచ్చే ఆర్థిక సహాయాన్ని, రుణాలను నిలిపివేశాయి.

• సైనిక సంబంధాలు తెగిపోవడం: భారత్‌కు సైనిక పరికరాల అమ్మకాలు, సాంకేతిక సహకారం నిలిపివేశారు.

• అంతర్జాతీయ రుణాలు నిలిపివేత: అమెరికా ప్రపంచ బ్యాంకు, అంతర్జాతీయ ద్రవ్య నిధి (IMF) వంటి సంస్థల ద్వారా భారత్‌కు అందే రుణాలను నిరోధించే ప్రయత్నం చేసింది.

• వాణిజ్య పరిమితులు: కొన్ని రకాల సైనిక, వాణిజ్య వస్తువుల ఎగుమతులపై నిషేధం విధించింది.

  This joker keeps crying for validation, repeating the same fairy tale again and again.
  
  But India does not blink.
  Ceasefire decisions are made in Delhi, not in Washington.
  
  No threats, no tariffs, no drama. India does not give a damn. Our sovereignty is not up for negotiation. https://t.co/bX2K8w2i9O

  — Ayushi Pandey (@ayushi3pandey) August 27, 2025

ఆంక్షలను తట్టుకున్న భారత్

అంతర్జాతీయ ఒత్తిడి, ఆంక్షలు ఉన్నప్పటికీ భారత్ ఈ క్లిష్ట పరిస్థితిని ధైర్యంగా ఎదుర్కొంది. ఈ ఆంక్షల వల్ల భారత ఆర్థిక వ్యవస్థపై పెద్దగా ప్రభావం చూపలేదని ఆర్థిక నిపుణులు పేర్కొన్నారు. దీనికి ప్రధాన కారణాలు:

• తక్కువ వాణిజ్య ఆధారపడటం: ఆ సమయంలో అమెరికాతో భారత్ వాణిజ్యం మొత్తం జీడీపీలో చాలా స్వల్ప భాగం మాత్రమే.

• స్వయంసమృద్ధి: అణు కార్యక్రమాన్ని భారత్ పూర్తిగా స్వదేశీ సాంకేతికతతోనే అభివృద్ధి చేసింది. దీంతో ఆంక్షలు పెద్దగా ప్రభావం చూపలేకపోయాయి.

• ప్రవాస భారతీయుల మద్దతు: అమెరికా ఆంక్షలు విధించిన తర్వాత, ప్రవాస భారతీయులు భారత్‌కు భారీగా పెట్టుబడులు పంపించి ఆర్థిక వ్యవస్థకు మద్దతు పలికారు.

• రాజకీయ దార్శనికత: వాజపేయి ప్రభుత్వం ఆంక్షల వల్ల దేశం బలహీనపడదని, ఆత్మవిశ్వాసంతో ముందుకు సాగుతుందని స్పష్టం చేసింది.

ఆంక్షల తొలగింపు

2001లో సెప్టెంబర్ 11న అమెరికాపై జరిగిన ఉగ్రవాద దాడుల తర్వాత, అమెరికా తన విదేశాంగ విధానాన్ని మార్చుకుంది. ఉగ్రవాదంపై పోరులో భారత్, పాకిస్తాన్‌ల మద్దతు అవసరమని భావించి, అప్పటి అధ్యక్షుడు జార్జ్ డబ్ల్యు. బుష్ 2001 సెప్టెంబర్ 23న భారత్, పాకిస్తాన్‌లపై విధించిన ఆంక్షలను పూర్తిగా ఎత్తివేశారు. ఈ విధంగా, భారత్ అణు పరీక్షల అనంతరం ఎదుర్కొన్న ఆంక్షల సవాలును విజయవంతంగా అధిగమించింది. ఆ సమయంలోనే వాజపేయి ప్రభుత్వం మౌలిక వసతుల కల్పనపై ప్రత్యేక దృష్టి సారించింది. 'స్వర్ణ చతుర్భుజి','ప్రధానమంత్రి గ్రామీణ సడక్ యోజన' వంటి పథకాలను ప్రారంభించారు. ఈ పథకాలు ఆర్థిక వ్యవస్థకు కొత్త ఉత్సాహాన్ని ఇచ్చాయి. దీంతో భారత జీడీపీ గణనీయంగా పెరిగింది. వాజపేయి దార్శనికత, దేశభక్తి, ప్రజల ఆత్మవిశ్వాసం అణు పరీక్షల ఆంక్షల నుంచి భారత్ ను బయటపడేయడంలో కీలక పాత్ర పోషించాయి. 27 ఏళ్ళ తర్వాత కూడా ఈ సంఘటన దేశానికి స్ఫూర్తినిస్తూనే ఉంది.