Cloudburst: అప్పుడు వయనాడ్ ఇప్పుడు హిమాచల్‌ప్రదేశ్.. అసలు క్లౌడ్ బరస్ట్ ఎలా ఏర్పడుతుందో తెలుసా?
హిమాచల్‌ ప్రదేశ్‌లో భారీ వర్షాలు, వరదలు కలవరపెడుతున్నాయి. క్లౌడ్ బరస్ట్ కారణంగా కుంభవృష్టి కురుస్తోంది. వరదల వల్ల ప్రాణనష్టంతో పాటు భారీ ఆస్తినష్టం జరుగుతోంది. బుధవారం వచ్చిన భారీ వరదలకు ఇద్దరు వ్యక్తులు మృతి చెందారు. మరో 20 మంది వరదల్లో కొట్టుకుపోయారు.
హిమాచల్‌ ప్రదేశ్‌లో భారీ వర్షాలు, వరదలు కలవరపెడుతున్నాయి. క్లౌడ్ బరస్ట్ కారణంగా కుంభవృష్టి కురుస్తోంది. వరదల వల్ల ప్రాణనష్టంతో పాటు భారీ ఆస్తినష్టం జరుగుతోంది. బుధవారం వచ్చిన భారీ వరదలకు ఇద్దరు వ్యక్తులు మృతి చెందారు. మరో 20 మంది వరదల్లో కొట్టుకుపోయారు. కంగ్రా జిల్లాలోని ఇందిరా ప్రియదర్శిని హైడ్రో ఎలక్ట్రిక్ ప్రాజెక్ట్ స్థలంలో వరద ప్రవాహం పెరగడంతో ఈ ప్రమాదం చోటుచేసుకున్నట్లు తెలుస్తోంది.
మరోవైపు కుల్లూ జిల్లాలో భారీగా వర్షాలు పడటంతో నదులు ఉప్పొంగుతున్నాయి. అలాగే జివా నల్లా, రేహ్లా బిహాల్‌ అనే ప్రాంతాలు కూడా వరదలకు ప్రభావితమయ్యాయి. దీంతో అక్కడి స్థానికులు భయాందోళనకు గురవుతున్నారు. చాలా ప్రాంతాల్లో వరదల వల్ల రోడ్లు, ఇళ్లు, వంతెనలు తీవ్రంగా దెబ్బతిన్నాయి. పలు ప్రాంతాల్లో రాకపోకలు నిలిపివేశారు. దీంతో ప్రజలు తీవ్ర ఇబ్బందులు పడుతున్నారు. గతేడాది జులైలో కేరళలోని వయనాడ్‌లో క్లౌడ్ బరస్ట్ వల్ల వరదలు బీభత్సం సృష్టించిన సంగతి తెలిసిందే. కొండచరియలు విరిగిపడి చాలామంది ప్రాణాలు కోల్పోయారు. ఈ విపత్తులో దాదాపు 250 మందికి పైగా మృతి చెందారు.
అతి తక్కువ సమయంలో భారీ వర్షాలు కురవడాన్నే మేఘాల విస్పోటము (క్లౌడ్ బరస్ట్) అని అంటారు. ఇలాంటి సందర్భం వచ్చినప్పుడు 20 నుంచి 30 కిలోమీటర్ల పరిధిలోనే 10 సెం.మీటర్ల వర్షపాతం నమోదవుతుంది. ఉరుములు, పిడుగులతో కురిసే ఈ భారీ వర్షాలు ఆకస్మిక వరదలకు దారితీస్తాయి. అయితే రెండు గంటల వ్యవధిలో కూడా 5 సెం.మీ, అంతకన్నా ఎక్కువ వర్షపాతం నమోదైతే దాన్ని మినీ క్లౌడ్బరస్ట్ అని అంటారు. అయితే తక్కువ సమయంలో కురిసే భారీ వర్షాలన్నింటినీ క్లౌడ్‌బరస్ట్‌గా పరిగణించలేం. కొన్ని వాతావరణ పరిస్థితులను బట్టే క్లౌడ్ బరస్ట్‌గా పరిగణిస్తారు.
Kasol, Himachal Pradesh, India turned into a nightmare, flash floods swallowed cars in seconds! Riverfront turned danger zone. Spine-chilling visuals as vehicles float away like paper boats. Monsoon mayhem is real. Stay alert, stay safe. pic.twitter.com/hK1viL045Z
క్లౌడ్ బరస్ట్ ఎక్కడ వస్తుందని కచ్చితంగా అంచనా వేయలేం. దీనికి సంబంధించి ఇప్పటిదాకా తక్కువ సమాచారమే అందుబాటులో ఉంది. అయితే ఇవి ఎక్కువగా ఎత్తైన ప్రదేశాలు ఉన్నచోటే సంభవిస్తాయని వాతావరణ శాస్త్రవేత్తలు చెబుతున్నారు. ఇవి ముఖ్యంగా వర్షాకాలంలో జమ్మూకశ్మీర్‌, హిమాచల్‌ప్రదేశ్, ఉత్తరాఖండ్‌ వంటి ఎత్తైన ప్రదేశాల్లో వాతావరణ మార్పుల వల్ల ఇలాంటివి సంభవిస్తున్నాయి.
సాధారణంగా రుతుపవనాలు దేశంలోకి వచ్చినప్పుడు అరేబియా సముద్రం నుంచి తేమతో కూడిన గాలులు వీస్తాయి. ఇవి పర్వత ప్రాంతాల్లోకి కూడా ప్రయాణిస్తాయి. దీంతో అవి అధిక తేమను కలిగి ఉంటాయి. వర్షం పడే పరిస్థితి వచ్చినప్పుడు వేడి వాతావరణం వల్ల మేఘాలు ఘనీభవించడం కొనసాగుతుంది. ఘనీభవన ప్రక్రియ పలుమార్లు కొనసాగడం వల్ల మేఘా సాంద్రత పెరుగుతుంది. అంటే అవి బరువెక్కుతాయి. దీంతో ఏదో ఒక సమయంలో ఒక్కసారిగా విస్ఫోటము చెందుతాయి. దీంతో తక్కువ పరిధిలోనే, తక్కువ సమయంలోనే భారీ వర్షాలు కురిసి ఆకస్మిక వరదలకు దారితీస్తాయి.
/rtv/media/member_avatars/2024/11/28/2024-11-28t080743362z-dfsdsd.jpg )
/rtv/media/media_files/2025/06/26/floods-in-himachal-prades-2025-06-26-15-55-02.jpg)
Follow Us
